Emilio Alonso Paz

Na Galipedia, a Wikipedia en galego.
Emilio Alonso Paz
Nacemento1878
Lugar de nacementoCartimil
Falecemento16 de marzo de 1937
Lugar de falecementoMonte Porreiro
NacionalidadeEspaña
Ocupaciónpolítico
editar datos en Wikidata ]
Placa na rúa Alonso Paz

Emilio Deogracias Alonso Paz, nado en Cartimil (Silleda) en 1878 e finado en Monte Porreiro (Pontevedra) o 16 de marzo de 1937, foi un político galego, alcalde de Silleda nos anos da II República Española.

Traxectoria[editar | editar a fonte]

Curmán de Antón Alonso Ríos, foi militante de Izquierda Republicana. Foi elixido alcalde de Silleda en 1932 e dimitiu en 1934. En 1936 foi reposto como alcalde. Logo do golpe de Estado do 18 de xullo de 1936 fuxiu a Portugal, pero foi delatado, apresado e entregado ás autoridades franquistas, que o internaron na illa de San Simón. Xulgado en consello de guerra, foi condenado á pena de morte e fusilado en Monte Porreiro en marzo de 1937.


Predecesor:
Antonio Pereiro Gil
 
Alcalde de Silleda
 
1932 - 1934
Sucesor:
Segundo Arceo Díaz
Predecesor:
Antonio Trabazo Lorenzo
 
Alcalde de Silleda
 
1936
Sucesor:
Manuel García Cerviño

Homenaxes[editar | editar a fonte]

A finais da década de 1990, a corporación municipal de Silleda decidiu poñerlle o seu nome a unha das rúas do casco urbano de Silleda. No 2007, coincidindo co 70 aniversario do seu fusilamento, a asociación socio-cultural Adellís e a Comisión pola Memoria Siñor Afranio organizaron un acto na súa lembranza na rúa que leva o seu nome[1].

Notas[editar | editar a fonte]

  1. "Copia arquivada". Arquivado dende o orixinal o 31 de maio de 2010. Consultado o 01 de febreiro de 2012. 

Véxase tamén[editar | editar a fonte]

Ligazóns externas[editar | editar a fonte]