Régoa, Cedeira

Régoa
Concello	Cedeira
Coordenadas	43°40′36″N 8°01′58″O
Poboación	(ano 2007) 398 hab.
Entidades de poboación	25
[ editar datos en Wikidata ]

[[Categoría:Cedeira poboación {{{ano}}}]]

Xeografía

Localizacion da parroquia no concello de Cedeira

A extensa parroquia de Régoa esténdese polas vertentes occidentales da Serra da Capelada, parte do val do río Condomiñas até os cumes da dita Serra da Capelada e mesmo parte da vertente oriental até os afluentes do río Seixo. Os seus límites son polo noroeste o mar, entre a Boca da Ribeira e os cantís do monte da Herbeira; polo leste as parroquias de Landoi dende o rego Couce do Arresto, afluente do Seixo, até o rego do Ameneiro na Pasada das Mestas e a de Veiga polos altos da Capelada. Polo sur linda coa parroquias de Montoxo separada polo rego do Feal até a ponte de Braxe e coa de Piñeiro na fonte da Balteira e o rego da Pontigas. Por último polo oeste limita coas parroquias de Cedeira no rio Condomiñas e a de Cervo. A estrada que vai dende Cedeira até Chímparra cruza a parroquia polos lugares de Pontigas, Nogueira, Canabal, Igrexa, Barral e Malde.

Patrimonio

Na beira dereita do regato do Barral e moi perto de Canabal atopamos a igrexa parroquial na hora de Santa María. Se ben ten moita máis sona o santuario de Santo André do lugar de Teixido, erguido nun pequeño val pendurado do cantíl, sobre unha antigua ermida pequena e que conta cun altar churrigueresco de certa notoriedade. Segúndo Federico Maciñeira foi erguida no ano 1655 e reformada no 1785. Lugar de romaxe coñecido dende moi antigo e aínda hoxe bastante frecuentado xa non do xeito e devoción relixiosa de antano . –Ao Santo André de Teixido vai de morto, o que non vai de vivo- di o dito popular. A base deste santuario acadou este lugar entidade de parroquia eclesiástica, anexa a de Régoa, pero independente. Se ben administrativamente non ten recoñecida esta categoría.

Pobación

Segundo o padrón municipal de 2007 tiña 398 habitantes (201 homes e 197 mulleres), distribuídos en 25 entidades de poboación, o que supón unha diminución en relación ao ano 1999 cando tiña 442 habitantes.