Forte da Ínsua

Moledo
Monumento Nacional
Concello	Caminha
Coordenadas	41°51′33″N 8°52′29″O
Estilo arquitectónico
Estilo orixinal	abaluartado (1649-1652)
Estilo actual	? (mal conservado)
Estado actual	Portugal
[ editar datos en Wikidata ]

O Forte da Ínsua é unha fortificación situada na parroquia de Moledo, no concello de Caminha, no distrito de Viana do Castelo, en Portugal.

A insua de Santo Isidro está situada no esteiro do río Miño, a douscentos metros da costa.

Antecedentes

Esta pequena illa foi utilizada como lugar de culto. En época cristiá había nela unha pequena ermida, baixo a invocación da Nosa Señora da Ínsua.

O primitivo forte

Durante o reinado de Xoán I de Portugal, franciscanos de Galicia ergueron un mosteiro entre 1388 o 1392. Algúns autores que remonta a esa época a primeira defensa local, coa función de protección da barra do río e dos relixiosos.

Máis tarde o rei Manuel I de Portugal tería reformado e ampliado esa defensa en 1512, ao igual que faría anos máis tardes Filipe I de Portugal. Non existen vestixios desas estruturas achegadas.

O forte setecentista

Forte da Ínsua: aspecto dun baluarte.

Situado nunha rexión fronteiriza estratéxica para o acceso a Caminha, a actual estrutura débese ao contexto da Guerra da Restauración da independencia portuguesa, durante o reinado de Xoán IV de Portugal, mandada construír entre 1649 e 1652 por Diogo de Lima.

Reparada e reforzada nos séculos seguintes, foi abandonado até que, en 1940, pasou a mans do Ministério das Finanças de Portugal.

Actualmente está en condicións precarias de conservación. Rexistrou a perda dos soportes de madeira dos tellados e das tellas, dos azulexos seiscentistas, das pinturas e das imaxes da capela. O remanescente pode ser visitado polo público, sendo a travesía até a insua feita por pequenas embarcacións locais.

Características

O forte presenta planta cadrangular con baluartes nos vértices. Un revelín protexe o portón de armas. En torno ao terraplén, ao abrigo das murallas, encóntranse os depósitos e cuarteis da tropa. No centro encóntranse as edificacións de servizo: Casa de Comando e cuartel da tropa, cociña, paiol e capela. Un pozo de auga potable abastecía á guarnición, composta por un Gobernador (comandante) e doce prazas, renovadas semanalmente. Ese pozo destaca por se situar no mar, sendo un dos tres únicos existentes no mundo con esa característica.

Véxase tamén

Bibliografia

• Gil, J. e cabrita, A: Os mais belos castelos e fortalezas de Portugal. Editorial Verbo, 1996. ISBN 972-22-1135-8

Ligazóns externas

• Instituto Português do Património Arquitectónico (IGESPAR) (en portugués).
• "História do Forte da Ínsua", no blog Moledo do Minho (en portugués).
• "Forte da Ínsua", no blog Vila Praia de Âncora (en portugués).