Sancha I de Galicia

Miniatura medieval que representa á raíña Sancha I e ao seu consorte Fernando I.

A raíña Sancha I de Galicia (1013 - 7 de novembro de 1067). Filla de Afonso V o Nobre e da súa esposa, a raíña Elvira Menéndez de Melanda, foi infanta e raíña de toda a Galicia altomedieval, convirtindose o seu marido, o conde de Castela Fernando I, en rei consorte pero con poder efectivo á morte de Vermudo III, irmán da raíña Sancha, que perdeu a vida na Batalla de Tamarón.

Biografía

Filla de Alfonso V e da súa esposa, a raíña Elvira Menéndez, irmá de Vermudo III, Sancha foi a herdeira final dos dereitos ao trono do Reino de Galicia como filla do rei Alfonso V e irmá de Vermudo III, dereitos que transmitiu aos seus fillos. O que sería o seu marido, Fernando I adquiriu o título de rei, tras casar con Sancha, se ben paradóxicamente Fernando fora un dos cabaleiros navarros que acabara coa vida do seu irmán, e rei, Vermudo III. Antes de se casar co navarro Fernando I, estivo prometida con García Sánchez, conde de Castela. Cando ía coñecer á infanta, este foi asasinado pola familia Vea nas rúas de León o 13 de maio de 1028.

A Igrexa católica venéraa como beata. Xunto ao seu esposo ordenou a construción da Colexiata de San Isidoro, na cidade de León, onde se depositaron as reliquias do santo, que foran traídas desde Sevilla.

Faleceu na cidade de León o día 7 de novembro de 1067.

Matrimonio e descendencia

Contraxo matrimonio con Fernando I, fillo do rei navarro Sacho Garcés III de Pamplona e Muniadona. De esta unión naceron:

• Infanta Urraca de Zamora (c. 1033–1101), señora de Zamora. Foi sepultada en San Isidoro de León.
• Infante Sancho (1038–1072), rei de Castela como Sancho I, e de León como Sancho II (1065–1072). Foi sepultado no Mosterio de San Salvador de Oña.
• Infanta Elvira, (¿?–1101), señora de Toro. Foi sepultada en San Isidoro de León.
• Infante Alfonso (1040–1109), rei de León (1065–1072) e de León, Castela y Galiza (1072–1109), como Alfonso VI. Os seus restos mortais descansan, na compaña da maioría das súas esposas, no Mosterio de Benedictinas de Sahagún.
• Infante García (1042–1090), rei de Galiza (1066–1071 y 1072–1073). Foi sepultado en San Isidoro de León.

Sancha I de Galicia Ordóñez Nacemento: 1013 Falecemento: 7 de novembro 1067
Títulos Reais
Precedido por Vermudo III
	Raíña de Galicia 1037–1065	Sucedido  por Afonso VI
		Sucedido  por García II
		Sucedido  por Sancho III