Os xirasoles cegos

Os xirasois cegos é unha película rodada en Ourense (entre outras localizacións) no verán de 2007, a súa estrea foi o 29 de agosto de 2008. Trátase dunha corpodución galega dirixida por José Luis Cuerda (que xa rodara en Galicia outros filmes seus coma A lingua das bolboretas) e protagonizada por Maribel Verdú e Javier Cámara. No seu reparto figuran ademais actores galegos coma Martiño Rivas ou José Ángel Egido.

Está baseada na novela homónima de Alberto Méndez.

Argumento

Ambientada na posguerra, Os xirasois cegos conta a historia de Elena (Maribel Verdú), nai dun fillo pequeno, Lorenzo (Roger Princep), e cuxa filla maior, adolescente Elenita (Irene Escolar), fuxiu embarazada co seu mozo Lalo (Martiño Rivas), perseguido pola policía.

Tamén o seu marido Ricardo (Javier Cámara) vive agochado, neste caso nun buraco no dormitorio da parella, de xeito que Salvador (Raúl Arévalo), un diácono que pensa en colgar os hábitos, pensa que e viúva, obsesiónase con ela e comeza a acosala.

Reparto

• Maribel Verdú - Elena
• Raúl Arévalo - Salvador
• Javier Cámara - Ricardo
• José Ángel Egido - Rector
• Roger Príncep - Lorenzo
• Irene Escolar - Elenita
• Martiño Rivas - Lalo

Premios

• Optou a 15 premios Goya en 2008, pero só acadou un, o de guión adaptado, para José Luis Cuerda e Rafael Azcona.

Véxase tamén

Ligazóns externas

• Os Xirasois Cegos en AVG de Culturagalega.org
• Ficha en IMDb