Escala de coma de Glasgow

Esquema de valoración do nivel de consciencia mediante a escala de Glasgow

A escala de coma de Glasgow é unha escala deseñada para avaliar de maneira práctica o nivel de estado de alerta nos seres humanos. Foi creada en 1974 por Bryan Jennett e Graham Teasdale, membros do Instituto de Ciencias Neurolóxicas da Universidade de Glasgow, como unha ferramenta de valoración obxectiva do estado de consciencia das vítimas de traumatismo cranioencefálico.

A súa precisión e sinxeleza estenderon posteriormente a súa aplicación a outras patoloxías traumáticas e non traumáticas.

Descrición da escala

A escala esta composta pola exploración e cuantificación de tres parámetros (a apertura ocular, a resposta verbal e mais a resposta motora), dándolle unha puntuación á mellor resposta obtida en cada categoría. Cada puntuación individual súmase para obter un valor total. O valor máis baixo posible é 3 (1 + 1 + 1), e o máis alto é 15 (4 + 5 + 6).

Variable	Resposta	Puntuación
Apertura ocular	Espontánea Tras unha orde Ante un estímulo doloroso Ausencia de apertura ocular	4 puntos 3 puntos 2 puntos 1 punto
Resposta verbal	Orientado correctamente Paciente confuso Linguaxe inapropiada Linguaxe incomprensible Carencia de actividade verbal	5 puntos 4 puntos 3 puntos 2 puntos 1 punto
Resposta motora	Obedece ordes correctamente Localiza estímulos dolorosos Responde ao estímulo doloroso mais non localiza Resposta con flexión anormal dos membros Resposta con extensión anormal dos membros Ausencia de resposta motora	6 puntos 5 puntos 4 puntos 3 puntos 2 puntos 1 punto

Véxase tamén

Bibliografía

• Álvarez, Marcelo E.; Argente, Horacio (2009). Semiología médica. Fisiopatología, semiotecnia y propedéutica: enseñanza basada en el paciente (en castelán). Editorial Médica Panamericana. ISBN 9788479036652. 
• Jennett, Bryan; Teasdale, Graham (1974). "Assesment of Coma and Impaired Consciousness: A Practical Scale". The Lancet (en inglés) 304 (7872): 81–84. ISSN 0140-6736. doi:10.1016/S0140-6736(74)91639-0.