Vimara Pérez

Estatua de Vimara Pérez na ciudade de Porto creada por Salvador Barata Feyo en 1968

Vimara Pérez, Vimara Peres ou Guímara Perez († A Coruña, 873) foi un nobre galego do século IX. Con importantes posesións no interior da Galicia actual, dirixe o gran salto repoboador ata a liña do Douro. Fundou o xermolo dun estado feudal ao redor da cidade de Porto que reconquistou ou repoboou, segundo as distintas concepcións do avance cristián cara o sur. Atribúeselle tamén a fundación da cidade de Guimarães (de Vimaranis).

Os reis de Oviedo dirixiran a reorganización do territorio no Baixo Miño e no Bierzo, pero segundo nos afastamos cara ao sur a influencia da Corte vaise esvaindo e as iniciativas as asume unha nobreza galega ben arraigada e gobernante na Galicia nuclear. Amparándose nunha teórica autorización do rei Afonso III o Magno, fíxose dono dun espazo onde a estrutura de poder islámico era feble e reorganizou o territorio baixo o seu dominio reconstruíndo a autoridade cristiá sobre a cidade de Porto tras reconquistala no ano 868.

Dirixiu, para estes efectos, o asentamento de colonos e o reparto de terras, restaurou as institucións da Igrexa e consolidou unha nova fronteira despexándoa do perigo árabe. Este labor permitiu o segundo gran salto a cargo doutro gran magnate galego Hermenexildo Guterrez. Estes nobres seguiron vencellados á Galicia orixinaria da que non se desarraigan. En efecto, fortaleceron os seu poder na terra de Amaía, e amplas zonas lucenses. Os monarcas do Reino de Galicia e de León cada vez serán máis dependentes deles.

Unha maxestosa estatua érguese diante da actual catedral da cidade que fundou.

Vimara Pérez Casa de Portucale Nacemento: ca 820 Falecemento: 873
Aristocracia galega
Precedido por Novo Título	Conde de Portucale 868 – 873	Sucedido  por Lucidio Vimaranis