Liáns, Oleiros

Liáns
Santaia de Liáns.
Concello	Oleiros
Coordenadas	43°20′05″N 8°21′04″O
Área	- km²
Poboación	(Ano 2009) 9.720 hab.
Densidade	hab./km²
Entidades de poboación	18
[ editar datos en Wikidata ]

[[Categoría:Oleiros poboación {{{ano}}}]]

Santaia de Liáns é unha parroquia que se localiza no sur do concello de Oleiros. Segundo o padrón municipal de 2009 tiña 9.720 habitantes (5017 mulleres e 4703 homes) o que supón un aumento en relación ao ano 1999 cando contaba con 6.209 habitantes.

Xeografía

As entidades de poboación que compoñen esta parroquia son: A Babilonia, O Bañil, Coruxo de Abaixo, Coruxo de Arriba, Os Regos, Choupana, Espiño, A Ferrala, Franzomel, Lóngora, Lamastelle, Montrove, Pazo do Río, Bastiagueiro, Pazos, Porto de Santa Cruz, O Seixo e Vista Alegre.

Patrimonio

A igrexa parroquial, de estilo barroco, está en Liáns cun antigo camposanto ao seu carón. Esta igrexa é o lugar de filmacións de series como Padre Casares.

O castelo de Santa Cruz está situado nun illote na enseada do mesmo nome, no Porto de Santa Cruz. Foi mandado construír por Diego das Mariñas no século XVI para completar o sistema defensivo da ría da Coruña, xunto cos castelos de Santo Antón, San Diego e San Amaro. Na actualidade é propiedade do concello de Oleiros e alberga o Centro de Extensión Universitaria e Divulgación Ambiental de Galicia (CEIDA).

O Museo dos Oleiros forma parte do Centro Cultural As Torres de Santa Cruz, unha das máis importantes escolas de cerámica popular. Acolle unha colección única en Europa de cerámica popular, e é sede de Alfaroleiros, unha das feiras máis importantes de cerámica tradicional de España, que cada ano acolle centos de oleiros que expoñen as súas pezas.

Galería de imaxes

Artigo principal: Galería de imaxes de Liáns, Oleiros.

• 
  Igrexa de Santaia de Liáns
• 
  Cruceiro do adro da igrexa de Santaia de Liáns
• 
  No cemiterio.
• 
  Capela de San Paio, en Montrove.
• 
  Centro Cultural As Torres, no Porto de Santa Cruz co Museo Os Oleiros José María Kaydeda, o teatro municipal das Torres e a Biblioteca Municipal e Centro de Documentación da Muller Rosalía de Castro.
• 
  Fachada traseira do edificio principal do castelo de Santa Cruz.
• 
  Monumentos aos Emigrantes na Praza do Emigrante, no Porto de Santa Cruz.
• 
  A praia de Portocovo e o castelo de Santa Cruz, no Porto de Santa Cruz.
• 
  Porto de Santa Cruz coa marea baixa
• 
  Porto de Santa Cruz coa marea chea
• 
  Patio do pazo de Lóngora, residencia de Marcial del Adalid e Fanny Garrido.
• 
  Cruceiro do pazo de Lóngora
• 
  Pietà na cara posterior do cruceiro do pazo de Lóngora
• 
  Alegoría do inverno á beira do estanque do pazo de Lóngora
• 
  Alegoría da primavera á beira do estanque do pazo de Lóngora
• 
  Alegoría do verán á beira do estanque do pazo de Lóngora
• 
  Alegoría do outono á beira do estanque do pazo de Lóngora

Lugares e Parroquias

Parroquias de Oleiros

Parroquias do concello de Oleiros.

Véxase tamén

Outros artigos

• Lugares de Oleiros