Hugo de Vermandois

Hugo de Vermandois
	;
Nome orixinal	(fr) Hugues Ier de Vermandois
Biografía
Nacemento	1057
Morte	18 de outubro de 1101 (43/44 anos); Tarso (pt)
Actividade
Ocupación	crusader (en)
Outro
Título	Count of Vermandois (en)
Familia	Dinastía dos Capetos
Cónxuxe	Adelaide de Vermandois (pt) (1080 (Gregoriano)–)
Fillos	Isabel de Vermandois, Condessa de Leicester (pt) , Matilde de Vermandois (pt) , Constance de Vermandois (en) , Simon de Vermandois (pt) , Raúl I de Vermandois, Agnes de Vermandois (en)
Pais	Henrique I de Francia e Ana de Kíiv
Irmáns	Filipe I de Francia
Cronoloxía
1096-1099	Primeira cruzada
	sen valor

Hugo I de Vermandois, nado en 1053 e finado o 18 de outubro de 1101, chamado Magnus ou o Grande, foi o fillo máis novo de Henrique I de Francia e a princesa rusa Ana de Kíiv, e irmán máis novo de Filipe I de Francia.

Traxectoria[editar | editar a fonte]

Foi conde de Vermandois por dereito propio, aínda que non levou a termo ningún fito como gobernante ou como militar. De feito, Steven Runciman afirma que o seu alcume Magnus, que Guillerme de Tiro usa para facer referencia a el, é en realidade un erro do copista e que debería ser Minus (o menor), referíndose a que era o irmán máis novo do rei de Francia.

Participou na Primeira Cruzada con Godofredo de Bouillon e combate no cerco de Nicea, na Dorilea. despois da toma de Antioquía, onde gaña o sobrenome de «Grande», os turcos veñen a cercar a cidade e Hugo, desanimado, abandona os cruzados e volve a Francia sen ter cumprido o seu voto. A toma de Xerusalén cóbreo de vergoña e, para reparar a súa falta, parte de novo a Palestina; resulta ferido nun combate na beira do río Halys e morre en Tarso, en Cilicia.

Matrimonio e descendencia[editar | editar a fonte]

Casou con Adelaida de Vermandois, filla do conde Heriberto IV de Vermandois e Adelaida de Valois. Tiveron nove fillos:

Mahaut, Matilde ou Maud, 1080-1130), casou en 1090 con Raúl I de Beaugency (1068-1113).
Isabel de Vermandois, condesa de Leicester (1081-1131), casada con Roberto de Beaumont, 1° conde de Leicester, e logo con Guillerme de Warenne, 2° conde de Surrey.
Beatriz (1082 - despois de 1144), casou con Hugo III de Gournay.
Raúl I de Vermandois (1085 - 14 de outubro de 1152).
Constanza (1086, Data da morte descoñecida), casou con Godofredo de la Ferté-Gaucher.
Inés (1090-1125), casou con Bonifacio de Savona-Vasto.
Henrique (1091-1130), señor de Chaumont-en-Vexin, que foi asasinado nunha batalla con Tomé de Marle.
Simón de Vermandois (1093-1148), bispo de Noyon.
Guillerme (c. 1094 - c. 1096), se cadra Guillerme de Vermandois, casado con Isabel, filla ilexítima do rei Lois VI de Francia.