Conversa usuario:Xeol'oartabro

Dámosche a benvida á Galipedia, Xeol'oartabro! Esta é a túa páxina de conversa, que che servirá para recibires mensaxes doutros colaboradores. Ademais, tes a túa páxina de usuario, onde podes poñer os teus datos, intereses etc.
Primeiros pasos Os alicerces da Wikipedia son estes Cinco piares, polo que é importante que lle botes unha ollada. Na guía de edición e nas preguntas frecuentes podes atopar moita información de axuda. Explícase como editar unha páxina, como configurar a interface, como cargar ficheiros, citar as fontes e os puntos básicos das políticas e normas da Wikipedia. Non precisas de coñecementos técnicos para contribuír aquí. Anímate a contribuír e presupón boa fe con respecto ás intencións dos outros colaboradores. Isto é un wiki, polo que é realmente doado contribuír. Se o desexas podes crear un artigo, paso a paso, coa axuda do noso asistente. Onde atopar axuda Hai máis información dispoñible na páxina de axuda e no Portal da comunidade. Pódeste pór en contacto co resto das persoas que editamos na Galipedia na Taberna da Galipedia. Tamén podes contactar cos administradores na súa páxina de conversa ou no Taboleiro dos administradores.		Recomendacións Para responder a unha mensaxe doutra persoa tes que facelo na súa páxina de conversa, se non, non lle sairá o aviso de que ten mensaxes novas e é moi posíbel que non se decate da túa resposta. Por favor, engade sempre a túa sinatura nas páxinas de conversa escribindo ~~~~.   Se o desexas, podes axudarte do revisor ortográfico, activándoo en: Preferencias → Trebellos → Navegación → Ortografía: Activar o revisor ortográfico. Cometiches un erro? Queres avisar dun erro que cometiches e que non sabes como solucionar? Deixa unha mensaxe na páxina de conversa dese artigo, comunícao na Taberna ou coméntallo a outra persoa. Todos cometemos erros, é normal, e sempre estamos dispostos a axudar a quen comeza.

Boa estadía e bo traballo.--Atobar ^{(conversa comigo)} 09:19, 9 setembro 2009 (UTC)

Varios

Ola, Xeol. Vexo que estás a facer artigos, e iso é motivo de celebración, que falta nos fan novos colaboradores. Daquela, parabéns. O que si che pediría é que te cinguises ao formato da propia Galipedia na medida do posíbel. É normal que aínda non lle teñas pillado o truco, que ninguén nace aprendido, de maneira que entendo que é algo que virá de a pouco. Non obstante, para ir vendo a que me refiro podes botarlle un ollo a esta corrección mínima que che fixen neste artigo. E outra cousa: vexo que tes algúns problemas de lingua. Nada grave. Mais si sería bo que botes man de gramáticas, correctores e dicionarios. Aquí che vai unha ligazón que deseguro che vai valer de guieiro. Un saúdo e para calquera dúbidas non temas en nos contactar a calquera dos que andamos habitualmente por aquí. --Atobar ^{(conversa comigo)} 09:26, 9 setembro 2009 (UTC)

• Pediríache que engadas referencias e fagas artigos máis longos e sobre todo máis enciclopédicos. Bota man doutras fontes sempre que poidas e pide axuda se fai falla. Un saúdo. --Atobar ^{(conversa comigo)} 21:24, 28 setembro 2009 (UTC)

• Benvido á Galipedia Xeol'oartabro. Con respecto ao marcador {{Atención}} o procedemento na Galipedia é que debes esperar a que o colaborador que colocou dito marcador verifique que efectivamente se correxiron os problemas que obrigaron a poñer o aviso no artigo. É un procedemento incorrecto que retires o marcador ti mesmo, por ese motivo vouno recuperar por segunda vez. Non debes interpretar ese xeito de actuar como unha desvaloración da túa colaboración, trátase dun modo de proceder para garantir que se cumpren os requisitos para a publicación de artigos na Wikipedia. Por outra banda, un dos principios fundadores da Wikipedia é que non é fonte primaria (digoo pola frase "O autor deste artigo fixo un traballo de campo in situ"), iso significa que non se poden publicar investigacións propias senón datos referenciados en fontes externas. Para calquera dúbida non tes máis que preguntar nunha das páxinas de conversa. Grazas. Un cordial saúdo. --Prevert^gl 22:15, 28 setembro 2009 (UTC)

referencias

Boa noite de novo, Xeol. Vouche comentar unhas cousiñas sobre a forma de referenciar. Por exemplo: ti puxeches como referencias estas:

1. O autor deste artigo fixo un traballo de campo in situ
2. Antón Pena Graña; Arqueólogo
3. Guía dos castros de Galicia-- Ed. do Cumio

Como comprenderás os artigos non teñen un autor. Son simplemente da Galipedia. Amais, mesmo se o propio Shakespeare quixera explicar que o levou a dar tales ou cales atributos a Hamlet, non podería facelo doutro xeito máis que remitíndose a fontes constrastábeis de críticos ou de textos que el mesmo teña escrito. É dicir, por moito que saibas, se iso non se pode comprobar, para a Galipedia non vale como fonte. As referencias 2 e 3 pois máis ou menos o mesmo. Non abonda con que digas estes señor di isto, senón que cómpre que especifiques onde exactamente. Ao principio resulta complicado isto das referencias, pero verás que non ten moita ciencia. A pouco que un se saiba mover sempre termina atopando. Pois nada, o dito: dálle un repaso á lingua e a seguir contribuíndo, que se che agradece. Aburiño. --Atobar ^{(conversa comigo)} 22:34, 28 setembro 2009 (UTC)

Borrado de imaxe

Ola, Xeol. A imaxe que subiches co tartán galego foi borrada. É unha imaxe que sacaches dunha web, e que, ao non indicarse outra cousa, está suxeita a copyright. Non se pode publicar material con copyright na wikipedia. Se tes calquera dúbida sobre esta cuestión, non dubides en consultarmo a min ou a outros editores da Wikipedia. --Xabier Cid ^Conversa 07:11, 29 setembro 2009 (UTC)

Problemas cunha iamxe

Por outra parte, a bandeira que sinalaches como da Terra Eo-Navia non está referenciada, nuin a súa orixe, nin o seu uso para ese territorio. Polo tanto, procedín a retirala do artigo e a propor unha votación do seu borrado. Se tes referencias sobre esta cuestión, prégoche que as achegues. --Xabier Cid ^Conversa 07:11, 29 setembro 2009 (UTC)

Xeol, o que estás poñendo non son referencias, son webs que a empregan e a páxina de quen as vende, unha referencia é outra cousa, un artigo ou libro dun investigador no que fale da bandeira por exemplo, iso sería unha referencia correcta, que como todo se podería discutir pero a referencia sería iso unha referencia.--RNC 14:23, 29 setembro 2009 (UTC)

Valería a web de Bandeira galega ou da asociación Abertal?.--Usuario:Xeol'oartabro

• Bandeira galega é unha web comercial dedicada a vender produtos, non pode ser unha web de referencia, que a bandeira apareza na web da asociación Abertal o único que podería indicar é que é a bandeira que usa Abertal na súa web, nin máis nin menos. Mirei é non hai nesa web artigo ningún dunha bandeira. Unha referencia ten que ser clara, non se trata de buscar como tolos en internet para atopar unha case referencia que xustifique a elección, é pola contra a elección a que debe estar claramente referenciada, é dicir a referencia debe dicir claramente que esa, exactamente esa, é a bandeira da Terra Eo Navia, e de onde procede, quen di que é a bandeira dese territorio, etc.--RNC 14:49, 29 setembro 2009 (UTC)