Eparquía católica rutena de Mukacheve
| Eparquía de Mukacheve Eparchia Munkacsiensis | |
|---|---|
 | |
| Datos xerais | |
| Erixida | 19 de setembro de 1771 |
| Localización | Ucraína |
| Estatísticas | |
| Poboación - Fieis - Total | 380.000 (29,7) 1 281 000 |
| Información | |
| Igrexa particular | Igrexa católica bizantina rutena |
| Ritos | Bizantino |
| Xerarquía | |
| Papa | Francisco |
| Bispo | Milan Šašik |
| Outros datos | |
 | |
A eparquía de Mukacheve (en latín: Eparchia Munkacsiensis) é unha diocese da Igrexa católica bizantina rutena inmediatamente suxeita á Santa Sé. En 2010 tiña 380.000 bautizados sobre unha poboación total de 1 281 000 habitantes. Está actualmente dirixida polo bispo Milan Šašik.
Territorio[editar | editar a fonte]
A eparquía ten xurisdición sobre todos os fieis da Igrexa católica bizantina rutena en Ucraína. Os fieis rutenos viven na súa maioría na Rutenia subcarpática, na parte occidental do país.
A sé eparquial é a cidade de Uzhhorod, onde está a catedral da Exaltación da Santa Cruz. Mukacheve é a antiga sé eparquial. O territorio está organizado en 402 parroquias.
Historia[editar | editar a fonte]
A eparquía foi erixida o 19 de setembro de 1771 coa bula Eximia regalium do papa Clemente XIV. Anteriormente, os fieis de rito bizantino estaban suxeitos á diocese de Eger. Inicialmente, a eparquía era sufragánea da arquidiocese de Esztergom.
O 9 de agosto de 1817 a sé eparquial foi transferida a Uzhhorod coa bula Romanos decet Pontifices do papa Pío VII.
O 23 de marzo de 1818 cedeu parte do seu territorio para erixir a eparquía de Prešov, hoxe arquieparquía metropolitana da Igrexa Católica Bizantina Eslovaca.
O 8 de xuño de 1912 cedeu a parroquia de lingua húngara para erixir a eparquía de Hajdúdorog.
O 5 de xuño de 1930 cedeu outra parte do seu territorio para erixir a eparquía de Maramureş.
O 2 de setembro de 1937, coa bula Ad ecclesiastici de Pío XI, pasou a ser unha diocese inmediatamente suxeita á Santa Sé.
O 1 de novembro de 1947 o bispo Teodor Romzha foi asasinado polo NKVD. Venerado como mártir, foi beatificado polo papa Xoán Paulo II o 27 de xuño de 2001.
Episcopoloxio[editar | editar a fonte]
- Vasyl Tarasovych (1646 - 1651, finado)
- Parfenii Petrovych (1651 - 1665, finado)
