Presión de vapor

A presión de vapor é a presión, para unha temperatura dada, na que a fase líquida e o vapor atópanse en equilibrio dinámico; o seu valor é independente das cantidades de líquido e vapor presentes mentres existan ambas. Este fenómeno tamén preséntano os sólidos; cando un sólido pasa ao estado gasoso sen pasar polo estado liquido tamén se produce unha presión de vapor. Na situación de equilibrio, as fases reciben a denominación de líquido saturado e vapor saturado. Esta propiedade posúe unha relación inversamente proporcional coas forzas de atracción intermoleculares, debido a que canto maior sexa o módulo das mesmas, maior deberá ser a cantidade de enerxía entregada (xa sexa en forma de calor ou outra manifestación) para vencelas e producir a mudanza de estado.

Lei de Raoult

A Lei Raoult da unha aproximación á presión do vapor de misturas de líquidos. Indica que a actividade (presión ou fugacidade) dunha mistura monofásica é igual á suma das fraccións molares das presións do vapor dos compoñentes:

$p_{\text{tot}}=\sum _{i}p_{i}\chi _{i}$