Ano Santo Xacobeo

Para outras páxinas con títulos homónimos véxase: Xacobeo.

Para outras páxinas con títulos homónimos véxase: Ano (homónimos).

O Ano Santo Xacobeo, tamén chamado Ano Santo compostelán, é unha celebración católica que se celebra en Santiago de Compostela os anos que o 25 de xullo, festividade do Apóstolo, cae en domingo. Isto sucede cunha regularidade de 28 anos de 6-5-6-11 anos, o que supón que en cada século se celebren catorce Xacobeos.

Para conseguir a bula xubilar ou xubileu o católico ten que visitar a Catedral de Santiago de Compostela, onde segundo a tradición está o sartego do apóstolo Santiago o maior, rezar algunha oración, cando menos o Credo, o Noso Pai e pedir polas intencións do papa. Tamén debe recibir os sacramentos da comuñón e da penitencia. A gracia que o peregrino obtén en ano santo é a indulxencia plenaria dos seus pecados.

O primeiro ano santo compostelán do que se ten noticia é o do ano 1428, convocado polo arcebispo Lope de Mendoza, aínda que a historiografía tradicional afirmaba que se debía a unha bula do papa Calisto II no ano 1122 grazas a unha falsificación feita a fins do século XV da bula de Alexandre III, Regis Aeterni, que o establecía así.

Táboa dos Anos Santos Jacobeos, periodicidade: 6, 5, 6, 11

OS 28 ANOS SANTOS XACOBEOS DOS SÉCULOS XX e XXI
	+6	+5	+6	+11
+28	1909	1915	1920	1926
+28	1937	1943	1948	1954
+28	1965	1971	1976	1982
+28	1993	1999	2004	2010
+28	2021	2027	2032	2038
+28	2049	2055	2060	2066
+28	2077	2083	2088	2094
Fonte: Calendario perpetuo

Galeria de Imaxes

• Selo de 1937 conmemorativo do Ano Santo
  Selo de 1937 conmemorativo do Ano Santo
• 
  Contador Xacobeo 2010, Santiago de Compostela

Véxase tamén

• Camiño de Santiago
• Santiago de Compostela