Eadweard Muybridge

Edward James Muggeridge

Eadweard Muybridge
Nome orixinal	(en) Eadweard Muybridge
Biografía
Nacemento	9 de abril de 1830 Kingston-upon-Thames
Morte	8 de maio de 1904 Kingston upon Thames
Causa da morte	Morte natural  (Cancro de próstata )
Lugar de sepultura	Woking Crematorium (en)
Datos persoais
Residencia	Inglaterra e Estados Unidos
País de nacionalidade	inglés
Coñecido por	xeración do movemento
Actividade
Campo de traballo	Fotografía
Ocupación	fotógrafo , actor de cinema , director de cinema , inventor , libreiro
Lingua	Lingua inglesa
Participou en
24 de xuño de 1977	Documenta 6 (en)
Obra
Obras destacables (1878) The Horse in Motion (pt)
Arquivos en	biblioteca Bancroft Library (en) Biblioteca Pública de Nova York
Premios (2011)  Salón da Fama dos Inventores Nacionais

Cabalo en movemento

Eadweard Muybridge (Edward James Muggeridge) fotógrafo e investigador nacido en Inglaterra no día 9 de abril de 1830 e falecido no día 8 de maio de 1904, coñecido principalmente polos seus experimentos como a xeración do movemento.

As súas investigacións sobre a descomposición do movemento iniciadas en 1872 foron realizadas de forma paralela cos traballos de Étienne Jules Marey. En 1878, e grazas ao encargo do home de negocios Leland Stanford, conseguíu fotografar unha égua galopando cunha serie de vintecatro fotogramas. Cada unha das cámaras foi colocada de forma paralela ao traxecto da supracitada e cun cabo ligado ao disparador de cada cámara que se interpuña no citado traxecto a fin de que durante o galope a égua foi accionando as cámaras.

Cabalo en movemento

Este experimento fotográfico é coñecido polo título de "O Cabalo en movemento" e mostranos algo que xa afirmara Étienne Jules Marey e que sen impedimento non conseguira demostrar, o cabalo cando galopa mantén os catro cascos no aire dunha vez sen manter apoio algún sobre o terreo, embora o ollo humano non capte.

O sistema foi precursor para o posterior desenvolvemento das cámaras de cinema.

Muybridge utilizou esta técnica en moitas outras ocasións para fotografar persoas e animais a fin de estudar os seus movementos, chegando a colaborar con Étienne Jules Marey en París, en 1881.

Nos anos 90 do século XX, o grupo de música U2 fixo un videoclip para a súa canción Lemon que supón un tributo ás técnicas de Muybridge.