Wikipedia:A Taberna (novas)

Esta é a sección de novas da Taberna
Esta sección úsase para realizar anuncios sobre temas relacionados coa Wikipedia. Comezar un novo fío de conversa	Políticas publicar	Técnica publicar	Propostas publicar	Axuda publicar	Imaxes publicar	Xeral publicar
Lembra asinar as mensaxes que escribas engadindo o código "~~~~" ou premendo na icona "" da barra de edición.
< Conversas vellas | Arquivos: 1, 2, 3, 4, 5, 6, 7, 8, 9, 10, 11, 12, 13, 14, 15, 16, 17, 18, 19, 20, 21, 22, 23

Varias novidades

Co remate do verán e a chegada da vindeira temporada traio tres novidades que creo que son importantes para a Galipedia:

1. Despois de facer a tradución, xa está dispoñible o acceso á Galipedia desde os móbiles, o seu enderezo: http://gl.m.wikipedia.org/ Por desgraza aínda non sei como poder encher a Portada, que actualmente está baleira (véxase por exemplo a versión inglesa).
2. Outra cousa destacable é a Iniciativa de usabilidade da Wikipedia. Trátase dun proxecto, chamado Beta (nun principio Açai), que ten o obxectivo de cambiar o aspecto da interface das wikipedias (suponse que para mellor). Se vos fixastes, hai pouco engadiuse unha nova opción antes do voso nome de usuario na parte superior das páxinas: Probar Beta. Podedes participar nela e dar a vosa opinión enchendo unha enquisa. Máis información: Wikipedia Usability Initiative.
3. A terceira chégame desde un xornal. O día 26 de agosto lin unha nova en El País onde informaban de que os artigos das Wikipedias serían revisados antes da súa publicación. Como ando metido no choio das traducións en translatewiki.net, pouco tiven que pensar para ligalo coa extensión Flagged Revisions. Ata o de agora só estaba activada e en fase de probas na Wikipedia en alemán; trátase dunha extensión que controla todos os cambios realizados en cada artigo do wiki, deste xeito antes de que as modificación se publiquen, alguén tenas que revisar (para converter o borrador nunha páxina estable). Isto permite un maior control sobre os vandalismos, xa que nunca se publicarían agás que algún outro usuario dese o visto bo.

Á parte, existe outra extensión chamada Collection que dá a posibilidade de crear un libro con páxinas dun wiki e logo solicitalo como libro impreso ou descargalo en formato PDF (máis información: Book tool). Arestora isto non é posible na Galipedia, tan só nas wikipedias máis grandes. E coido que non esquezo nada... polo de agora máis nada, entón. --Toliño ^{Fala aquí comigo} 13:51, 27 agosto 2009 (UTC)

Ola Toliño, antes de nada grazas por ternos ó tanto, xa que algunhas destas cousas, a min se me pasaran por alto, nomeadamente a versión móbil da Galipedia. Aí van unhas dubidiñas: a enquisa eu enchina mais en galego, non sei quen é o receptor final das enquisas. Sabes onde está a discusión sobre a nova Beta? É en Wikipedia Usability Initiative? Non me acaba de convencer de todo a nova Beta. Sobre a portada da versión móbil da Galipedia, como habería que creala? Supoño que teríamos que facer un prototipo, quizais co artigo destacado e o sobre galicia, e as efemérides. Pero non sei moi ben como, nin onde discutir sobre iso. E por último o da aprobación das edicións por parte dos usuarios non o termino de ver nunha wikipedia como a nosa, quizais si nas grandes, na que o elevado número de usuarios activos permite unha revisión máis exhaustiva, mais na nosa sería (polo de agora) penso que bastante inviable. Máis nada, grazas por ternos ó día do que se coce. Un saúdo. --Alberte ^{Si, dígame?} 15:32, 27 agosto 2009 (UTC)

Corroboro as verbas de Alberte. Cubrín a enquisa (sen saber quen vai mirar os resultados), pero non quedei demasiado contento coa versión; Alégrome de que a galipedia estea dispoñible nos celulares, e se se sabe como facer a portada, anímome a axudar; non vexo factible aprobar os artigos novos; O que se fai agora de revisalos a posteriori, vai funcionando mal que ben. Reitero o agradecemento a Toliño polas traducións e a información. --Estevo(aei)^{pa o que queiras...} 15:54, 27 agosto 2009 (UTC)

Concordo co que dixo Alberte. Respecto o da portada da versión mobil, penso que temporalmente, sería bo redireccionar a portada da Galipedia orixinal (esta). --Pontevedra78 (^Para _o ^que _ti ^queiras) 16:03, 27 agosto 2009 (UTC)

Polo que fedellei na wiki inglesa, iso é algo que están a discutir na wikipedia inglesa se o implementan para eles, polo que non nos vai afectar a nós, é un nivel superior de protección que tampouco vai afectar a todos os artigos,en:Wikipedia:Flagged protection and patrolled revisions.--RNC 16:11, 27 agosto 2009 (UTC) Velaí vos vai o artigo fonte que utilizou El País [1], penso que as diferenzas e a fiabilidade de un e outro son evidentes --RNC 16:15, 27 agosto 2009 (UTC)

• • Comentarios en resposta. En principio, a enquisa debera ser cuberta en inglés, porque que eu saiba non hai ninguén galego nestas cousas. Se hai sorte, alguén que entenda castelán podería comprender o que puxestes en galego. As discusións sobre Beta están nun wiki de seu (antes facíanse directamente en Meta-Wiki): usability.wikimedia.org. En canto á Portada da versión móbil non é algo que poidamos crear "dándolle a forma que nós queiramos", non vai como a Portada dunha Wikipedia "normal"; esta Portada consta de soamente dúas seccións: a do artigo destacado e a de actualidade como podedes ver en calquera lingua. O que non sei é como facer que se vexan. En canto ao da validación de artigos, se se incluíse en todas as wikipedias, non creo que dependera de nós elixir se aceptamos ou rexeitamos este novo método. --Toliño ^{Fala aquí comigo} 09:48, 28 agosto 2009 (UTC)
    • Engadido ao anterior. Sobre o da discusión de Beta: a páxina de introdución que sae ao premer sobre "Probar Beta" aínda non se actualizou, porque hai pouco engadiron un novo parágrafo ("Como involucrarse") que explica o que hai que facer. Velaquí tedes a mensaxe tal e como é agora. --Toliño ^{Fala aquí comigo} 09:57, 28 agosto 2009 (UTC)

Wikiproxecto sobre a hidrografía de Galicia

Hola! Son novo editando na Wikipedia e gustaríame axudar con respecto ó tema da hidrografía. Busquei se había algún artigo similar, e o que ten relación son os artigos Galicia e Xeografía de Galicia, que comentan brevemente a hidrografía, e dan un link a Ríos de Galicia, que é un listado por orde alfabética de todos os ríos. Penso que sería recomendable facer tamén unha clasificación xeográfica, e utilizar un esquema coherente con todos os artigos de ríos, rías e costas de galicia.

Como aínda non sabía moi ben como funciona isto, primeiro agrupei os ríos por cuncas, as cuncas por rías, e as rías por costas (Rías Baixas, Costa da Morte...) e creei uns mapas basados nos das diversas confederacións hidrográficas que teñen control en Galicia. Eses mapas están en SVG e xa os puxen en Wikimedia Commons baixo o dominio público. Despois editei o artigo Ríos de Galicia ó que lle engadín esa clasificación, engadin mapas, e crei un polémico artigo chamado Vertente no que pola miña ignorancia inventei unha nova clasificación de vertentes basada nas costas antes citadas, o miño, e outras dúas vertentes que inventei correspondentes ó Navia, ó Douro e ó Limia, sen saber que na Wikipedia só se pode engadir contido verificable por outras fontes. Con iso aclarado, a parte inventada xa se borrou. Tamén se propuxo cambiar a clasificación xeográfica de Ríos de Galicia a un novo artigo chamado Hidrografía de Galicia, para deixar o outro como listado. Entón creei este novo artigo, que de momento aínda e un mero esbozo ou esquema do que debe ser.

Pois ben, intento buscar máis axuda para seguir con este artigo, no que hai que revisar a clasificación feita especialmente no tocante a augas a mar aberto. Tamén sería bo escribir algo máis que a lista xeográfica en cada apartado, e completar o texto introductorio (copia do parágrafo adicado a hidrografía nos artigos Galicia e Xeografía de Galicia).

Tamén penso que é preciso adoptar un criterio a seguir para ordenar os afluentes (creo que o máis usado é primeiro pola esquerda e logo pola dereita, sempre río abaixo). Creo que tamén sería bo engadir nas páxinas de todolos ríos un cadro informativo (xa hai un, pero non é moi completo) no que aparezan recollidos os afluentes correctamente ordenados, os sitios por onde pasa, os detalles do nacemento e desembocadura, superficie da cunca, lonxitude do curso, e caudal na desembocadura, engadindo unha foto arriba e os mapas debaixo. Nos mapas eu poñería a localización da cunca (os que xa fixen), un mapa detallado da cunca con todos os cursos debuxados, localidades e serras (é bastante traballo, pero penso que pode valer a pena), e o perfil altimétrico do río. A idea do cadro saqueina do Geobox que utilizan na inglesa, que non usan só para os ríos, senón para todos os elementos xeográficos.

Non sei se todo esto é demasiado ambicioso ou está mal plantexado, pero espero servir de axuda co pouquiño tempo que lle podo adicar. Espero que entre todos sexa posible rematar o que se empezou. --Iagocasabiell 12:15, 5 setembro 2009 (UTC)

Modelo:Lugar

Creei o modelo {{Lugar}} a semellanza de {{Parroquia}} para inserir nos artigos de lugares de Galicia. Inclúe os campos: nome do lugar, imaxe e lenda d< imaxe, o nome da parroquia e o do concello, un campo para a poboación e o ano ao que corresponde. Se alguén se lle ocorre algunha mellora por favor que o diga canto antes para poder modificalo. Un cordial saúdo. --Prevert^gl 15:43, 5 outubro 2009 (UTC)

• • Bo traballo. A min paréceme ben en canto a datos, so faría unha suxestión: Se se puidese variar a cor ou algún outro elemento distintivo (non sei se iso resulta convinte ou congruente coas normas da Galipedia) para distinguilo mellor de {{Parroquia}} e non dar lugar a confusións (moi habituais) entre parroquias e lugares. --Xas (fálame) 16:01, 5 outubro 2009 (UTC)
    • Concordo co cambio de cor. Cal propós? --Toliño ^{Fala aquí comigo} 16:05, 5 outubro 2009 (UTC)

En canto ao cambio de cor por min non hai problema, penso que é preferible que sexa da gama dos azuis (aínda sendo distinto) para ter continuidade con {{Concello info}} e {{Parroquia}}. Un cordial saúdo. --Prevert^gl 16:17, 5 outubro 2009 (UTC)

Entón poderiamos ir dun azul máis escuro ({{Concello info}}), a un intermedio ({{Parroquia}}) e a outro clariño ({{Lugar}}). Ou ao revés, de claro a escuro. --Toliño ^{Fala aquí comigo} 16:30, 5 outubro 2009 (UTC)

A min valenme calquera das dúas opcións, deixoo nas vosas mans. Un cordial saúdo. --Prevert^gl 16:42, 5 outubro 2009 (UTC)

Calquera das dúas opcións paréceme boa. Por min, que decida Prevert, xa que el creou o modelo, a que se sexa máis sinxela. Ou senón que opine máis xente...--Xas (fálame) 18:57, 5 outubro 2009 (UTC)

O dos azuis que propón Prevert e o das tonalidades que di Toliño parece unha boa opción. --Atobar ^{(conversa comigo)} 20:29, 5 outubro 2009 (UTC)

Posto que o aspecto de {{Concello info}} é resultado dunha votación penso que é mellor non tocalo e facer os cambios en {{Parroquia}} e {{Lugar}}. Como fixen o modelo {{Lugar}} para saír do paso se alguén de vós se anima a facer as mudanzas de cores por min perfecto. Un cordial saúdo. --Prevert^gl 07:35, 6 outubro 2009 (UTC)

• Cambieilles as cores aos modelos de parroquia e lugar. Penso que o primeiro quedou con cores algo deprimentes, a ver se alguén atopa outras mellores. --Toliño ^{Fala aquí comigo} 16:15, 6 outubro 2009 (UTC)

Modelo:Entidade

Ollo!, acabo de ver que existe outro modelo que ten o mesmo emprego que iste e que xa se ven usando para os mesmos casos. Trátase do Modelo:Entidade. Podedes combrobar o uso en Chorente, Ribas Pequenas, Bóveda. Habería que ver de unificar ambos modelos...--Xas (fálame) 12:50, 12 outubro 2009 (UTC)

• Xa fusionei ambos os modelos e estou á espera de que o Prebot mude as inclusións do modelo entidade para borralo. --Toliño ^{Fala aquí comigo} 13:03, 13 outubro 2009 (UTC)
  • Feito! (por Prevert) --Toliño ^{Fala aquí comigo} 17:15, 16 outubro 2009 (UTC)

Renomear/Mover imaxes

En Commons está en probas desde o 21.09.09 a opción mover imaxes como se fosen páxinas, creo que é interesante para a Galipedia seguir o proceso por iso poño aquí o aviso. Información en Commons:File renaming. Un cordial saúdo. --Prevert^gl 09:55, 7 outubro 2009 (UTC)

Capitais do Brasil

Criei o modelo Modelo:Capitais do Brasil. Alex Pereira^¡digame! 18:09, 15 outubro 2009 (UTC)

Non seria mellor Capitais dos estados de Brasil ? Elvire 20:48, 15 outubro 2009 (UTC)

É máis completo. Fixo o cambio. Alex Pereira^¡digame! 12:29, 16 outubro 2009 (UTC)

Categoría:Galerías

Creei a categoría oculta Galerías para poder identificar e levar conta do número de galerías na Galipedia. Por exemplo cos 'Homónimos' pódese levar conta mediante o marcador {{Homónimos}} pero no caso das galerías iso non era posible porque só están clasificadas na categoría correspondente. Un cordial saúdo. --Prevert^gl 19:16, 2 novembro 2009 (UTC)

Máis sobre categorías ocultas

Vou comenzar a crear categorías ocultas que faciliten o mantemento e actualización dos artigos para aforrar tempo e para ter identificados aqueles artigos que requiran a revisión de datos que mudan periodicamente. Por exemplo os datos referidos a poboación nas páxinas de concellos, parroquias e lugares de Galicia. O nome da categoría vai ser do tipo: Categoría:Poboación 2007 (para ter nomes curtos e coa información suficiente) e como subcategorías as de cada concello (para seguir o mesmo esquema que para outras categorías; exemplo: Categoría:Fene poboación 2007), se o sistema funciona correctamente chegará un momento no que se poida saber cales son os artigos que requiran actualización de poboación sen necesidade de ir revisando un a un. Se esta categorización é útil pensaba estendela a outras situacións que requiran ese tipo de actualizacións. O obxectivo principal e permitir mellorar a calidade do wiki e que no futuro sexa preciso menos esforzo e tempo para manter revisados este tipo de artigos. Aproveito a mensaxe para dicir que así mesmo quería crear unha categoría oculta para as listas (aínda que xa existen categorías visibles) para poder cuantificar e identificar as listas dentro dun procedemento no que estou traballando para tentar ter algún indicador de calidade dos contidos da Galipedia. Se credes que se pode facer algo máis para mellorar o procedemento de revisión dos artigos ou se tedes algún comentario teño interese en coñecelo para ver de perfeccionar o sistema. Un cordial saúdo. --Prevert^gl 16:52, 11 novembro 2009 (UTC)

Manifestación polo galego

Alguén se atreve a comezar o artigo Folga xeral no ensino do 21 de xaneiro de 2010 (non sei se o título é o mellor)? Pódese seguir a estrutura destoutro: Manifestación polo galego en 2009. --Toliño ^{Fala aquí comigo} 16:45, 21 xaneiro 2010 (UTC)

E animo dende aquí a quen teña fotos, para que as suba. Serían unha gran contribución. --Alberte ^{Si, dígame?} 15:19, 22 xaneiro 2010 (UTC)

Encontro de wikimedistas en Galicia

Boas a todos. Estamos preparando un encontro de colaboradores de tódolos proxectos da Fundación Wikimedia en Galicia para tratar distintos temas. A data non está determinada pero podería ser entre o Entroido e o mes de Marzal, en principio en Santiago. Tedes tódala información necesaria na páxina de meta e podedes contactar comigo na miña páxina de usuario para calquer aclaración. Queremos facer unha reunión para coñecer a outros colaboradores dos proxectos da Fundación e tratar entre todos algúns temas comúns como as posibilidades de facer proxectos fóra das pedias, o tratamento das pedias nos medios de comunicación, a creación e organización do capítulo de Wikimedia España e outras cousas que se propoñan. Animo a tódolos interesados a visitar a páxina, apuntarvos e dar as vosas opinións. Saúdos a todos, --Elisardojm 23:37, 1 febreiro 2010 (UTC)

Boas!! O presidente de Amical Viquipèdia púxose en contacto comigo para saber se estamos dispostos a crear un capítulo local galego para Wikimedia. Polo que semella, as reglas dos capítulos fan imposible que haxa dous capítulos que solapen as súas funcións (é dicir Wikimedia España sería incompatible cos capítulos galegos ou cataláns, seica). Polo que vexo o proxecto catalán vai avanzadísimo [2] e con bastante xente involucrada. Non sei se para o noso caso seremos capaces de xuntar tanta xente, xa que semella que fai falla bastante esforzo para erguer un capítulo local. De tódolos xeitos semella moi interesante. Polo que vin no catalán, ademais de facer encontros, conferencias e cursos, tamén organizan pases de prensa para que usuarios podan tomar fotografías nos eventos [3], chegan a acordos con diferentes institucións e asociacións e colaboran con outras wikipedias (Italia e Francia). Claro que polo que vexo eles son cento trinta e pico persoas colaborando no capítulo, cousa que nós non podemos, polo de agora, igualar. Opinións? --Alberte ^{Si, dígame?} 16:17, 8 febreiro 2010 (UTC)

Dende WM-Es (ou, mellor, dende algunas das persoas que intentamos traballar na constitución da nova asociación), temos serias dúbidas sobre a legitimidade de Amical para constituirse como capítulo de Wikimedia. Os obxectivos pranteados por Amical son os mesmos que queremos para Wikimedia España. Recordo tamén que os capítulos non se configuran por linguas, senón por territorios. A nosa idea é traballar localmente, co equipos específicos nas distintas rexións, e participación de tódos-los proxectos. Por exemplo, 4 ó 5 persoas vinculadas na Galipedia poden perfectamente traballar, dentro de WM-ES, na promoción do coñecemento libre en Galicia (e donde sexa), como outros equipos poden traballar en Murcia. Nós queremos unir e potenciar tódos-los proxectos, por iso a nosa esperanza de xuntarnos e falar, cara a cara e cun café diante, da mellor manera de hacer unha mellor Wikipedia, en galego, en castelán, en catalán... Xa hai moito andado. Saúdos, --Lucien leGrey 07:35, 9 febreiro 2010 (UTC)

Tes razón, Alberte, que os wikipedistas cataláns xa teñen unha asociación moi consolidada no eido do coñecemento libre, Amical, nós tamén contactamos con eles, ou eles con nós xa non sei cal foi a orde, para tentar organizar o funcionamente do capítulo wm-es e os intereses da súa asociación. Polo momento non sabemos claramente cal será a mellor solución pero as nosas intencións son seguir comentando as ideas que se poñan sobre a mesa.

É certo que o Comité de Capítulos non permite o solapamento de capítulos pero o problema é que están plantexados os dous, wm-es e wm-cat e o Comité non ten claro qué resolución tomar xa que as funcionalidades dun capítulo nacional, con seccións autonómicas ou federacións autonómicas ou algunha solución similar, sería moito máis adecuada ós intereses xerais da Fundación.

É por iso que estamos promovendo encontros en varias comunidades autónomas para tratar con tódolos wikimedistas interesados para debatir a forma de organizarnos e chegar a facer un capítulo para todos e con todos. Podedes ver as convocatorias das outras reunións eiqui. Tamén está prevista unha reunión en Barcelona pero aínda non está organizada.

Por iso gustaríanos que algúns wikimedistas da galipedia se uniran a nós para charlar sobre estes temas e os que se nos ocorran. Saúdos para todos, --Elisardojm 10:07, 9 febreiro 2010 (UTC)

Boas a todos: el día 20 se va a realizar un encuentro de usuarios de diferentes proyectos de wikimedia en Bilbao (ver aquí) para hablar de la constitución de capítulos locales. Creo que sería muy conveniente que al mismo asistieran usuarios implicados en los intentos de conformar estos o interesados en los mismos. Así podremos poner exponer y explicar como se ve este asunto desde los diferentes proyectos y podremos discutir y acordar como actuar en el futuro. Sin más un saludo Txo 14:56, 9 febreiro 2010 (UTC)

Olá a tudos. Alguns Wikimedianos vão fazer uma reunião de Wikimedianos no 20 de fevereiro. É uma reunião de pessoas da Galiza que trabalha em projectos Wikimedia. Se va conectar via IRC com uma outra reunião a ser realizada em Bilbau em simultâneo.

Nós não somos extremistas feroces. Nós não somos o diabo. Só somos Wikimedianos amantes do conhecimento livre. Estamos para falar e falar e falar. E Vernos face a face para saber tudas as opinioens sobre como fazer capítulos e como trabalhar em conjunto, sem excluir qualquer possibilidade. Pedimos que podamos falar mostrando o rosto, nada mais.

Até agora, eu achava que era um extremista o que não gostava que as pessoas se encontren, a conversen e dialoguen. Muitos cumprimentos, camaradas: Gustavocarra 18:14, 9 febreiro 2010 (UTC)

Boas a todos, continúo informando deste evento. Estamos tentando que se poda asistir a este galencontro usando IRC ou Skype para que os usuarios que non se podan desplazar teñan a posibilidade de asistir. En canto teña máis detalles sobre este tema actualizareina eiquí mesmo.

Si alguén quere comentar algunha cousa, ou ten algunha dúbida respecto a este encontro, pode poñela directamente eiquí que gustosamente tentarei contestarlle o mellor posible. Graciñas pola vosa atención e saúdos, --Elisardojm 00:29, 12 febreiro 2010 (UTC)

• • Pois boa sorte daquela a quen vos animedes, pero permitídeme comentar que non lle vexo o aquel a traballardes por territorio e non por lingua, como tampouco non llo vexo a falar de Wikimedistas españoles e non peninsulares. A min, e poida que á maioría dos galipedistas activos, interesaríame traballar desde a nacionalidade galega para o conxunto da península, non desde iso que denominastes seccións autonómicas para un proxecto español. Amais, esoutro asunto do solapamento cat-es que se comenta unhas liñas por riba, non me termina de convencer. Se cadra non lin ben ou lin de máis; tanto ten. Un saúdo e iso: boa sorte. --Atobar ^{(conversa comigo)} 01:11, 12 febreiro 2010 (UTC)

O primeiro que me gustaría dicir é que me alegro moito de que se continúe con esta discusión, si non comentamos a proposta non poderemos mellorala e así, dende o meu punto de vista, estamos perdendo todos. Por iso agradézoche moito o comentario.

Sobre o que comentas gustaríame aclarar algunhas cousas, espero que non se me malinterprete, tentarei explicalo o mellor que sei pero que ninguén se sinta ofendido si algo lle parece mal ou o que sexa, que mo diga claramente, e si estou trabucado nalgo non teño ningún problema en rectificar ou facer o que sexa. Pola miña parte, e pola xente que coñezo que está tentando levar wikimedia-es adiante, queremos facer algo constructivo e coa participación do maior número de xente posible.

Boeno, vou ós temas que plantexas.

Respecto ó de traballar por territorio e non por lingua é unha idea básica da Fundación Wikimedia. Según di a propia Fundación en Meta: "Wikipedia is a project dedicated to the building of free encyclopedias in all languages of the world." ([4]). Isto quere dicir que o obxetivo principal é a construcción de enciclopedias libres en tódolos idiomas do mundo, non a promoción deses idiomas. Está claro que o maior uso dun idioma e o aumento dos recursos no mesmo redunda no seu beneficio e é unha labor encomiable, pero podemos dicir que é casi un efecto colateral dentro das ideas da Fundación. Eu persoalmente estou moi a favor da promocion dos idiomas, sobretodo do galego que é o idioma que considero materno e comprendo perfectamente o voso punto de vista. Para min está claro que gran parte do esforzo que se fai nesta galipedia é moi beneficioso para o noso idioma e por iso me preocupo porque se teñan en conta as súas necesidades e proxectos máis que os de outras. Pero por outra banda non son un gran colaborador dela, moi ó meu pesar, porque actualmente considero que é un pouco máis importante achegar coñecemento libre ó maior número de persoas posible, pero tede por seguro que sempre me preocupo por este proxecto e posiblemente no futuro mude a miña forma de traballo e prioridades.

Á parte referente ó tema dos wikimedistas peninsulares tamén hai que dicir que a Fundación ten establecido que os capítulos deben restrinxirse a entidades nacionais para que teñan unha lexislación común e evitar problemas. Supoño que saberedes que Portugal xa ten o seu capítulo creado dende fai meses. Non hai ningún problema en establecer acordos con eles, actividades conxuntas, ou o que queramos. De feito xa invitei ós nosos compañeiros de Portugal, nos anuncios da súa Explanada, a participar neste encontro, é unha mágoa que ata o momento non se apuntou ninguén desa wikipedia.

Paréceme perfecto que non querades traballar con seccións autonómicas nin con marcas nin outras cousas, o que nos importa é que querades traballar con nós neste proxecto. Queremos atopar a forma de que sexa posible traballar xuntos, ésas só son algunas das propostas que foron xurdindo, coas que estivemos traballando e debatindo intensamente na lista de correo. E hai bastantes máis propostas, unhas tirando cara ó centralismo outras tirando máis á busca de maior independencia dos entes locais, todas están en debate, e calquera pode expresar a súa opinión e facer novas propostas. Na reunión espero que se resuman algunhas delas e que podamos debatilas, mirar si algunha pode convencernos, propor modificacións ou incluso facer outras novas propostas. De feito, como queremos que nos axudedes, os que estamos agora con isto de wm-es necesitámosvos para ver cómo será a mellor forma de facer todo isto.

Actualmente o principal lugar onde se debaten e van aparecendo as propostas é a lista de correo, si non estades apuntados pode consultarse o archivo pero son moitos os correos que hai que revisar nestes momentos. Tamén podedes apuntarvos agora na lista para mantervos á escoita e ver qué se vai comentando e facer as vosas aportacións.

Pero temos que falar de todo isto porque doutra forma non se aclara nada.

O solapamento cat-es creo que non ten tampouco tanta importancia, Amical está axudándonos moitísimo coa súa experiencia, medios e conecemento. En xeral eu os vexo con moita sintonía coas nosas ideas e con moitas gañas de colaborar con este proxecto. Isto non quere dicir que non haxa discrepancias, e que haxa tiras e afrouxas, coma en tódalas relacións, pero mantemos a comunicación a un alto nivel. De feito Gomá, o seu presidente, acudirá o día 20 ó encontro que se vai a realizar en Bilbao para seguir alí as conversas coa xente que se acerque a esa reunión.

Todo o anterior coméntoo como a miña visión particular de cómo están as cousas, nestes momentos estanse debatindo moitas ideas e xusto onte saleu unha proposta bastante novidosa e que ten moi boa pinta que penso que podería axustarse perfectamente ás ideas que poden ter nesta wikipedia, pero isto non quere dicir que mentras escribo estas liñas se fagan unha serie de comentarios na lista de correo e esa proposte mude, tanto para mellor coma para peor..., dependendo do punto de vista de cada un. Por iso temos que participar o maior número de xente posible para que ó final academos algo que sexa para todos.

Un saúdo para todos, espero os vosos comentarios e gustaríame que todos os que podan se animen e veñan á reunión en Santiago para falar mellor, coñecernos, saber cáles son as nosas ideas e facer entre todos esta asociacion, --Elisardojm 14:46, 12 febreiro 2010 (UTC)

• Despois de ler e reler todo o anterior hai demasiadas cousas que non me quedan claras e que non me permiten decidir ata que punto quero participar nesto ou non facelo. Creo que todo se pode resumir nunha cuestión ben simple: que rediaño é un Capítulo? A min o de Capítulo sóame a orde monástica, con aquilo de "chamar a capítulo", pero nós non temos moito de frades, ou non deberíamos, aínda que ás vegadas poida parecelo. Entendo que a inclusión de Galicia nun Capítulo hispanocéntrico, coa pouca sensibilidade que percibo na es.wikipedia por todo o periférico, colócanos nunha posición marxinal, pero sen unha idea máis clara do que se trata non podo ter un xuízo claro. --Xoacas^{(Góstache o pemento?)} 16:30, 12 febreiro 2010 (UTC)

Ben, tes toda a razón Xoacas, si non explico un pouco as cousas ó comezar non podedes comentar gran cousa ó respecto.

Os capítulos da Fundación Wikimedia son, tal e como os definen eles eiquí, organizacións independentes fundadas para apoiar e promover os proxectos de Wikimedia dentro dunha rexión xeográfica específica (país). Igual que a Fundación Wikimedia, o seu obxetivo é "potenciar e reunir xente ó redor do mundo para recoller e desenrolar contido educativo baixo unha licenza libre, ou no dominio público, e diseminalo con eficacia e globalmente.". É dicir, dentro da lexislación do noso país é unha asociación sen ánimo de lucro que ten por obxetivo promover contidos educativos dentro do dominio público. Como ten que ter unha entidade xurídica, é dicir un NIF, pode realizar distintas tarefas que non podemos realizar os que traballamos nos proxectos das wikipedias ou que serían moito máis complexas para nós. Ademáis a súa denominación será Wikimedia [Nome do país no idioma local], a non ser que non o permita a lexislación do país no que se creen e a Fundación Wikimedia, previamente á súa legalización no seu país, aceptaraos ou non despois de revisar a súa proposta e estatutos, e firmará con eles unha serie de acordos para que podan usar o nome de Wikimedia, os logotipos que utiliza, etc. Tedes moita máis información en meta, si queda algunha dúbida tentarei respondela, así que non vos cortedes.

Sobre a segunda parte do teu comentario non estou dacordo. A estructura do capítulo está por decidir, eu persoalmente e outros usuarios, estamos aportando ideas, facendo propostas e todo o que podemos para que este capítulo non sexa, como ti dis, hispanocéntrico. Facer un capítulo hispanocéntrico sería moi sinxelo, facer uns estatutos normaliños, presentalos á Fundación e si llos aproban, a correr. Pero está claro que ésta non é a mellor forma de que a asociación se relacione con tódolos proxectos que se desenrolan en España, a mellor forma é que todos os proxectos da Fundación Wikimedia se organicen entre eles para crear esta asociación, e isto é o que queremos. A pesares de que en meta vexades un borrador de estatutos non vos preocupedes, este borrador é un embrión e aínda estamos traballando nel, ten moitas cousas que mellorar e cambiar, non ten nada definitivo, e a estructura de funcionamento da asociación é o que temos decidir nestes momentos por iso é tan importante a vosa participación.

Hai varias propostas de organización que estamos discutindo na lista de correo pero necesitamos a vosa opinión para escoller a que mellor se poda adaptar á realidade de tódolos proxectos. É por iso que queremos facer ese encontro.

Por outra banda tamén hai que aclarar que a asociación non ten ningún poder sobre ningunha das wikis e non pode cambiar ningunha das súas políticas nin pode facer ningún tipo de actuación respecto de ningún dos seus usuarios. Os proxectos son única e exclusivamente dos seus usuarios, eles crean as súas políticas e ninguén máis, salvo si me apuras a Fundación Wikimedia. Con isto quero dicir que a actitude de es.wikipedia depende única e exclusivamente dos seus usuarios, penso que pouco podería facer o capítulo a iste respecto habería que miralo, pero si pode facer moitas outras cousas que serían interesantes e importantes para tódolos proxectos da fundación. Algunhas das ideas que pode desenrolar o capítulo podedes consultalas eiquí e hai moitas máis. Por exemplo unha tontería que se me ocorre agora mesmo, ¿qué vos parecería que o dominio www.galipedia.es redireccionara directamente á galipedia?. Xa sei que isto pode facelo calquera (pero que ninguén fixo ata o de agora, tamén é certo...), pero si temos unha asociación que se ocupe destas cousas e outras máis importantes penso que iso abondará na mellora de tódolos proxectos.

Graciñas polo teu comentario Xoacas, espero máis respostas e un saúdo a todos, --Elisardojm 17:50, 12 febreiro 2010 (UTC)

Semella que hai moito que ler para poñerse ó día. Chegando tan tarde como chego eu xa non sei se serei quen de facelo. E aínda por riba aínda non rematei cos exames de febreiro... Farei un esforzo por enterarme un chisco. Por outra banda quero comentar que o 20 de febreiro hai unha reunión tamén en Bilbo ([5]). O usuario Gomà convidou a tódolos galipedistas a asistiren e díxome que se alguén non puidera ir por motivos económicos Amical consideraría dar unha axuda para os gastos de desprazamento. Un saúdo e a ver se me poño ó tema. --Alberte ^{Si, dígame?} 01:46, 13 febreiro 2010 (UTC)

A reunión de Bilbao é moi interesante porque asistirá Gomá, o presidente de Amical, e fai unhas horas acaban de avisar na lista de correo que tamén participarán dous usuarios da Biquipedia, e supoño que tamén asistirá algún da wikipedia en euskera pero que non están confirmados.

É certo que hai moita información, pero póñovos algúns enlaces á información máis relevante. A información máis xeral está na páxina de meta, a versión en galego está desfasada porque non tiven tempo de actualizada, tentarei actualizala nos próximos días. Da páxina principal o máis destacable son as seccións de Posibles proxectos do capítulo cunha pequena mostra das cousas que podería facer a asociación e a de Vésaxe tamén na que están os enlaces a tódolos documentos que fixo o Comité de Capítulos explicando tódolos detalles referidos a estas asociacións. Están casi todos traducidos ó castelán.

Xa vos comentei que hai un enlace ó borrador dos estatutos pero é un documento xeralista e que está pendente de modificar para adaptalos dependendo da estructura organizativa que decidamos, entre todos os interesados, seguir, polo que nestes momentos considero que non teñen ningún interés consultalos. Cando a estructura organizativa esté aclarada e aceptada haberá que adaptalos.

Éstos son enlaces ás últimas propostas organizativas, ésta, propón 3 alternativas, unha centralizada (plan A), outra con asociacións independentes por comunidade autónoma (plan B), e outra, variante desta última, que sería ter asociacións autonómicas independentes federadas noutra asociación nacional (plan C). Hai outra proposta que refina o plan C e está exposta neste correo. Desde o meu punto de vista a mellor opción é a do último enlace xa que ten moitas posibilidades e permite que cada grupo de usuarios teñan a liberdade que necesite cada un deles pero mantendo unha unidade común que é moi beneficiosa para todos.

Aínda que non estedes ó día de tódolos detalles que se teñen debatidos isto non ten a maior importancia, para nós é totalmente comprensible e non se lle esixe a ninguén que os coñeza. De cando en cando estanse unindo máis e máis usuarios, xa hai apuntados na páxina de meta 54 interesados (aínda que algúns apuntáronse ó principio de todo e xa non están activos), co cal sempre estamos dispostos a aclarar todo o que faga falta, e o que máis nos importa é que vos unades a esta serie de discusións para poder coñecer as vosas propostas. Ademáis na reunión comezaremos introducindo algunha desta información para que todos podamos centrarnos e comezar a debatir dende un punto máis ou menos común, así que non fai falta coñecer tódolos detalles, nin siquera a metade deles, para participar no debate que faremos.

Volvo a animarvos a asistir ó encontro e falar con nós. Saúdos, --Elisardojm 17:49, 13 febreiro 2010 (UTC)

De qualquer forma, eu digo o mesmo de ajudar aos que queren ir a Bilbau. Mais para aqueles que não podem, haverá um stream no web e tamén uma ligação IRC entre Santiago e Bilbao para que podan participar. Mas o conforto é o conforto, eo compromisso é o compromisso.

Nós estamos fazendo história, e quero que muitas pessoas sejan conscentes (todos os galegos que podan) i vayan a Santiago. Non é cosa da nacionalidade: e só cosa de uma idea, uma idea que pode cambiar o mundo: o conhocemento libre.

Uma saudação a tud@s: --Gustavocarra 18:10, 13 febreiro 2010 (UTC)

Xa está actualizada a páxina principal de Wikimedia España en galego, ahí tedes algunha información máis. Saúdos a todos, --Elisardojm 00:36, 15 febreiro 2010 (UTC)

Pola dispoñibilidade de algún de nós, e esperando máis participación de todos, propóñense novas datas para o encontro: m:Wikimedia España/Encuentro de wikimedistas en Galicia/gl. Polo local non hai problema. Incluso hai posibilidade de pedir comida, barata, no comedor do colexio, no caso de que o encontro dure todo o día. Saúdos, esperámosvos, --Lucien leGrey 09:19, 15 febreiro 2010 (UTC)

Hai unha entrada nova no blog de Wikimedia españa que explica un pouco o que é un capítulo e as súas actividades, podedes acceder a esta información eiquí. Saúdos, --Elisardojm 23:31, 16 febreiro 2010 (UTC)

Veño con novas sobre este tinglado. Imos por partes como diría Jack o Destripador, ;):

• Xa se fixo o encontro e Bilbao, eiquí tedes a crónica. Participaron usuarios de Wikimedia Foundation, wp-es, wp-an e wp-ca/Amical.
• Neste encontro presentouse unha proposta de organización para a futura asociación que básicamente o que indica é que se poderán facer delegacións territoriais que terían un vocal con voz e voto na xunta directiva de wikimedia es. Ésta é unha proposta de partida, temos que debatila, ¿qué mellor que o encontro de Santiago?.
• Tedes os comentarios de Gomá, presidente de Amical, asistente do encontro de Bilbao neste enlace. Fai un análise moi detallado de tódolos problemas e situacións diferentes de varios aspectos interesantes. Conclúe cunha frase: "Xuntos pero non revoltos" e pon a disposición da creación de wm-es e calquer proxecto de wikimedia en España os medios de Amical.
• Xa se están organizando encontros en Valencia, o día 13 de marzal, e Andalucía, nun día por determinar .
• Temos que ir decidindo qué día imos organizar o encontro de Santiago, polo momento hai 7 participantes apuntados e algúns máis interesados pero que non poden vir, pero gustaríanos contar con máis participantes da galipedia a poder ser. A miña idea é facer o encontro antes de fin de mes, tentando contar coa maior cantidade de xente posible.
• Unha opción moi interesante do encontro de Santiago sería poder contar con unha conexión mediante Skype para a xente que non poda asistir presencialmente. Unha conexión mediante Skype sería moito mellor que un IRC xa que a comunicación sería moito máis fluida e participativa para todos. Como non teño coñecementos abondo ó respecto pido axuda dende eiquí para ver cómo se podería organizar. Primeiro, ¿é posible facer con Skype unha especie de multiconferencia de varios usuarios?.

Boeno, nada máis polo momento, un saúdo, --Elisardojm 12:16, 5 marzo 2010 (UTC)

Pois polo momento temos previsto facer unha multiconferencia simultánea ó encontro usando o Skype. Parece que é bastante sinxelo de utilizar, a única pega é que só permite conectar a 5 usuarios, polo momento parecen abondo pero si alguén sabe cómo mellorar isto ou si hai outro programa polo estilo, gratuito e sinxelo de usar, que se poda usar e permita máis usuarios sería xenial. Os que estén interesados poden contactar comigo si teñen algún problema. Tamén sería convinte que os que queran usar este sistema me avisen para facer algunha proba antes do encontro para comprobar que funcione correctamente, aínda que está previsto que as probas deste sistema comecen uns vinte minutos antes do encontro para poder solucionar posibles problemas sin afectar ó mesmo. Saúdos, --Elisardojm 21:19, 6 marzo 2010 (UTC)

Boas outra vez. Ó final non dimos organizado o encontro neste mes, xa está a rematar e pareceunos demasiado precipitado facelo esta fin de semana, estivemos liados cos debates da lista de correos e con viaxes e fóisenos o santo ó ceo. O mes de abril comeza coas vacacións e como moita xente marcha xa non imos propor esas datas polo que imos tentar que podamos xuntarnos a fin de semana do 9 ó 11 de abril. Todos os que estén interesados poden poñer as datas que lle veñan ben na páxina de meta ou avisarme a min. Si alguén está interesado en usar a conferencia con Skype pode buscar o meu usuario, elisardojm, e engadirme ós seus contactos pero ten que avisarme previamente (por Skype ou na wiki, como quera) porque vou a iniciar eu a multiconferencia e teño que invitalo para que poda entrar. Un saúdo e a ver si nos vemos pronto, --Elisardojm 00:22, 25 marzo 2010 (UTC)

Entrevista na TVG

Se todo vai ben, o 23 de febreiro pola mañá, na Galega, será entrevistado un usuario desta wikipedia. Botádelle un ollo os que poidades, que seguro que estará moi ben. Un saúdo. --Alberte ^{Si, dígame?} 09:50, 20 febreiro 2010 (UTC)

Para quen se perdeu o espazo que adicaron á Galipedia nos Bos Días da Televisión de Galicia, aquí deixo a ligazón para que poidades miralo: [6]. Saúdos, e parabéns ó entrevistado pola destreza diante das cámaras. --Alberte ^{Si, dígame?} 17:01, 23 febreiro 2010 (UTC)

Moi ben o noso wikipedista, e moi ben tamén Antón Dobao tirándolle da lingua. Unha entrevista moi amena, mesmo cando a rapaz da TVG falaba da wikipedia e da galipedia, entendendo a primeria como a wiki en español. Ai, ese complexiño! --Atobar ^{(conversa comigo)} 17:19, 23 febreiro 2010 (UTC)

Para ser televisión gustoume moito, véxoo moi pedagóxico e bastante suxerinte. Parabéns ao compañeiro. --Xoacas^{(Góstache o pemento?)} 22:42, 23 febreiro 2010 (UTC)

Si señor. Gustoume a cousa. Únome ós parabéns a Manuel e, colectivamente, a tódolos que andamos construíndo este invento. Pedro --Lameiro ^(conversa) 23:00, 23 febreiro 2010 (UTC)

Non se pode dicir máis en tan pouco tempo. Súmome aos parabéns.--Paradanta 23:24, 23 febreiro 2010 (UTC)

Gracias a Alberte aproveitei, e súmome o xa dito polos colaboradores. Elvira (conversa comigo) 15:02, 24 febreiro 2010 (UTC)

• Non podo mostrarme de acordo co borrado que fixo Alberte do comentario de Lansbricae nesta páxina. Aínda así debo lembrar un episodio recente: o día 23 de febreiro Euskalduna borrou comentarios adversos da súa páxina de conversa tras unha polémica coas súas edicións sobre o Éuscaro. Lameiro reverteulle ese borrado explicándolle, con moi bo criterio, que "as edicións son a historia da Wikipedia, e non se poden borrar coma se isto fose a túa finca privada". Se as cousas belas que nos dicimos uns a outros deben quedar, as cousas feas tamén, porque de todas se aprende e todas serven para mellorar o traballo, e aquí estamos para traballar por un país e por unha cultura, non para ser moi amiguiños. O que Lameiro lle dicía hai uns días a Euskalduna dígollo eu hoxe a Alberte: se nun par de días ninguén pon obxección e eu volvo lembrarme deste tema, reverterei a edición de Alberte para manter os comentarios de Lansbricae, groseiros como poucos, irrespectuosos e próximos á neurose severa. --Xoacas^{(Góstache o pemento?)} 01:27, 1 marzo 2010 (UTC)
  • Eu tamén estou dacordo en non borralos.--Carronada 02:52, 1 marzo 2010 (UTC)

• A actuación de Alberte foi impecábel. O usuario, como calquera pode ver no(s) seu(s) historial/is, actúa cun único propósito: desestabilizar o proxecto (así o puxo Alberte no cadro de resumo, para que ninguén andase despois coa mosca tras da orella). Non se trata dunha achega -xa boa, xa mala- senón dunha teima particular que non busca outra cousa que confundir. De feito, parte do propósito xa o consigue en tanto que temos aberta esta discusión, que non é nova. De igual maneira que se retira opinións 'foreiras' das páxinas de conversa, tamén se deben retirar da taberna. Isto, insisto non é un foro, malia as similitudes. E dende logo o texto retirado non é unha achega. Un saúdo. --Atobar ^{(conversa comigo)} 10:31, 1 marzo 2010 (UTC)

• A discusión si que é nova, polo menos para min, que nunca me vin envolto en liortas con ninguén e nunca participei en situacións similares previas. Por outra banda debo dicir que non esperaba recibir esa resposta de ti, é a mesma que me deron na es:wp cando preguntei sobre o uso dos topónimos galegos, e podíase resumir con "iso xa o decidimos nós hai tempo". En realidade creo que se debe a que non conseguín explicarme ben a primeira vez: non defendo que eses comentarios queden ou desaparezan, eu defendo que as cousas se fagan igual en todos os casos, se nos gusta como se nos doe. --Xoacas^{(Góstache o pemento?)} 13:28, 1 marzo 2010 (UTC)

Non só se debe reverti-la edición, senón que habería que eliminala do historial. O usuario Lansbricae estaba bloqueado (sigue estando), e polo tanto as edicións que fixo co "usuario alternativo" levan por diante as regras para saltar un bloqueo e continuar sementando xenreira, cousa que non se pode permitir. Ademais ten habido casos de edicións inxuriosas contra usuarios do proxecto que foron eliminadas do historial, porque a liberdade de edición non dá dereito a ir contra a xente. Permiti-las edicións dun usuario bloqueado menosprezando á xente e ó proxecto, e que estas permanezan é dar ás para que siga creando usuarios e continuar coa súa cruzada. --Alberte ^{Si, dígame?} 13:42, 1 marzo 2010 (UTC)

• • Xoacas, abonda con ver o historial deste usuario 'bloqueado' para se facer unha idea da súa teima (e antes puxen historiais, en plural, porque como di Alberte salta os bloqueos e ten varios usuarios con nomes similares). E mira que eu non coincidín no tempo con el, pero sei das súas edicións porque son públicas, como todo na wiki. Supoño que agora xa queda aclarado. Saúdos. --Atobar ^{(conversa comigo)} 14:08, 1 marzo 2010 (UTC)
  • Veña, demos o tema por pechado e que haxa paz. Só faltaba que ao final fose haber tensións por culpa disto. Só quero aclarar que non me gusta o ostracismo como medida de uso regular.--Xoacas^{(Góstache o pemento?)} 16:34, 1 marzo 2010 (UTC)
    • A diferenza entre Euskalduna e Lansbricae é palmaria, e por iso o trato tamén o é. Euskalduna, con razón ou sen ela, fai uso do que cre son os seus dereitos de usuario e borra o contido da súa páxina. E por iso recuperei a edición anterior. Polo contrario, Lansbricae está bloqueado hai tempo, el sábeo perfectamente e aínda así edita con outro nome. Por iso borrouse e debería borrarse tamén do historial. Mesmo incluso se as súas edicións fosen eloxiosas. E non creo que haxa tensións por discrepar. Polo menos eu non as sinto. Saúdos, Pedro --Lameiro ^(conversa) 19:33, 1 marzo 2010 (UTC)

El Pueblo Gallego

Ola! Alguén pode confirmar se esta portada é certa? Dígoo polo dato da proclamación da República Galega, que pode ser un dato moi interesante para pór nas efemérides. Saúdos. --Alberte ^{Si, dígame?} 18:54, 20 febreiro 2010 (UTC)

• A portada (e a noticia á que fai referencia) é real, podes comprobalo aquí. De todos xeitos, tamén podes comprobar que por desgraza, a República Galega só durou unhas horas. --Xas (conversa) 19:00, 20 febreiro 2010 (UTC)
  • Seica se trata dunha proclama por parte da Xunta Revolucionaria, Alberte. Eran intres de moita tensión, nos que despois da vitoria republicana e a fuxida de Alfonso XIII, convócanse eleicións pra constituír unha constituinte que se realizan o 28 de xuño. A declaración do Estado Galego, coincidente co sentimento de agravio, de xenreira, pola paralización das obras do ferrocarril, deixando sen traballo a 12.000 obreiros, permite amosar a vontade de autodeterminación do povo galego, pra alén de que non pasara dunha proclama. Os resultados eleitorais, o caciquismo que segue funcionando, e a actitude morna e submisa de ORGA e Casares Quiroga, xa integrada en Izquierda Republicana, enfriaran este empurrón inicial tan necesario e importante, pra acadar un estatuto galego e unha república federal. A unidade dos grupos nacionalistas no Partido Galeguista permitiran darlle un novo pulo á problemática nacional galega, que o levantamento militar afogará en sangue máis unha vez[7]. De calquera maneira, é relevante, e coido que si é boa idea metelo nas efemérides. --Atobar ^{(conversa comigo)} 19:02, 20 febreiro 2010 (UTC)
    • Don Paco escribiu un artigo sobre os primeiros días da República en Galicia siglo XX (un coleccionable da Voz). No artigo reproduce unha portada da Voz e outra de El Pueblo Gallego, ámbalas dúas do día 15 de abril, anunciando a proclamación da República. A cabeceira e estrutura da portada do segundo periódico é idéntica á que se ve na fotografía que indicas. Con isto quero dicir que semella real, aínda que non che podo confirmar que en xuño se proclamase a República galega. Xa no texto do propio coleccionable fala deste periódico (nacido en Vigo en 1924) e incautado en 1936 para formar parte da Prensa do Movemento ata o seu peche en 1976. Pedro --Lameiro ^(conversa) 19:05, 20 febreiro 2010 (UTC)
      • A verdade é que semella certa. Atopei outra ligazón cun artigo de El Pueblo Gallego. --Alberte ^{Si, dígame?} 19:24, 20 febreiro 2010 (UTC)

Reportaxe sobre traballos colaborativos en galego en El País

O venres, na edición galega de El País, sairá unha reportaxe sobre a rede colaborativa en galego, na que terá un papel importante a Galipedia. Anímovos a que a leades se tedes oportunidade. Un saúdo. --Alberte ^{Si, dígame?} 17:31, 24 febreiro 2010 (UTC)

Carallo, que ben nos coidan os medios esta semana :) ─ Gallaecio^{E logo?} 18:20, 24 febreiro 2010 (UTC)

Os emigrados podemos consulta-lo artigo na edición dixital http://www.elpais.com/articulo/Galicia/Os/ciberirmandinos/elpepiautgal/20100226elpgal_19/Tes/ Saúdos. --Alberte ^{Si, dígame?} 12:43, 26 febreiro 2010 (UTC)

Poucas veces desde un xornal redactan tan ben un artigo sobre estes asuntos. Dá xenio lelo. De calquera maneira, non é de estrañar, porque X.M. Pereiro é do melloriño que ten El País. --Atobar ^{(conversa comigo)} 12:50, 26 febreiro 2010 (UTC)

Mágoa que se deixasen no tinteiro o Proxecto Trasno. Pero moi bo artigo, a verdade :) ─ Gallaecio^{E logo?} 21:33, 26 febreiro 2010 (UTC)

Datos errados de Redondela

Os datos climáticos que figuran no artigo de Redondela, como xa expuxen na páxina de conversa do artigo, son, sinxelamente, imposibles. Comparádeos cos datos do aeroporto de Vigo, que está situado a uns 5 quilómetros, as diferenzas son excesivas.. Como podedes comprobar, os datos de temperatura, sobre todo os estivais son mesmo maiores varios graos cós de Sevilla e os datos de pluviosidade son menores cós da cidade andaluza. Isto é absolutamente inverosímil. Propoño o borrado desta sección, ou, cando menos, o da táboa. Saúdos!--Paradanta 11:02, 10 marzo 2010 (UTC)

Unha de dúas: ou se borra o errado, ou de endereza o erro. Do segundo eu non sei como facelo, o primeiro e máis doado. --Xoacas^{(Góstache o pemento?)} 13:44, 10 marzo 2010 (UTC)

Hai datos metereolóxicos na rede sobre Vigo e sobre o aeroporto, pero non atopei nada de Redondela concretamente. Borrarei agora eses datos, porque semellante erro non pode permanecer, e se máis adiante atopo algunha fonte fiable que forneza de datos para Redondela, pois póñoos. Un saúdo!--Paradanta 14:22, 10 marzo 2010 (UTC)

• Xa atopei datos decentes, aínda que só para anos completos desglosados por meses. A táboa quedoume un pouco escanaveirada, se alguén a sabe arranxar agradecereillo. --Xoacas^{(Góstache o pemento?)} 14:31, 10 marzo 2010 (UTC)

Ola, Xoacas! Grazas polo arranxo, eu tampouco controlo moito das táboas e non me atrevo con ela, mellor déixollo a outro. Fixen outros arranxos como mudar "datos climatolóxicos" por "meteorolóxicos", xa que se considera que para que unha serie de datos sexan significativos do clima dunha zona deben abranguer como mínimo un período de 30 anos. Tamén puntualicei a altura do monte, xa que os datos de Redondela, que está ao nivel do mar, deben variar lixeiramente dos da estación debido á altura á que se sitúa a estación. Por último, engadín a referencia de onde tiraches os datos, a páxina web de meteogalicia, se non me equivoquei. Un saúdo, Xoacas!--Paradanta 14:51, 10 marzo 2010 (UTC)

• • Feito! Arranxei a táboa para que non aparecesen as celas da última columna que antes se correspondía co "total". Saúdos! --Toliño ^{Fala aquí comigo} 19:07, 10 marzo 2010 (UTC)

Artigo: Sete anos de coñecemento libre en galego.

Por se queda alguén sen lelo. O pasado luns publicouse un artigo falando dos sete anos da Galipiedia, en Vieiros. --HombreDHojalata ^conversa 18:53, 10 marzo 2010 (UTC)

• Xa o referenciamos aquí, HombreDHojalata. Non te preocupes, que perder non se perde. Un saúdo e graciñas. --Atobar ^{(conversa comigo)} 19:42, 10 marzo 2010 (UTC)

Nunca estivera nesa páxina. Vouna poñer na miña lista de vixilancia, grazas. --HombreDHojalata ^conversa 20:16, 10 marzo 2010 (UTC).

Análise

Velaquí tedes a análise feita para Xornal que saíu publicada hoxe domiingo día 14 de marzo. Moitas grazas a todos os que fornecestes datos. Espero que vos guste. Análise. --Atobar ^{(conversa comigo)} 20:27, 14 marzo 2010 (UTC)

Galencontro en Santiago

Boas. Finalmente, con algún retraso, o encontro previsto en Santiago farase este vindeiro sábado, día 10, de 11:00 a 14:00, dacordo coa dispoñibilidade da xente que se apuntou en meta. Todos os que queran participar serán benvidos, e tamén vos lembro que existe a posibilidade de participar a través de Skype (si é que funciona, xa que esta é unha proba piloto) para os que non se podan desplazar ata o lugar, só tedes que buscar o meu usuario de Skype elisardojm e contactar comigo. Si alguén ten algunha dúbida ou quere facer algún comentario pode poñerse en contacto comigo. Saúdos, --Elisardojm 09:10, 5 abril 2010 (UTC)

Esta fin de semana fixemos o encontro en Santiago. Tedes unha pequena crónica eiqui. Comentamos algúns detalles das wikis e tamén falamos da asociación de Wikimedia España. A reunión foi moi interesante e animada, esperamos que para a próxima poda acudir máis xente. Saúdos a todos, --Elisardojm 23:31, 13 de abril de 2010 (UTC)

Academia Wikipedia na cidade do Porto, Portugal

Para se acaso interessar aos wikipedistas galegos:

A Academia Wikipedia realiza-se pela primeira vez em Portugal, na Exponor, Porto, a 16 de Abril, sendo uma parceria entre a Associação Wikimedia Portugal e a Faculdade de Engenharia da Universidade do Porto.

Irá contar com diversos oradores, entre os quais Kul Takanao Wadhwa, Head of Business Development da Wikimedia Foundation. Docentes universitários, investigadores, editores e empresários compõem o restante painel.

A inscrição é gratuita e online. Perguntas? Contacta-nos na página respectiva ou através do correio electrónico press@wikimedia.pt. Um abraço desde a cidade do Porto, Manuel de Sousa 02:28, 6 abril 2010 (UTC)

Revisión definitiva dos Estatutos do Capítulo

Xa se rematou coa redacción definitiva dos estatutos do futuro capítulo español da Fundación Wikimedia. Pretendeuse realizar unha redacción simple e flexible abondo para que non sexa necesario modificalos nunha boa tempada. Algúns dos detalles do funcionamiento da asociación incluiranse no futuro Reglamento de Réxime Interno para facilitar a súa modificación, xa que ese documento non necesita ser presentado no Rexistro de Asociacións e así aforramos ese papeleo.

Esta versión dos estatutos vaise someter á votación de todos os interesados para o que se abre un período de votación do 28 de abril ó 5 de maio, ámbolos dous incluídos. Oportunamente publicarase o enlace onde se poderá votar. Prégase ós que desexen propoñer textos, artigos ou frases alternativas, que non as intercalen no texto do borrador de Estatutos, para non facelo ilexible, e que trasladen as súas propostas á discusión da páxina.

Queda convocada unha reunión para o día 8 de maio de 2010 en Madrid, reunión á que poderán asistir todos os interesados, na que se procederá á firma da Acta de Constitución. Prégase a todos os interesados en firmar que acudan co seu DNI ou outra identificación oficial (Pasaporte ou Carné de Conducir), a ser posible en vigor.

Calquera dúbida ou suxerencia pode realizarse nas páxinas de meta ou na lista de correo. Saúdos, --Elisardojm 13:00, 26 de abril de 2010 (UTC)