San Claudio, Ortigueira

Localización da parroquia no concello de Ortigueira

San Claudio
Igrexa de Santa María de San Claudio
Concello	Ortigueira
Coordenadas	43°39′17″N 7°52′47″O
Área	9.46 km²
Poboación	(ano 2004) 593 hab.
Densidade	hab./km²
Entidades de poboación	10
[ editar datos en Wikidata ]

[[Categoría:Ortigueira poboación {{{ano}}}]]

Xeografía

San Claudio está situada na beira sur da ría de Ortigueira , nun amplo val que descende dende os montes do Espiño, Sixto, A Croa, Armada e o coto de Punxas e remata no mar. Linda polo norte coa Ría de Ortigueira dende un regato que descende ao mar en Carballo de Boi, até a enseada da Roncadoira, polo leste limita coa parroquias de Senra , polo sur o regato das Areas e o de Carelle sepárana da parroquia do Ermo e polo oeste linda coas parroquias de Mera de Arriba e Mera de Abaixo . A estrada AC-862 cruza a parroquia bordeando a ría polos lugares de A Fonte, Tristimil, A Rocha, A Tronqueira e Carballo de Boi. En paralela a estrada xeral e moi preto dela, vai a vía de FEVE , que conta nesta parroquia cun apeadeiro.

Patrimonio

A moderna igrexa parroquial na honra de Santa María e que ten planta de cruz latina está no lugar da Feira e ao seu carón queda o cemiterio parroquial. Neste mesmo lugar da Feira, aínda se poden ollar hoxe, nun lamentable estado, as antigas casetas coas que contaban os campos das feiras tradicionais, pois foi parroquia esta dunha feira de moita sona, que non hai moito aínda se celebraba. Hai dúas pequenas ermidas nesta parroquia, unha no lugar de Axilde na que se celebraba unha romaría de moita sona na comarca, e outra no lugar da Escola ,na honra de santa Lucía, coñecida tamén pola capela da sarna . Preto do cruce da AC-862 coa estrada da Feira érguese un escolar de indianos, chamados Centros de Instrucción polos seus promotores , os emigrantes en Cuba, e que posteriormente foi escola pública e actualmente está convertido en local social municipal. No lugar do Hospital atópase o Pazo dos Barreiros, que no século XVII funcionou como hospital de peregrinos, tan comúns por aqueles tempos para dar acollida as xentes que ían a Santiago e a San Andrés de Teixido que hoxe éstá convertido en granxa.

Poboación

Segundo o padrón municipal de 2004 tiña 593 habitantes (307 mulleres e 286 homes) distribuídos en 10 entidades de poboación, o que supón unha diminución en relación ao ano 1999 cando contaba con 655 habitantes.

Lugares da parroquia de San Claudio no concello coruñés de Ortigueira

Abeleira - Alvariños - A Armada de Abaixo - A Armada de Arriba - Axilde - Os Barreiros - A Bodeguiña - A Caioga - O Camiño Grande - O Campo do Souto - A Capela - O Carbal - Carballo de Boi - A Casa da Horta - A Casanova de Arriba - O Castro - O Cereixal - O Chaelo - O Coto - O Cristo - O Curro - Enxertos - A Escola - O Escorial - Faxín de Abaixo - Faxín de Abriba - Faxín do Medio - A Feira - A Figueira - A Fonte - Francés de Abaixo - Francés de Arriba - Goimel - O Graivo - O Grañeiro - O Hospital - A Insuela - O Lagar Novo - O Lagar - Lastigueira - A Medrosa - O Monte - Mouriños - A Nogueira - O Orxado - O Outeiro - A Ovella - Os Palmarios - O Paxaro - O Plantío de Abaixo - O Plantío de Arriba - Pousada - Promadelos - A Rega - Regueiro - Ribados - Río de Augeiro - O Río - A Rocha - Roibás - O Seixo - O Sisto - Souto Calvo - Soutandré - As Teixoeiras - A Torre - Tras do Río - Trestemil - A Tronqueira - A Venda - Vilarmor - A Viña da Cruz - O Xestal