Crustáceos

Os crustáceos (crustacea) son unha clase de artrópodos que comprende máis de 55.000 especies, na súa maioría acuáticas e algunhas parasitas. O estudo científico dos crustáceos coñécese como carcinoloxía. Algúns dos crustáceos máis coñecidos son a lagosta, o camarón, a gamba, o cangrexo, a centola ou o percebe.

krill (Meganyctiphanes norvegica)

Como característica propia e definitoria do grupo podemos citar a presenza dun ollo nauplio nalgunha etapa da súa vida, que pode ser substituído máis tarde por dous ollos compostos, pedunculados ou non.

Os crustáceos teñen xeralmente o corpo segmentado cun par de apéndices en cada segmento. O corpo adoita dividirse en cabeza, tórax e abdome. A fusión de segmentos é común e ás veces a cabeza e o tórax están fundidos no que xeralmente se denomina cefalotórax. Ademais, todos teñen polo menos un par de maxilas e dúas mandíbulas. Tipicamente presentan dous pares de antenas na cabeza, cando menos na fase larvar e pasan por períodos de muda e intermuda para poder crecer. Todos, excepto o grupo cirripedia, son de sexos separados.

Galería de imaxes

Artigo principal: Galería de imaxes de crustáceos de Galicia.

• 
  Lumbrigante
• 
  Boi (crustáceo)
• 
  Cangrexo
• 
  Nécora

Véxase tamén

• Lista de crustáceos de Galicia