Elisabetta Dami

Na Galipedia, a Wikipedia en galego.
Saltar ata a navegación Saltar á procura
Elisabetta Dami
Elisabetta Dami photo.jpg
AlcumeGeronimo Stilton
Nacemento1958
 Milán
NacionalidadeItalia
Ocupaciónescritora de literatura infantil e escritora
Coñecida porGeronimo Stilton
editar datos en Wikidata ]

Elisabetta Dami, nada en Milán en 1958 é unha escritora italiana de literatura infantil célebre pola creación da personaxe Geronimo Stilton.

Traxectoria[editar | editar a fonte]

Dami é filla do editor Piero Dami, que fundou Dami Editore en 1972. Aos trece anos comezou no mundo das publicacións como correctora no negocio familiar e aos trece anos escribiu os seus primeiros relatos curtos.

A súa experiencia como voluntaria con nenos enfermos deulle a idea de escribir historias de aventuras cun rato chamado Geronimo Stilton como protagonista. Estas historias convertéronse nunha sensación editorial en Italia e internacionalmente.[1]

Durante un tempo traballei como voluntaria nun hospital, e foi aí, case por casualidade, que inventei a Geronimo Stilton … Era no tempo en que Patch Adams ensinou ao mundo que os nenos precisaban rir para poñerse mellor. Así que comecei a crear historias divertidas en que o protagonista era un torpe rato chamado Geronimo Stilton. El víase envolto en toda caste de aventuras entretidas, cheas de acontecementos divertidos e xiros na trama, que os nenos atoparon realmente emocionantes.[2]

Dende entón, as historias de Geronimo Stilton foron traducidas a 49 linguas[3] e venderon máis de 161 millóns de exemplares en todo o mundo.[4]

Activismo[editar | editar a fonte]

Dami apoia organizacións non gobernamentais e asociacións con doazóns e proxectos creativos para dar a coñecer as súas actividades e os asuntos nos que están involucradas.[5]

Elisabetta Dami forma parte da dirección nacional de WWF Italia,[6] é embaixadora de Antoniano Onlus e Zecchino d'Oro, e está no consello permanente de Terre des hommes.[7]

Vida persoal[editar | editar a fonte]

Amante da aventura, obtivo as licenzas de piloto e paracaidista aos vinte anos, e con vinte e tres viaxou arredor do mundo pola súa conta e completou un célebre curso de supervivencia na Outward Bound School de Maine, nos Estados Unidos.[8] Outras aventuras de Dami inclúen tomar parte nun rally polo deserto do Sáhara e cruzar África de norte a sur en todo terreo, participou nun ultramaratón de 100 km polo Sáhara e correu tres veces o maratón de Nova York (2002, 2003 e 2017).[9]

Notas[editar | editar a fonte]

  1. "ELISABETTA DAMI - la Repubblica.it". repubblica.it (en italiano). 
  2. "The biography of Elisabetta Dami". www.elisabettadamionlus.org. Arquivado dende o orixinal o 10-09-2018. Consultado o 13-10-2017. 
  3. "Geronimo Stilton addestra draghi. E le prossime storie le scrivete voi". Corriere.it (en italiano). 
  4. "Il mio topo non teme le emozioni Il suo segreto è la resilienza". iltempodelledonne.corriere.it (en italiano). 
  5. "Who we are and what do we do". elisabettadamionlus.org. Arquivado dende o orixinal o 10-09-2018. Consultado o 13 de outubro de 2017. 
  6. "Elisabetta Dami da Geronimo Stilton al Wwf". IlGiorno.it (en italiano). 
  7. "Board Terre des Hommes Italia ONLUS". terredeshommes.it. 
  8. "The biography of Elisabetta Dami". elisabettadamionlus.org. Arquivado dende o orixinal o 10-09-2018. Consultado o 13-10-2017. 
  9. "Elisabetta Dami". IMDb.com. 

Véxase tamén[editar | editar a fonte]

Ligazóns externas[editar | editar a fonte]

  • "Elisabetta Dami. Fòrum IMPULSA 2012" audio-video (4 de xullo de 2012) en youtube; vimeo
  • Elisabetta Dami (11 de decembro de 2010) en la Repubblica