O encoro de Kárahnjúkar é o maior encoro de auga de toda Europa. Está situado ao leste de Islandia. A superficie cuberta por esta presa vén sendo do 3% da extensión total da illa islandesa.
A construción desta presa desatou unha gran polémica no país do xeo, pois o seu levantamento foi considerado por ecoloxistas de todo o planeta unha perigosa cicatriz na maior franxa natural impoluta de Europa. Era a grande empresa contra o medio ambiente. Por unha banda a empresa de aluminioestadounidense á que a obra hidráulica abastece e pola outra o descontento da poboación islandesa. Detrás desta polémica desatada escóndense numerosos problemas na economía islandesa, así como o esgotamento dos recursos pesqueiros e agrícolas da illa.
