Cambados, Cambados

Cambados
Interior da Igrexa de Santa Mariña
Concello	Cambados
Coordenadas	42°30′48″N 8°48′56″O
Poboación	6.407 hab.
Entidades de poboación	4
[ editar datos en Wikidata ]

[[Categoría:Cambados poboación {{{ano}}}]]

Santa Mariña de Cambados é unha parroquia que se localiza no centro do concello de Cambados. Segundo o padrón municipal de 2004 tiña 6.407 habitantes (3.307 mulleres e 3.100 homes) distribuídos en 4 entidadee de poboación, o que supón un aumento en relación ao ano 1999 cando contaba con 6.005 habitantes.

A parroquia de Santa Mariña toma nome da Igrexa de Santa Mariña, construción románica tardía do século XII, parcialmente derruída tras un incendio no século XIX, da que se conservan os imponentes arcos de pedra e a torre almeada. Esta igrexa está ó pé do Monte da Pastora, que alberga unha pequena ermida e un mirador con vistas sobre a ría de Arousa e o casco urbano de Cambados.

Perfectamente visible dende o mirador atópase a torre de San Sadurniño, construción pertencente ó complexo defensivo de Compostela xunto coa torre da Lanzada e as torres do Oeste (Catoira). Esta torre está edificada nun illote ó pé do barrio de San Tomé e atópase parcialmente derruída, mantendo en pé dous dos muros perimetrais que configuran unha esquina. O illote é accesible a pé mediante unha ponte de recente construción.

No mesmo barrio de San Tomé, e mesmo en fronte ó porto homónimo, atópase o pazo de Montesacro e a súa escalinata imperial. Hoxe en día o pazo é propiedade da Igrexa e realiza labores de asilo dos anciáns.

Saíndo do barrio de San Tomé camiño do centro urbano, podemos percorre-la rúa do Hospital, con construcións típicas e varios pazos. Neste percorrido atópanse dúas capelas.

Xa no centro urbano, hai diversas prazas, pazos e casas señoriais, ademais da Igrexa parroquial de San Francisco e a reitoral contigua.

Avanzando cara o barrio de Fefiñáns atopámonos co conxunto do pazo de Fefiñáns. Trátase dun enorme patio de armas de planta sensiblemente cadrada, delimitado no sur e leste polo pazo de Fefiñáns e ó norte pola igrexa de San Bieito, as dúas construcións renacentistas dos séculos XV e XVI.

Galería de imaxes

Vexa o artigo principal en Galería de imaxes de Cambados, Cambados

• 
  Interior da Igrexa de Santa Mariña de Cambados
• 
  Torre de San Sadurniño]]

Lugares da parroquia de Cambados no concello de Cambados (Pontevedra)
Cambados | Fefiñáns | San Tomé do Mar | Santa Mariña Dozo