Escrita (revista)

Escrita
País	España
	[ editar datos en Wikidata ]

Escrita é unha revista publicada pola AELG. A súa publicación comezou no ano 1983 e finalizou en 1985. Non obstante, no ano 2005, retomouse a súa publicación baixo o nome de Escrita Contemporánea. Foi redactada enteiramente en galego por numerosos escritores, entre os que destacan algúns nomes como os de Otero Pedrayo, Manuel Lourenzo ou Ricardo Carballo Calero.

Os exemplares da revista podíanse adquirir individualmente por 175 pesetas os dous primeiros números e 200 os seguintes. Tamén estaba a disposición do lector unha subscrición anual a cambio de 700 pesetas nos dous primeiros números e de 800 pesetas nos restantes. Actualmente están dispoñibles en formato dixital na páxina web da AELG^[1] ou en formato físico na biblioteca da Universidade de Santiago de Compostela.

Liña temática[editar | editar a fonte]

O tema principal da revista Escrita é a literatura, mais tamén se tratan temas culturais asociados á lingua, xornalismo, sociedade, filosofía, ciencia e arte. Tamén se inclúen recompilacións de poemas, historias en forma de cómic, ilustracións, ou fragmentos de textos ou cartas doutros autores. Os temas distribúense da seguinte maneira:

artigos

37 relacionados coa literatura.
16 de sociedade.
9 recompilatorios de textos e poemas.
7 de arte.
7 de ciencia.
4 ilustrados.
4 sobre medios de comunicación.
4 dedicados a entrevistas.
3 de filosofía.
2 recompilatorios de cartas.

Ideoloxía[editar | editar a fonte]

Canto a temas ideolóxicos, non existe unha implicación directa coa política, mais si unha defensa da lingua galega e os cambios lexislativos necesarios para o seu uso e promoción.

Periodicidade[editar | editar a fonte]

A revista tivo unha periodicidade irregular. As publicacións tiveron lugar da seguinte maneira:

1983: 1º e 2º números.
1984: 3º, 4º e 5º números.
1985: 6º número.

Distribución[editar | editar a fonte]

Exemplar	Páxinas	Artigos	Lugar de publicación	Ano de publicación	Financiamento
1	23	16	A Coruña	1983	Deputación de Ourense e o Banco Bilbao
2	23	17	Vigo	1983	Caixa de Aforros Municipal de Vigo e Deputación de Lugo
3	24	15	Vigo	1984	Caixa de Aforros de Galicia
4	24	16	Vigo	1984	Fundación do Banco Exterior
5	25	15	Vigo	1984	Departamento de Cultura do Concello de Vigo
6	24	11	Vigo	1985	(sen colaboración económica)

Os exemplares, na súa totalidade, foron editados pola AELG, sendo Uxío Novoneyra o seu presidente, Margarita Ledo Andión a súa directora, Alfonso Pexegueiro o seu secretario e Xurxo Fernández o seu deseñador.

Colaboracións[editar | editar a fonte]

Os autores e autoras da Escrita teñen como obxectivo promover a valorización do escritor e as súas obras e intercambiar ideas e conceptos entre eles. En palabras de Vítor Vaqueiro, colaborador da revista, "o seu ponto de vista, era muito moderno, transversal, interdisciplinar, tentando derrubar a barreira entre ciência e humanidades".^[2] Destaca considerabelmente o xénero masculino fronte ao feminino e son de orixe tanto nacional como internacional, tendo como única condición a de contar polo menos cun libro publicado en galego, sendo os seguintes os seus nomes:

Margarita Ledo Andión
Miguel Anxo Fernández
María Pilar García Negro
Jean Starobinski
Emilio Rolán Mosquera
Alain Badiou
Manuel Facal
Carles Prats
Xenaro García Suárez
Celso Álvarez Cáccamo
Xaquín López
Román Raña Lama
Antón Baamonde
Xavier Paz Canalejo
Claudio Rodríguez Fer
Ricardo Carballo Calero
Salvador de Lorenzana
Alfonso Pexegueiro
Xosé A. Parada
Manuel Lourenzo
Mauro Wolf
Xoán Ignacio Taibo
Cipriano Jiménez Casas
Alberto Moreiras
Estrela González
Xosé Ramón Pena
X.L.Méndez Ferrín
Xenaro García Suárez
Alberto Avendaño
Nicolás Xamardo
Xosé María Álvarez Cáccamo
Manuel Janeiro Casal
Amparo Moreno Sardá
Xavier Rodríguez Baixeras
Xosé Manuel Martínez Oca
Xosé Neira Vilas
Miguel Pérez-Quintanilla
Xoán Manuel Carreira
Guillermo Domínguez Santos
Víctor Fernández Freixanes
Colectivo Golpe Vello
Uxío Labarta
Miguel Anxo Murado
César Vallejo
Alberto Avendaño
Julio Cortázar
Fernando Savater
Francisco Sampedro Ojedra
María Xosé Queizán
Anxo Baranga
Basilio Lourenço Fondevila
Carlos Vales
Francisco Javier Ruiz Collantes
Carlos Fernández
Xurxo Fernández
Jaume Fuster
Antón Reixa
Manuel Rivas

Contraste entre a revista Escrita e Escrita Contemporánea[editar | editar a fonte]

A revista Escrita baséase na recompilación de artigos de carácter cultural escritos por diferentes autores en forma de boletín oficial. Por outro lado, Escrita Contemporánea comezou publicando números nos que se homenaxeaban a algúns escritores galegos importantes como Ánxel Casal, Pura Vázquez, Dora Vázquez e Uxío Novoneyra, así como á AELG, para logo se converter en resumos de numerosas Actas de Xornadas relacionadas coa literatura. Conta con 30 números.