Cubilledo, Baleira

03' N / 7° 13' O_E_ 43_03_N_07_13_W, 43° 03' N / 7° 13' O

Baleira
Concello	Baleira
Coordenadas	43°03′00″N 7°13′00″O
Área	24,54 km²
Poboación	147 hab.
Densidade	5,99 hab./km²
Entidades de poboación	16
[ editar datos en Wikidata ]

[[Categoría:Baleira poboación {{{ano}}}]]

Santiago de Cubilledo é unha parroquia do concello lugués de Baleira. Limita coas parroquias da Braña, Fonteo, Librán, A Fontaneira e A Lastra, xunto co concello da Fonsagrada. Pertence ó arciprestazgo de Valdepedroso, e ten 147 habitantes agrupados en 16 entidades poboacionais, cunha densidade media de 6 hab/km² no 2003. A súa altitude media é de 530 m.

As entidades de poboacion son as seguintes: A Andoriña (6), Cabreira (11), Castrelo (4), O Castro (16), Cubilledo (1), Esgrade (13), A Espiña (abandonada), Ladride (1), Padornelo (5), O Real de San Paio (5), San Paio (16), Suagranda (1), Trembedo (11), Os Vilares (7), Vilarín de Cubilledo (35) e Vilauriz (15).

Monumentos

No lugar do Castro hai unha casa que polo seu aspecto pode ser o que queda dunha torre que existiu no mesmo lugar, e que pertencía á xurisdición señorial do conde de Amarante.

Igrexa parroquial

Foi construída ó longo dos séculos XVIII e XIX. A planta é de cruz latina, dunha soa nave rectangular. O presbiterio é rectangular e de pequenas dimensions, ó que se adosa na parte posterior a sancristía, tamén de planta rectangular. Na portada principal ten un cobertizo de planta rectangular. Os muros son de cachotaría e perpiaño de granito e lousa, e a cuberta de lousa a dúas, tres e catro augas. O arco triunfal é de medio punto, ó igual que os dous que delimitan as capelas laterais, que son cadradas e de reducidas dimensións. Tanto a porta lateral coma a principal son adinteladas, esta última cuberta cun cobertizo rectangular, delimitado por tres arcos de medio punto, un deles cego. Culmina no frontis unha espadana de dous corpos, con dous vans no inferior e un no superior.

Capela de Cabreira

É unha pequena capela de planta rectangular e dimensións reducidas. Os muros que a conforman son de cachotaría e lousa, e a cuberta é do mesmo material a dúas augas. No interior non conserva ningún retablo, só unha imaxe moderna da Divina Pastora.

Capela de Castrelo

É unha pequena capela de planta rectangular e dimensións reducidas. Os muros que a conforman son de cachotaría de lousa, e a cuberta é do mesmo material a dúas augas. No interior conserva un retablo de estilo barroco.

Capela do Castro

É unha pequeña capela de planta rectangular, con ábsida da mesma forma e unha única porta de acceso. Os muros son de cachotería de lousa, e a cuberta é do mesmo material a dúas e catro augas. A portada é adintelada e remata no frontis cunha espadana dun só van. Conserva no interior un retablo de estilo neoclásico.

Capela de Vilarín

É unha pequena capela de planta rectangular e dimensións reducidas. Os muros que a conforman son de cachotería de lousa, e a cuberta é do mesmo material a dúas augas. A portada é adintelada, e conserva no interior un retablo moderno no altar maior.

Capela de Vilauriz

É unha pequena capela de planta rectangular e dimensións reducidas. Os muros que a conforman son de cachotería de lousa, e a cuberta é do mesmo material a dúas augas. A portada é adintelada e sen retablo no interior.