Enrique Álvarez Sanjuán

Na Galipedia, a Wikipedia en galego.
Saltar ata a navegación Saltar á procura
Enrique Álvarez Sanjuán
2012 2013 - Quique Álvarez - Flickr - Castroquini-FCB.jpg
Nacemento20 de xullo de 1975
 Vigo
NacionalidadeEspaña
Ocupaciónfutbolista
editar datos en Wikidata ]

Enrique Álvarez Sanjuan, máis coñecido como Quique Álvarez, nado en Vigo o 20 de xullo de 1975, é un futbolista galego. Xoga de defensa e actualmente atópase sen equipo. É fillo do tamén futbolista Quique Costas.

Traxectoria[editar | editar a fonte]

Aínda que que naceu en Galicia, pasou a súa infancia en Barcelona debido a que seu pai foi contratado polo FC Barcelona. Formouse coma futbolista nas categorías inferiores do FC Barcelona, equipo co que chegou a disputar un encontro na primeira división na tempada 1995-96. Na súa etapa coma xogador no Barcelona B chegou a coincidir con seu pai coma adestrador do segundo equipo do FC Barcelona. Tras xogar varios anos no filial barcelonista xogou a tempada 1997-98 no CD Logroñés, tamén da segunda división. Ao ano seguinte foi contratado pola UE Lleida equipo da mesma categoría no que xogou dúas tempadas. No equipo da Terra Ferma tivo coma adestrador a Víctor Muñoz, quen ao ser contratado polo Villarreal CF tralo seu ascenso a primeira, conseguiu que Quique fose contratado polo equipo da Plana Baixa.

No Villarreal CF estivo un total de sete tempadas na primeira división, disputando un total de 187 partidos, sendo o segundo xogador que máis partidos disputou coa camisola amarela en primeira división, e só superado por Rodolfo Arruabarrena. No Villarreal CF chegou a ser un dos capitáns do equipo e no partido da 37ª xornada da tempada 2006-07, recibiu a insignia do club pola súa traxectoria. O seu contrato co Villarreal CF rematou o 30 de xuño de 2007 e non foi renovado. Tras ficar ceibe, foi contratado polo Recreativo de Huelva a petición do técnico do equipo andaluz Víctor Muñoz, quen xa dirixiu a Quique Álvarez no Logroñés, Lleida e Villarreal CF.

Clubs[editar | editar a fonte]

Club País Ano
FC Barcelona B Flag of Spain.svg España 19931995
FC Barcelona Flag of Spain.svg España 19951997
CD Logroñés Flag of Spain.svg España 19971998
UE Lleida Flag of Spain.svg España 19982000
Villarreal CF Flag of Spain.svg España 20002007
Recreativo de Huelva Flag of Spain.svg España 20072009

Palmarés[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]