Eri Klas

Eri Klas

(2012)
Biografía
Nacemento	7 de xuño de 1939 Talín
Morte	26 de febreiro de 2016 (76 anos) Talín
Causa da morte	infarto agudo de miocardio
Lugar de sepultura	cemiterio de Rahumäe
Educación	Academia de Música e Teatro de Estonia (1964–1967) Escola de Música Georg Ots de Talín (–1959)
Actividade
Ocupación	director de orquestra
Empregador	Academia de Música e Teatro de Estonia (1997–2016) , morte Academia Sibelius (1993–1997)
Xénero artístico	Música clásica
Alumnos	Mikko Franck
Selo discográfico	Melodiya
Familia
Cónxuxe	Ülle Ulla
Fillos	Diana Klas
Nai	Anna Klas
Premios
(1999)  Medalla da Cidade de Talín (outubro de 1989)  Orde da Estrela Polar  Artista do Pobo da URSS  Orde da Estrela Branca, 3ª clase  Orde da Amizade  Máscara Dourada

Eri Klas, nado en Talín o 7 de xuño de 1939, e finado ibídem o 26 de febreiro de 2016, foi un director de orquestra estoniano.

Traxectoria

Klas naceu no seo dunha familia xudía en Talín. A súa nai era a pianista Anna Klas. O seu pai, Eduard Klas, foi asasinado en 1941, durant o Holocausto. Klas traballou principalmente na escena nórdica, pero quizais sexa máis lembrado polo seu traballo ao liderar a desaparecida Orquestra Sinfónica da Radio dos Países Baixos. De 1999 a 2001 Klas foi conselleiro musical da Sinfonietta de Bersebá, Israel.

Estreou o 1º Concerto para violonchelo de Alfred Schnittke (Fiharmónica de Múnic, 1986) e o ballet Peer Gynt (Ópera Estatal de Hamburgo, 1989), e traballou na difusión do repertorio estoniano.

Klas tamén estivo activo como pedagogo, ocupando cátedras na Academia Sibelius (1993–97) e na Academia de Música e Teatro de Estonia (1997 ata a súa morte), onde recibiu o doutoramento honoris causa.

Klas foi condecorado coa Orde do León de Finlandia (1992, co gallo do 75º Día da Independencia de Finlandia) e a Orde de Estonia da Estrela Branca. Foi embaixador de boa vontade de UNICEF. En 1986, foi nomeado como artista do pobo da URSS. Foi campión de boxeo lixeiro júnior de Estonia, tamén foi membro do Comité Olímpico Estoniano.

Vida persoal

Eri Klas identificouse como xudeu. Malia isto, o director Neeme Järvi considerábao un auténtico estoniano. A nai de Eri Klas era a pianista e profesora Anna Klas. O pai de Eri Klas, Eduard, quedou cos seus pais en Estonia ao comezo da ocupación nazi, mentres que a súa nai Anna marchou á retagarda da Unión Soviética co pequeno Eri. O pai foi executado no outono de 1941.

En 1966 naceu a filla de Eri Klas, Marina. A nai de Marina Roos (nada Mitt) é a antiga acróbata e ballarina de espectáculos de variedades Anita Mitt. Dende 1966 até 1968, Eri Klas estivo casado coa cantante e actriz de épera Nieves Lepp (nada Redi). Do matrimonio naceu unha filla, a actriz Diana Klas. Dende 1972 até 1991, estivo casado coa bailarina, cantante e actriz Ülle Ulla. En 1992, Eri Klas casou coa pianista Ariel Klas (1952), e as fillas de matrimonios anteriores, Angelika Klas-Fagerlund (1974) e Marion Elvilä (nada en Melnik) son cantantes de ópera.

Eri Klas (2009).

Eri Klas sobreviviu a diversos microinfartos. Estaba conducindo cando ocorreu un deles. O 20 de abril de 1994, provocou un accidente de tráfico no cruzamento de Põltsamaa no quilómetro 130 da estrada Tallin-Tartu-Võru-Luhamaa, no que morreu unha persoa. A policía abriu unha causa penal, pero quedou pechada por falta de probas de delito. O propio Eri Klas declarou: "Perdín a visión por problemas de irrigación sanguínea".

Eri Klas morreu o 26 de febreiro de 2016, tras unha grave enfermidade. Foi enterrado en Talín, no cemiterio xudeu de Rahumäe.