Tines, Vimianzo

Parroquia do municipio de Vimianzo, A Coruña, arciprestado de Soneira e diócese de Santiago de Compostela.

Situación xeográfica

Está delimitada por Salto, Bamiro, Treos, Vilar e Cambeda, distando só 8,5 Qm. da capital do municipio.

Historia

Santa Baia de Tines constitue un dos enclaves máis relevantes de Galicia polo seu testigo bárbaro, románico e prerrománico que botan luz sobre a época escura desde o século I ata unha baixa Idade Media. A igrexa parroquial era representación de Rui Pérez da Costa e, o subsolo do seu adro é un dos enclaves máis interesantes para a historia de Galicia nunha pronta Idade Media. Debaixo atópase unha necrópole romano-sueva con enterramentos que datan dende o século I ata o século VIII d.C. nos que se distinguen:

• Vestixios romanos: material da construcción principalmente, ó que apunta á posible existencia dunha "vila romana" según Manuel Núñez.
• Sarcófagos pétreos de dous formas distinguidas: unha máis primitiva e escasa de forma oval (datado da dominación sueva) e outra máis elaborada cun oco antropoide. Cabe dicir que a maior parte dos vestixios foron destruidos cando o descubrimento no 1954 e os restantes permanecen á intemperie nun profundo abandono. A tapa dos sarcófagos antropoides están grabados con letras, trazos e debuxos cun estilo que presumiblemente date do século VI.
• Vestixios de enterramentos con tégulas, moi propios da donimación romana.

A estela romana de Vitorino

Cabe mencionar que, aparte dos sarcófagos pétreos, o descubrimento da estela romana de Vitorino é un dos máis relevantes para a cultura de Galicia. Nela distínguese un rostro humán, grabado toscamente e con inscripcións. Según Díaz y Díaz é o primeiro testimonio epigráfico cristián de Galicia do século IV. Pódese contemplar actualmente no Museo Arqueolóxico de A Coruña.