Todo comeza cando o mago Drum Billet chega a un pobo perdido para designar ó seu sucesor. O escollido é un meniño acabado de nacer que, como mandan os canóns do Discworld, é o oitavo fillo dun oitavo fillo. O mago debe entregarlle o seu caxato ó neno, xa que a súa hora se aproxima. Poida que por el non repare en que o bebé escollido é en realidade unha nena ata que é demasiado tarde. A nena, chamada Eskarina, é ensinada pola bruxa local Granny Weatherwax que cre firmemente que a maxia dos magos e a maxia das bruxas é completamente diferente. Cando o poder oculto en Esk comeza a manifestarse non ten máis remedio que buscar a Unseen University, a principal escola de magos do Discworld. Nunca antes existira unha muller mago, pero Esk deberá selo aínda que para selo deba superar a oposición dos magos, porque só deste xeito poderá manexar un poder tan inmenso que ameaza a supervivencia do propio Discworld.
Por razóns non explicadas, Esk non apareceu en ningunha outra novela de Discworld, pero Terry dixo que posiblemente apareza na seguinte novela de Tiffany Aching, I Shall Wear Midnight.
