Triángulo: Diferenzas entre revisións

Na Galipedia, a Wikipedia en galego.
Contido eliminado Contido engadido
Xqbot (conversa | contribucións)
m bot Engadido: so:Sadax xagal
Rubinbot (conversa | contribucións)
m bot Modificado: so:Saddax-xagal
Liña 150: Liña 150:
[[sk:Trojuholník]]
[[sk:Trojuholník]]
[[sl:Trikotnik]]
[[sl:Trikotnik]]
[[so:Sadax xagal]]
[[so:Saddax-xagal]]
[[sq:Trekëndëshi]]
[[sq:Trekëndëshi]]
[[sr:Троугао]]
[[sr:Троугао]]

Revisión como estaba o 15 de xuño de 2010 ás 20:53

Triángulo irregular (escaleno).

Un triángulo é un polígono (figura plana) de tres lados e tres ángulos. A suma dos tres ángulos do triángulo é de 180 graos.

Propiedades dos triángulos

  • A superficie ou área calcúlase pola fórmula onde b é a lonxitude dun lado (a base) e h a altura respecto dese lado.
  • A suma das lonxitudes de dous dos seus ángulos é sempre maior ca do terceiro lado.
  • A suma dos seus ángulos é igual a 180º.
  • Teorema de Pitágoras: nun triángulo rectángulo, a suma dos cadrados dos catetos é igual ao cadrado da hipotenusa: a² + b² = c²
  • Teorema do seno: nun triángulo calquera, os lados son proporcionais aos senos dos ángulos opostos:
  • Teorema do coseno: nun triángulo calquera, o cadrado dun lado é igual á suma dos cadrados dos outros lados menos o dobre do produto destes lados polo coseno do ángulo comprendido entre eles:

Tipos de triángulos

O triángulo, en función dos seus lados, pode ser:

  • Equilátero: cando o triángulo ten os seus tres lados (e polo tanto os seus ángulos) iguais.
  • Isóscele: cando ten dous lados (e dous ángulos) iguais, e outro desigual.
  • Escaleno: cando ten os tres lados (e ángulos) desiguais.

Triángulo equilátero. Triángulo isóscele. Triángulo escaleno.

O triángulo, en función dos seus ángulos, pode ser:

  • Acutángulo: cando ten os seus tres ángulos agudos (menores de 90 graos).
  • Rectángulo: cando ten un ángulo recto (de 90 graos).
  • Obtusángulo: cando ten un ángulo obtuso (maior de 90 graos).

Triángulo acutángulo. Triángulo rectángulo. Triángulo obtusángulo.

O triángulo rectángulo

Ficheiro:Rectangulo.jpg
Triángulo rectángulo.
Teorema de Pitágoras.

Un caso especial e amplamente estudiado é o do triángulo rectángulo polas súas propiedades xeométricas. Neste tipo de triángulos, o lado oposto ó ángulo de 90 graos chámase hipotenusa, e os outros dous catetos. A área dun triángulo rectángulo pódese calcular como o produto (das lonxitudes) dos catetos dividido entre dous. Ademais, sempre se cumpre que o cadrado da hipotenusa é igual á suma dos cadrados dos catetos (propiedade enunciada no Teorema de Pitágoras).

Ademais, defínese o coseno dun ángulo como a lonxitude do cateto contiguo partido pola hipotenusa, e o seno como cateto oposto dividido entre a hipotenusa. A tanxente será a razón entre o cateto oposto e o contiguo, ou entre o seno e o coseno.

Se xuntamos dous triángulos rectángulos iguais superpoñendo as súas hipotenusas, a figura resultante é un rectángulo (de aí a relación entre o cálculo das áreas de ambas figuras). Se os triángulos unidos son, ademais de rectángulos, isósceles (os ángulos agudos son de 45 graos), resulta un cadrado.

Liñas e puntos notables dos triángulos

  • Altura e ortocentro: a altura dun triángulo é a perpendicular trazada dende un vértice ao seu lado oposto. O punto onde se cortan as tres alturas é o ortocentro.
  • Mediana ou transversal de gravidade e baricentro: a mediana é la liña que une un vértice co punto medio do lado oposto. O punto de corte entre as tres medianas chámase baricentro.
  • Mediatriz e circuncentro: levantando perpendiculares polo punto medio de cada un dos lados obtéñense as mediatrices. O punto no que se cortan as tres mediatrices é o circuncentro, e é o centro da circunferencia circunscrita ao triángulo.
  • Bisectriz e incentro: a bisectriz dun ángulo é o lugar xeométrico dos puntos que equidistan dos lados. O incentro é o punto no que converxen as bisectrices dos vértices, e ademais é o centro da circunferencia inscrita no triángulo.

Alturas e ortocentro. Medianas e baricentro. Mediatriz e circuncentro. Bisectriz e incentro.

Véxase tamén

Outros artigos

Modelo:Link FA Modelo:Link FA