Sergio Leone

Sergio Leone.

Sergio Leone, nado en Roma o 3 de xaneiro de 1929 e falecido o 30 de abril de 1989, foi un director de cine italiano, coñecido polos seus Spaghetti Western.

Traxectoria

Fillo do director de cine Vincenzo Leone (que usaba ás veces o pseudónimo de Roberto Roberti). Seu pai foi director de cine ata que en 1943 Mussolini pediulle opinión sobre un guión que escribira e desgraciadamente Vincenzo foi sincero, e desde entón non volveu dirixir.

Sergio entra na industria do cine moi novo. Con 20 anos é actor e asistente de dirección de Ladri di biciclette (1948) de Vittorio de Sica. Despois estaría en grandes producións estadounidenses rodadas en Europa, como Quo Vadis? (1951) de Mervyn LeRoy, Helen of Troy (1955) de Robert Wise, Ben-Hur (1959) de William Wyler ou The Nun's Story (1959) de Fred Zinnemann.

En 1959 déronlle a oportunidade de substituír, por enfermidade, ó director Mario Bonnard durante a rodaxe de Gli ultimi giorni di Pompei, aínda que non puido asinar a película.

A súa primeira película oficial foi Il colosso di Rodi (1960) e dous anos despois substituiría de novo a un director, Robert Aldrich, en Sodoma e Gomorra.

A partir de aquí comezan as súas obras máis persoais, que se inician coa famosa triloxía western, tamén coñecida como Triloxía do dólar, en coprodución con varios países europeos e rodada na rexión de Tabernas (Almería). A triloxía obtivo un inesperado gran éxito, conducindo o western ó seu último período cinematográfico, o chamado western crepuscular, xénero moi cultivado no cine dos 70, ademais de achegar dous novos talentos ó medio: o compositor Morricone, amigo do director desde a infancia, e o actor Clint Eastwood, descoñecido ata entón, ó que o director contrata entre un grupo de actores. Como anécdota curiosa cabe destacar que Per qualche dollaro in più tivo certos problemas legais ó estar inspirada nunha película anterior de Akira Kurosawa titulada Yojimbo (1961).

Tras un período de tempo máis dilatado volve ó cine, case por obrigación, con Giù la testa, que ten menos éxito que as súas películas precedentes, baseada na revolución mexicana. Esta película diríxea a última hora debido a problemas co director elixido. Por último, dirixe a considerada por moitos como a súa obra mestra, C'era una volta in America, un "western moderno" baseada na época dos gángsters. Trátase dun western crepuscular rodado en Cinecittà (Roma) e nos mesmos escenarios estadounidenses nos que rodou a maior parte das súas películas o seu admirado John Ford. En Europa tivo gran éxito malia as catro horas de duración, pero nos Estados Unidos ofrécese unha versión recortada a case dúas horas, ademais de alterar a montaxe (a historia foi contada de forma lineal e non como na orixinal, onde se utilizan flashbacks).

Sergio tivo sempre ó seu carón a un amigo da infancia que fixo máis grandes aínda as súas películas, Ennio Morricone.

Sergio Leone faleceu en 1989 mentres estaba preparando a película Leningrado.

Filmografía

Director

• Gli ultimi giorni di Pompei (1959) - non acreditado, substituto de Mario Bonnard.
• Il colosso di Rodi (1961).
• Per un pugno di dollari (1964).
• Per qualche dollaro in più (1965).
• O bo, o feo e o malo (1966).
• Ata que chegou a súa hora (1968).
• Giù la testa (1971).
• C'era una volta in America (1984).

Asistente de director

• Rigoletto (1946).
• Ladri di biciclette (1948).
• La leggenda di Faust (1948).
• Fabiola (1949).
• Il trovatore (1949).
• La forza del destino (1949).
• Taxi di notte (1950).
• Il voto (1950).
• Il brigante Musolino (1950).
• I tre corsari (1952)
• Jolanda la figlia del corsaro nero (1952).
• Il folle di Marechiaro (1952).
• L'uomo, la bestia e la virtù (1953).
• La tratta delle bianche (1953).
• Frine, cortigiana d'Oriente (1953).
• Tradita (1954).
• Questa è la vita (1954).
• Hanno rubato un tram (1954).
• La ladra (1955).
• Mi permette, babbo! (1956).
• Il maestro (1957).
• Afrodite, dea dell'amore (1958).
• La legge mi incolpa (1959).
• Il figlio del corsaro rosso (1959).
• Sodoma e Gomorra (1961).

Director da segunda unidade

• Quo vadis? (1951).
• Elena di Troia (1956).
• Ben-Hur (1959).
• Il mio nome è Nessuno (1973).

Escenógrafo

• Afrodite, dea dell'amore (1958).
• Nel segno di Roma (1959).
• Gli ultimi giorni di Pompei (1959).
• Le sette sfide (1961).
• Il colosso di Rodi (1961).
• Romolo e Remo (1961).
• Per un pugno di dollari (1964).
• Le verdi bandiere di Allah (1964).
• Per qualche dollaro in più (1965).
• Il buono, il brutto, il cattivo (1966).
• C'era una volta il West (1968).
• Giù la testa (1971).
• Il mio nome è Nessuno (1973).
• C'era una volta in America (1984).
• Troppo forte (1986).

Actor

• La bocca sulla strada (1941).
• Ladri di biciclette (1948).
• Il folle di Marechiaro (1952).
• Per qualche dollaro in più (1965).

Produtor

• Il mio nome è Nessuno (1973).
• Un genio, due compari, un pollo (1975).
• Il gatto (1978).
• Il giocattolo (1979).
• Troppo forte (1986).

Véxase tamén

Ligazóns externas

• Sergio Leone na IMDb (en inglés).