Chimalpopoca

Chimalpopoca

Biografía
Nacemento	1397 Tenochtitlán
Morte	1427 (29/30 anos) Tenochtitlán
Causa da morte	Suicidio  (Enforcamento )
Tlatoani
21 de xullo de 1417 – 1427 ← Huitzilihuitl II – Itzcoatl →
Actividade
Ocupación	político
Familia
Cónxuxe	Matlalatzin (en)
Fillos	Tezozomoc (en)
Pai	Huitzilihuitl II
Irmáns	Moctezuma I (pt) e Tlacaelel

Chimalpopoca (antropónimo náhuatl que significa "escudo fumegante"; de chimalli, "escudo", e popoca, "fumegar"), nado en 1397 e finado en 1427, foi o terceiro huey tlatoani da dinastía gobernante en Tenochtitlán, sucesor de Huitzilihuitl en 1415.

Traxectoria

Chimalpopoca era fillo do emperador Huitzilihuitl e a raíña Ayauhcihuatl. Como huey tlatoani de Tenochtitlán, era vasalo -e neto, por parte de nai- de Tezozómoc, tepanecateuctli (señor dos tepanecas) de Azcapotzalco, e baixo o seu dominio participou nas conquistas tepanecas, entre elas a de Chalco. Á morte de Tezozómoc, sucedeulle o seu fillo Maxtla no trono de Azcapotzalco. Foi entón cando estalou unha revolta interna no Imperio Tepaneca, pois unha serie de señores subordinados erguéronse contra Azcapotzalco e os seus acólitos, dando morte a Chimalpopoca entre outros señores tepanecas, e dando un xiro ó centro hexemónico do imperio, que de Azcapotzalco pasará a Tenochtitlán. O principal líder daqueles rebeldes era Itzcoatl, da dinastía real tenochca (medio irmán de Huitzilihuitl), que sucedeu a Chimalpopoca (a súa vítima) en Tenochtitlán. Daba comezo así o Imperio Mexica ou Tripla Alianza.

Durante o seu reinado construíuse o acueduto de madeira que carrexaba a auga potable dende os mananciais de Chapultepec até Tenochtitlán. Tamén construíu unha estrada con bordos e terrapléns que conectaban a cidade con Tlacopan, tiña cortaduras e pontes de madeira que eran retirados durante a noite.

Véxase tamén

Bibliografía

• Santamarina Novillo, Carlos (2006). El sistema de dominación azteca : el imperio tepaneca (en castelán). Madrid: Fundación Universitaria Española. ISBN 84-7392-619-6. OCLC 74881906.