English Electric Canberra

English Electric Canberra
Instancia de familia de aeronaves
Subclase de bombardeiro medio monoplano bombardeiro con base en terra bombardeiro bimotor
Epónimo Camberra
Persoas e organizacións
Desenvolvedor English Electric (pt)
Operador/a Royal Air Force Forza Aérea da India Real Forza Aérea de Australia Forza Aérea Arxentina Forza Aérea de Suecia
Produción
Fabricante English Electric (pt)
Total producido 950
Características
Autonomía 5440 km
Impulsado por Rolls-Royce Avon
Identificador militar Tp 52
Dimensión Altura 4,77 m Lonxitude 19,96 m Envergadura 19,51 m e 19,5 m Altitude operacional 15.000 m
Datas  Entrada en servizo 25 de maio de 1951  Retiro do servizo 23 de xuño de 2006  Primeiro voo 13 de maio de 1949
Localización  País de orixe Reino Unido
Identificadores Freebase /m/01cp0m
Fontes e ligazóns  Descrito pola fonte The International Directory of Military Aircraft 1996/97 (en) pp. 69 Jane's World Aircraft Recognition Handbook, Fourth Edition (en)
Wikidata C:Commons

O English Electric Canberra é un bombardeiro medio a reacción de primeira xeración británico. Foi desenvolvido por English Electric de mediados a finais dos anos 40 en resposta a un requirimento do Ministerio do Aire de 1944 para un sucesor do bombardeiro rápido de Havilland Mosquito. Entre os requisitos de rendemento para o tipo estaba unha destacada capacidade de bombardeo a grande altitude e velocidade. Isto logrouse en parte facendo uso da nova tecnoloxía de propulsión a reacción. Cando o Canberra foi introducido en servizo coa Royal Air Force (RAF), o primeiro operador do tipo, en maio de 1951, converteuse no primeiro bombardeiro a reacción en servizo.

En febreiro de 1951 un Canberra estableceu outro récord mundial cando foi o primeiro reactor en realizar un voo transatlántico sen escalas. Durante a meirande parte dos anos 50 o Canberra podía voar a máis altura que calquera outro avión do mundo, e en 1957 un Canberra estableceu un récord do mundo de altitude de 21 430 m. Debido á súa habilidade para evadir aos primeiros interceptores a reacción, e o seu avance no rendemento sobre bombardeiros de pistóns contemporáneos, o Canberra converteuse nun popular avión no mercado de exportación, sendo mercado por varias forzas aéres tanto de países dentro da Commonwealth de Nacións como fóra. O tipo tamén foi fabricado baixo licenza en Australia por Government Aircraft Factories e nos Estados Unidos por Martin como o B-57 Canberra. Este último fabricou tanto o lixeiramente modificado B-57A Canberra como o signifiicativamente actualizado B-57B.

Ademais de ser un avión de ataque nuclear táctico, o Canberra demostrou ser altamente adaptable, servindo en varios roles como bombardeo táctico e recoñecemento fotográfico e electrónico. Os Canberra serviron durante a guerra fría, a guerra de Suez, a guerra de Vietnam, a guerra das Malvinas, as guerras indo-paqustanís, e numerosos conflitos africanos. En varias guerras os dous bandos tiñan Canberras na súa forza aérea.

O Canberra serviu durante máis de 50 anos con algúns operadores. En xuño de 2006 a RAF retirou os seus tres últimos Camberra 57 anos despois do seus primeiro voo. Tres dos Martin B-57 continúan en servizo, realizando traballos meteorolóxicos e de seguimento de reentrada para a NASA, ademais de proporcionar probas de comunicación electrónica para a súa despregadura en Afganistán.