Fernando Torres: Diferenzas entre revisións
Sen resumo de edición |
m bot Engadido: cy:Fernando Torres |
||
Liña 290: | Liña 290: | ||
[[ca:Fernando José Torres Sanz]] |
[[ca:Fernando José Torres Sanz]] |
||
[[cs:Fernando Torres]] |
[[cs:Fernando Torres]] |
||
[[cy:Fernando Torres]] |
|||
[[da:Fernando Torres]] |
[[da:Fernando Torres]] |
||
[[de:Fernando Torres]] |
[[de:Fernando Torres]] |
Revisión como estaba o 13 de setembro de 2010 ás 04:35
Fernando Torres | |||
---|---|---|---|
Información persoal | |||
Nome | Fernando José Torres Sanz | ||
Nacemento |
20 de marzo de 1984 (40 anos) | ||
Lugar de nacemento | Fuenlabrada | ||
Altura | 1,86 | ||
Posición | Dianteiro | ||
Na rede | |||
https://www.fernando9torres.com/ | |||
[ editar datos en Wikidata ] | |||
Fernando José Torres Sanz, nado o 20 de marzo de 1984 en Fuenlabrada, Madrid, é un futbolista español. Xoga na posición de dianteiro. Na actualidade o seu clube é o Liverpool FC.
En 2010 proclamouse campión da Copa Mundial de Fútbol coa selección española.
Traxectoria
Comezou a xogar na canteira do Atlético de Madrid cando tiña dez anos e debutou en primeira división do fútbol español co seu equipo o 1 de setembro de 2002 no Camp Nou, empatando co FC Barcelona 2-2. No clube madrileño estivo xogando cinco tempadas consecutivas, onde obtivo unha media de 15 goles e un record de 23 goles por tempada en 2003-04.
O seu debut como internacional foi o 6 de setembro de 2003 no partido Portugal 0 - 3 España. Torres ha participado en la Copa Mundial de Fútbol de 2006.
En 2007 ficha polo Liverpool FC, por 36 millóns de euros, co que se converte na fichaxe máis cara nos 150 anos de historia do club inglés e a máis cara da tempada 2007/2008 en Europa. O 16 de xullo debuta co Liverpool FC nun amigable ante o Werder Bremen (3-2 para os Reds). O 11 de agosto debuta oficialmente co Liverpool FC no partido de liga Aston Villa-Liverpool FC (1-2).
Selección nacional
En 2001 impúxose no «Torneo Algarve» coa selección sub-16 española. Tamén venceron no campionato europeo sub-16 da UEFA, no que Torres anotou o único tanto da final e foi elixido mellor xogador do campionato. En novembro dese mesmo ano representou a España no Mundial Sub-17 de 2001, no que a selección foi eliminada na fase de grupos. En 2002 impúxose no europeo sub-19, no que foi nomeado futbolista do torneo e de novo anotou o único tanto da final.
O 6 de setembro de 2003 debutou coa selección nacional nun amigable ante Portugal. O 28 de abril de 2004 anotou o seu primeiro tanto ante a selección italiana, e foi convocado á Eurocopa dese ano.
Na fase de clasificación para o Mundial de Alemaña 2006 anotou sete tantos en once partidos, entre eles un hat-trick a San Marino, sendo o máximo goleador español de devandita fase. No Mundial marcaría outros 3 goles, compartindo o pichichi con David Villa.
Foi convocado para a Eurocopa 2008. Marcou dous goles na fase de clasificación e outros dous na Eurocopa, un deles o único tanto da final contra Alemaña (1-0), dando a España a segunda Eurocopa da súa historia.
O 28 de marzo de 2009 disputou ante Turquía o seu encontro número sesenta coa selección (durante a fase de clasificación para o Mundial de 2010) converténdose no futbolista máis novo en lograr este fito. Aínda que as lesións marcaron a tempada impedíndolle disputar un considerable número de encontros clasificatorios, anotou nun amigable ante Chile tras substituír a Villa na segunda metade. No verán Vicente del Bosque convocouno para disputar a Copa das Confederacións. Durante a disputa desta competición anotou o seu segundo hat-trick con España ante o combinado neozelandés; o hat-trick máis rápido da historia da selección. Tamén disputou o encontro de semifinais ante Estados Unidos -no que o combinado nacional foi derrotado (2-0)-, así como o encontro ante Sudáfrica -no que os españois impuxéronse (3-2) no tempo de desconto.
En 2010 volveu ser convocado por Vicente del Bosque para disputar o Mundial de Sudáfrica. O 11 de xullo de 2010 proclamouse campión da Copa Mundial de Fútbol coa selección española en Sudáfrica.
Clubs e estatísticas
Club | Tempada | Liga | Copa local[1] | Copa continental[2] | Total | ||||||
---|---|---|---|---|---|---|---|---|---|---|---|
Part. | Goles | Part. | Goles | Part. | Goles | Part. | Goles | ||||
Atlético de Madrid España |
2000–01* | 4 | 1 | 2 | 0 | 6 | 1 | ||||
2001–02* | 36 | 6 | 1 | 1 | 37 | 7 | |||||
2002–03 | 29 | 13 | 2 | 1 | 31 | 14 | |||||
2003–04 | 35 | 21 | 5 | 2 | 40 | 23 | |||||
2004–05 | 38 | 16 | 6 | 2 | 5 | 2 | 49 | 20 | |||
2005–06 | 36 | 13 | 4 | 0 | 40 | 13 | |||||
2006–07 | 36 | 14 | 4 | 1 | 40 | 15 | |||||
Total | 214 | 82 | 24 | 7 | 5 | 2 | 243 | 91 | |||
Liverpool FC Inglaterra |
2007–08 | 33 | 24 | 2 | 3 | 11 | 6 | 46 | 33 | ||
2008–09 | 24 | 14 | 5 | 1 | 9 | 2 | 38 | 17 | |||
Total | 57 | 38 | 7 | 4 | 20 | 8 | 84 | 50 | |||
Total | 264 | 117 | 30 | 11 | 22 | 10 | 318 | 140 | |||
Datos correspondentes ó 21 de abril de 2009[3]
* Segunda división |
Palmarés
Campionatos nacionais
Título | Club | País | Ano |
---|---|---|---|
Segunda División de España | Atlético de Madrid | España | 2002 |
Copas internacionais
Título | Club | País | Ano |
---|---|---|---|
Torneo Internacional do Algarve | Selección española sub-16 | Portugal | 2001 |
Campeonato Europeo sub-16 da UEFA | Selección española sub-16 | Inglaterra | 2001 |
Campeonato Europeo sub-19 da UEFA | Selección española sub-19 | Noruega | 2002 |
Campeonato Europeo da UEFA | Selección española | Austria-Suíza | 2008 |
Copa Mundial de Fútbol | Selección española | Sudáfrica | 2010 |
Distincións individuais
Distinción | Ano |
---|---|
Goleador do Campeonato Europeo sub-16 da UEFA | 2001 |
Mellor xogador do Campeonato Europeo sub-16 da UEFA | 2001 |
Goleador do Campeonato Europeo sub-19 da UEFA | 2002 |
Mellor xogador do Campeonato Europeo sub-19 da UEFA | 2002 |
Mellor xogador debutante na Premier League | 2008 |
Mellor xogador da Final da Eurocopa | 2008 |
Mellor xogador do ano "Northwest Awards" Premier League[4] | 2008 |
Balón de bronce | 2008 |
Terceiro lugar do Xogador Mundial da FIFA | 2008 |
Bota de Prata da Copa FIFA Confederacións | 2009 |
Incluído no equipo ideal FIFA/FIFPro[5] | 2009 |
Fernando Torres e Galiza
O seu pai é de Boqueixón e a súa nai madrileña. Dende 1990 pasaba os veráns na localidade de Estorde, en Cee[6]. Durante os veráns coñeceu a súa compañeira, unha rapaza chamada Olalla[7].
Outros datos
Participou no videoclip da canción "Ya nada volvera ser como antes" do grupo pop El canto del loco, onde a moza lle marchaba co vocalista do grupo.
Notas
- ↑ Considéranse os partidos xogados na Copa do Rei
- ↑ Considéranse os partidos xogados na Liga de Campións da UEFA, a Copa da UEFA e a Copa Intertoto.
- ↑ Sitio web oficial de Fernando Torres. 30 de xuño de 2007
- ↑ Futbolista do ano nos Northwest Awards
- ↑ FIFPro.org - O Once Mundial FIFA/FIFPro sae a escena en Zúric
- ↑ O pasado galego de Torres: O neno que creceu na praia de Cee, La Voz de Galicia, 28/06/08
- ↑ Biografía en Portal Mix