David Rubín: Diferenzas entre revisións
arranxiños |
|||
| Liña 34: | Liña 34: | ||
[[Categoría:Personalidades do cómic de Galicia|Rubin, David]] |
[[Categoría:Personalidades do cómic de Galicia|Rubin, David]] |
||
[[Categoría:Nados en Ourense]] |
|||
[[eu:David Rubín]] |
[[eu:David Rubín]] |
||
Revisión como estaba o 4 de setembro de 2010 ás 21:22
David Rubín, nado en Ourense o 19 de outubro de 1977, é un dos principais debuxantes de banda deseñada galegos.
Traxectoria
Debuxante e animador, comezou na ourensá Limaía Produccións. Continúa no campo dos debuxos animados, agora traballando para a produtora coruñesa Dygra. Ten feito curtametraxes e cortinillas de animación, pero é máis coñecido como autor de BD, xa que é un dos máis prolíficos de Galicia. Confundador do colectivo Polaqia en 2001, debuxou unha historia escrita por Kike Benlloch no álbum colectivo Mmmh!!. Conta con series propias nas revistas galegas BD Banda (desde 2001) e Barsowia (desde 2003). É o autor de Os Kinkilláns, unha das series máis populares da segunda etapa de Golfiño, publicación xuvenil ofrecida xunto a La Voz de Galicia. Cómics seus viron a luz en publicacións como Tos, Huevo ou El fanzine enfermo. Foi un dos autores que máis contribuíu á última época da revista Dos veces breve.
Tamén se dedica ao humor gráfico para El Periódico de Catalunya.
Premios
Gañou o primeiro premio das Xornadas de Banda Deseñada de Ourense, na categoría de 22 a 30 anos, nos anos 2000 (por A sombra xigante que me afoga) e 2002 (por Antón ardendo) e mais o cuarto premio en 2001. Premio Ourense ao mellor autor afeccionado (Casa da Xuventude de Ourense, 2000).
Gañador en xaneiro de 2003 do VIII Certame de Cómic de Arteixo, correspondente ao ano 2002. Gañador en marzo de 2004 do IX Certame de Cómic de Arteixo coa historia O segundo que ía dicirche.
En 2004 fíxose co segundo premio do certame "Na Vangarda" (Dirección Xeral de Xuventude e Solidariedade) polo relato breve Corredora feito en equipo con Emma Ríos. Gañou en 2005 coa historia curta Patacas.
Gañador en 2005 do I Premio Castelao de BD (Deputación Provincial da Coruña) coa novela gráfica Onde ninguén pode chegar.
III Premios La Cárcel de Papel, mellor autor revelación no 2006.
Álbumes
- El circo del desaliento (Astiberri), (2005). Inclúe en castelán a historia Onde ninguén pode chegar, gañadora do I Premio Castelao nese mesmo ano.
- Corazón de Tormentas, obra en galego realizada en 24 horas seguindo as normas creadas por Scott McCloud (24horas x 24 páxinas).
- La tetería del oso malayo (Astiberri), (2006)
Filmografía
- O espírito do bosque, 2008. Director.