Orde de Malta

A Orde de Malta, tamén coñecida como Orde de San Xoán de Xerusalén ou Orde dos Hospitalarios, oficialmente Soberana Militar Orde Hospitalaria de San Xoán de Xerusalén de Rodas e de Malta é unha orde católica que reclama soberanía nacional e que ten status de observador permanente na ONU e considérase sucesora directa da orde medival dos Cabaleiros Hospitalarios. A Orde de Malta mantén relacións diplomáticas formais con 94 estados e ten a súa sede en Roma baixo a dirección dun Gran Maestre

Historia

A orixe da orde está no permiso que lle deron as autoridades musulmáns de Palestina para que os comerciantes de Amalfi puideran reconstruir un antigo hospicio en Xerusalén para albergar peregrinos cristians, tras a primeira cruzada, o reitor do hospital, de nome Xerardo concebiu o establecemento dunha institución que se encargase da defensa dos peregrinos. O papa Pascual II recoñeceu a orde como irmandade hospitalaria en 1113, construiuse o primeiro hospital preto da Igrexa do Santo Sepulcro e comezou a dar escolta armada ao peregrinos, que medrou ata converterse nunha auténtica forza militar.