Alberto Núñez Feijóo

Alberte Núñez Feijoo

Nome orixinal	(es) Alberto Núñez Feijoo
Biografía
Nacemento	(es) Alberto Núñez Feijóo 10 de setembro de 1961 (62 anos) Ourense
Cargos Presidente da Xunta de Galicia Vicepresidente da Xunta de Galicia (2004-2005) Conselleiro da Política Territorial, Obras Públicas e Vivenda (2003-2004)
Datos persoais
País de nacionalidade	España
Relixión	Ateo
Educación	Universidade de Santiago de Compostela
Altura	1,79 m
Actividade
Ocupación	Político
Partido político	Partido Popular de Galicia
Lingua	Lingua castelá e lingua galega
Familia
Parella	Eva Cárdenas (2013–)
Premios (2017)  doutore honoris causa pela Universidade de Trás-os-Montes e Alto Douro (pt) (9 de xuño de 2015)  Gran Cruz da Orde do Infante Don Enrique (28 de outubro de 2002)  Gran Cruz da Orde de Isabel a Católica  Order of the Rising Sun, 3rd class (en)
Sinatura
Lista 5º Presidente do Partido Popular 2 de abril de 2022 – ← Pablo Casado Blanco 5º Presidencia da Xunta de Galicia 18 de abril de 2009 – 12 de maio de 2022 ← Emilio Pérez Touriño – Alfonso Rueda → Presidente do Partido Popular de Galicia 15 de xaneiro de 2006 – ← Manuel Fraga Iribarne Deputado do Parlamento de Galicia 18 de xullo de 2005 – Lexislatura: IX Lexislatura do Parlamento de Galicia Circunscrición electoral: Pontevedra (en) Electo en: Eleccións ao Parlamento de Galicia de 2005, Eleccións ao Parlamento de Galicia de 2009, Eleccións ao Parlamento de Galicia de 2012, Eleccións ao Parlamento de Galicia de 2016, Eleccións ao Parlamento de Galicia de 2020 Vicepresidente Xunta de Galicia 10 de setembro de 2004 – 2005 Conselleiro autonómico Consellería de Medio Ambiente, Territorio e Infraestruturas 18 de xaneiro de 2003 – 10 de setembro de 2004 Presidente Correos 2001 – 2003 Presidente Instituto Nacional de la Salud (pt) 1996 – 2000 Secretario Xeral Servizo Galego de Saúde 1992 – 1996

Alberte Núñez Feijoo é un político ourensán (nado o 10 de setembro de 1961 en Ourense) e presidente do Partido Popular de Galicia. Nas eleccións autonómicas de 2009 foi elixido para ser presidente da Xunta de Galicia.

Formación

Naceu en Ourense, pero criouse nos Peares. Alberte Núñez Feijoo licenciouse en Dereito na Universidade de Santiago de Compostela.

Traxectoria política

A súa entrada na alta política veu da man de José Manuel Romay Beccaría, que, sendo conselleiro de Sanidade, o nomea secretario xeral da consellería e secretario xeral do Sergas. Cando en 1996 Romay Beccaría é nomeado ministro de Sanidade no primeiro goberno de José María Aznar, Núñez Feijoo pasa a ser presidente executivo do Insalud en 1996. De aí chega a ser director xeral de Correos y Telégrafos, a empresa pública española de envíos postais.

En xaneiro de 2003 é nomeado por Manuel Fraga conselleiro de Política Territorial, Obras Públicas e Vivenda, e en setembro de 2004 vicepresidente primeiro da Xunta de Galicia, converténdose no primeiro vicepresidente que nomeaba Fraga mentres ocupou a cadeira de San Caetano. Colocábase así de primeiro nos postos de sucesión o xa daquela octoxenario Manuel Fraga.

Cando este perde a maioría absoluta nas eleccións do 19 de xuño de 2005, ábrese un período de disputas dentro do Partido Popular de Galicia para acadar a presidencia do partido. Nesas eleccións, Núñez Feijoo encabezara a lista electoral por Pontevedra, e obviamente converteuse en deputado. Dos catro candidatos, Xosé Cuíña Crespo, Xosé Manuel Barreiro e Henrique López Veiga, Alberte Núñez Feijoo consegue vencer nos comicios internos e a partir dese momento ocupa o cargo de líder da oposición, presidente do Partido Popular de Galicia e voceiro parlamentario dos populares.

Ademais é vogal electo do Comité Executivo Nacional do Partido Popular español.

Predecesor: Xosé Cuíña	Conselleiro de Ordenación do Territorio e Obras Públicas  2003 - 2004	Sucesor: María Xosé Caride
Predecesor: non existía o cargo	Vicepresidente da Xunta  2004 - 2005	Sucesor: Anxo Quintana
Predecesor: Manuel Fraga	Presidente do PP de Galicia  2006 - Actualidade	Sucesor: no cargo
Predecesor: Emilio Pérez Touriño	Presidente de Galicia  2009 - actualidade	Sucesor: no cargo

Cargos en empresas

Formou parte de diversos consellos de administración: Banco de Crédito Local, Empresa Nacional de Autopistas, Paradores de Turismo de España, Instituto Galego de Medicina Técnica, International Post Corporation, Fábrica Nacional de Moneda y Timbre e Chronopost Express.

Tamén foi membro do Consello Asesor de Telecomunicacións e do Consello Asesor Postal.