País insular

Países Insulares do Mundo

Un país insular é un estado limitado totalmente a unha illa ou a un grupo de illas, e que non ten ningún territorio sobre o continente. No mundo existen corenta e oito países insuares, incluíndo os máis pequenos.

Os países insulares poden ser clasificados en dous grupos. Un grupo comprende aqueles que son grandes, relativamente populosos, e polo xeral preto dun continente. Estes inclúen Xapón, Sri Lanka, Filipinas, Cuba, o Reino Unido, Islandia e Madagascar. O membro máis grande deste grupo, e o país insular máis grande, é Indonesia. Estes países, tipicamente, comparten semellanzas culturais e políticas cos seus veciños continentais. O seu estado insular era unha vantaxe importante que os illou de invasións, e fíxoos importantes no comercio rexional debido á súa localización e ás capacidades marítimas da poboación. Australia forma parte desta categoría, con todo, varios estudos considérana como sector continental de Oceanía.

O outro grupo comprende países máis pequenos como Malta, Chipre, as Comores, Bahamas, Tonga, e as Maldivas. Estes países tenden a ser moi diferentes dos países continentais. O seu pequeno tamaño, polo xeral, quere dicir que contan con pouca terra agrícola e escasos recursos naturais. Con todo, na actualidade, estes pequenos países insuares convertéronse en centros turísticos, facéndose en moitos o turismo, a industria dominante.

Algúns países insulares son centrados a unha ou dúas illas principais, como o Reino Unido. Outros espállanse ao longo de centos ou miles de pequenas illas, como Indonesia ou as Maldivas. Algúns países comparten as súas illas con outros países; estes inclúen a República de Irlanda, Haití e República Dominicana que comparten a illa de Santo Domingo ou A Española, e Papúa Nova Guinea.

Listaxe de países insulares

Antiga e Barbuda Australia Bahamas Bahréin Barbados Brunei Cabo Verde Chipre Comores Cuba República Dominicana Dominica Fidxi Filipinas Granada Haití

Indonesia Irlanda Islandia Xamaica Xapón Kiribati Madagascar Maldivas Malta Illas Marshall Mauricio Micronesia Nauru Nova Zelandia Papúa Nova Guinea Porto Rico

Reino Unido Saint Kitts e Nevis Santa Lucía San Vicente e as Granadinas Illas Salomón Samoa Santo Tomé e Príncipe Seychelles Singapur Sri Lanka Taiwan ver Status político de Taiwan Timor Oriental Tonga Trinidad e Tobago Tuvalu Vanuatu

Véxase tamén

• Lista de Illas (por país)
• Países do mundo