Esmeralda Arboleda
  | |
| Biografía | |
|---|---|
| Nacemento | 7 de xaneiro de 1921 Palmira, Colombia (pt)  |
| Morte | 16 de abril de 1997 (76 anos) Bogotá, Colombia |
 Senador de Colombia | |
| | |
| Datos persoais | |
| País de nacionalidade | Colombia |
| Educación | University of Cauca (en) |
| Actividade | |
| Ocupación | diplomática , avogada , política , sufraxista |
| Partido político | Partido Liberal Colombiano |
| Lingua | Lingua castelá |
Esmeralda Arboleda Cadavid, nada en Palmira o 7 de xaneiro de 1921 e finada en Bogotá o 16 de abril de 1997, foi unha política e avogada colombiana. Foi a primeira muller Senadora da República na historia de Colombia (de 1958 a 1961). Membro do Partido Liberal. Liderou o movemento sufraxista en Colombia xunto á súa compañeira Josefina Valencia Muñoz.
Traxectoria[editar | editar a fonte]
Estudou secundaria nun colexio comercial de Pereira, pero ante a imposibilidade de cursar unha carreira universitaria se non obtiña o título de "bacharel académico" a súa familia enviouna a Bogotá onde culmina en 1938. O ano seguinte convértese na primeira muller aceptada na Universidade do Cauca, para estudar Dereito, e dende un principio vincúlase ós movementos estudantís, acubillándose no Partido Liberal. Tras obter o seu título de avogada (1944) dedícase ó exercicio profesional nas cidades de Cali e Bogotá, saientando na súa loita pola mellora das condicións laborais dos traballadores vallecaucanos e pola promoción da participación política da muller.
Apoiada polo expresidente Alberto Lleras Camargo é designada Secretaria do Partido Liberal, e en 1954 convértese nunha das dúas mulleres nomeadas para a Asemblea Nacional Constituínte (ANAC) polo goberno do Xeneral Gustavo Rojas Pinilla (a outra era a futura gobernadora e ministra Josefina Valencia de Hubach); pero en 1955 é obrigada a renunciar por mor da súa aberta oposición ó que se converteu nun réxime autoritario. Nas eleccións de 1958, tras a caída de Rojas, é elixida Senadora polo Valle del Cauca, converténdose na primeira muller elixida para o Congreso de Colombia.
En 1961 o novamente Presidente Alberto Lleras desígnaa Ministra de Comunicacións, cargo que exerce até finalizar o goberno, un ano despois. En 1966, é elixida novamente senadora, esta vez por Bogotá, e un ano despois o Presidente Carlos Lleras Restrepo desígnaa embaixadora ante Austria (1967-1969).
Durante un longo período viviu en México xunto ó seu segundo esposo e ó seu regreso a Colombia fixo parte da campaña presidencial de Virgilio Barco, exercendo durante este mandato o seu último cargo público, o de directora rexional do Instituto Colombiano de Benestar Familiar. Esmeralda Arboleda faleceu debido a unha insuficiencia renal en 1997.
Véxase tamén[editar | editar a fonte]
Bibliografía[editar | editar a fonte]
- Arboleda, Esmeralda (1980). Influence of the Mass Communication Media on Attitudes Towards the Roles of Women and Men in Present Day Society. Nova York: United Nations Economic and Social Council.
