Elisabeth Shue

Na Galipedia, a Wikipedia en galego.
Infotaula de personaElisabeth Shue

Editar o valor em Wikidata
Biografía
Nacemento6 de outubro de 1963 Editar o valor em Wikidata (60 anos)
Wilmington, Estados Unidos de América Editar o valor em Wikidata
Datos persoais
País de nacionalidadeEstados Unidos de América Editar o valor em Wikidata
EducaciónUniversidade Harvard
Wellesley College (pt) Traducir
Columbia High School (en) Traducir Editar o valor em Wikidata
Cor dos ollosCastaño Editar o valor em Wikidata
Cor do peloLouro Editar o valor em Wikidata
Actividade
Ocupaciónactriz de televisión , produtora , actriz , actriz de cinema , cantante Editar o valor em Wikidata
Período de actividade1982 Editar o valor em Wikidata -
LinguaLingua inglesa Editar o valor em Wikidata
InstrumentoVoz Editar o valor em Wikidata
Familia
CónxuxeDavis Guggenheim (pt) Traducir (1994–) Editar o valor em Wikidata
FillosStella Street Guggenheim (en) Traducir Editar o valor em Wikidata
NaiAnne Brewster Wells (en) Traducir Editar o valor em Wikidata
IrmánsAndrew Shue (pt) Traducir Editar o valor em Wikidata
Premios
IMDB: nm0000223 Allocine: 4152 Rottentomatoes: celebrity/elisabeth_shue Allmovie: p65475 TCM: 176951 Metacritic: person/elisabeth-shue TV.com: people/elisabeth-shue IBDB: 74549
Twitter: elisabeth_shue Musicbrainz: 752a2b25-4273-42e0-b2dd-e4e5d924518e Discogs: 3615279 WikiTree: Shue-112 Editar o valor em Wikidata

Elisabeth Judson Shue, nada en Wilmington, Delaware, o 6 de outubro de 1963, é unha actriz estadounidense.

Traxectoria[editar | editar a fonte]

Shue naceu no seo dunha familia de clase media,[1] filla de Anne Brewster Wells, axente de banca, e de James William Shue,[2] avogado e axente inmobiliario, que se divorciaron cando ela tiña nove anos.[3][4] O seu pai era un activista republicano que intentou ser elixido para o Senado polo estado de Nova Jersey.[5] O seu irmán é o tamén actor Andrew Shue.

Shue graduouse no Columbia High School de Maplewood (Nova Jersey) e entrou en Harvard en 1985, licenciándose en ciencias políticas en 2000[6] despois dunha paréntese en que iniciou a súa carreira como actriz.[1] Durante os seus estudos no instituto e tralo divorcio dos seus pais gañou cartos facendo de modelo na televisión. Shue converteuse nunha cara familiar ao participar en anuncios de Burger King, De Beers e Hellmann's.[7]

En 1984 chegou o seu auténtico debut como protagonista con Karate Kid (1984), onde interpretaba a moza de Daniel LaRusso (Ralph Macchio). Ao mesmo tempo fixo outros papeis en filmes como Call to Glory (1984), rodada para ser emitida na televisión. Continuou a súa carreira actuando en Adventures in Babysitting (1987) e obtivo o papel coprotagonista en Cocktail (1988), protagonizada por Tom Cruise. Máis tarde chegaron as secuelas de Back to the Future, en que interpretou a Jennifer Parker, parella da personaxe interpretada por Michael J. Fox.[8] Substituíu a actriz Claudia Wells que renunciou a repetir o seu papel no primeiro filme por mor dunha enfermidade na súa familia. Nesta época, o irmán máis vello de Shue, William, falecu nun accidente durante unhas vacacións familiares.[9]

Na década de 1990 comezou a conseguir papeis máis arriscados. Participou en Marrying Man (1991) con Alec Baldwin e Kim Basinger, mais o filme foi duramente castigado por gran parte da crítica.[10] Despois tivo un papel protagonista en Heart and Souls, de 1993, xunto a Robert Downey Jr. Seguiulle Leaving Las Vegas (1995), con Nicolas Cage, cunha interpretación que lle valeu unha candidatura ao Óscar, ao Globo de Ouro e ao BAFTA entre outros.[11] Despois deste éxito interveu en títulos como Desconstructing Harry (1997), de Woody Allen, The Saint, (1997) con Val Kilmer e a cinta de suspense Hollow Man (2000), en que compartiu cartel con Kevin Bacon e que recadou 190 millóns de dólares en todo o mundo.[12] Xa na década de 2000 apareceu en filmes como Hide and Seek (2005), con Robert De Niro, e Dreamer: Inspired by a True Story (2005), con Kurt Russell e Dakota Fanning, que foi eloxiada pola prensa cinematográfica.[13]

Tras estes filmes viñeron outros que non tiveron repercusión na billetería internacional ou na crítica cinematográfica ata que en 2010 interveu en tres novos filmes: Walking Madison (2010), Janie Jones (2010), xunto a Abigail Breslin, e no remake de Piranha (1978) titulado Piranha 3D (2010), rodada en 3D con actores como Richard Dreyfuss, Christopher Lloyd e Jerry O'Connell. En 2012 incorporouse ao elenco da serie CSI: Crime Scene Investigation como substituta de Marg Helgenberger.[14] Posteriormente participou na serie Cobra Kai, continuación da franquía de filmes Karate Kid.

Vida persoal[editar | editar a fonte]

Shue casou co director Davis Guggenheim en 1994.[15] A parella tivo tres fillos: Miles William, Stella Street e Agnes Charles.[16]

Filmografía[editar | editar a fonte]

Ano Título Personaxe Notas
1983 Somewhere, Tomorrow Margie
1984 Karate Kid, TheThe Karate Kid Ali Mills
1986 Link Jane Chase
1987 Adventures in Babysitting Chris Parker
1988 Cocktail Jordan Mooney
1989 Regreso ó futuro II Jennifer Parker
1990 Back to the Future Part III
1991 Marrying Man, TheThe Marrying Man Adele Horner
1991 Soapdish Lori Craven / "Angelique"
1993 Heart and Souls Anne
1993 Twenty Bucks Emily Adams
1994 Radio Inside Natalie
1995 Underneath, TheThe Underneath Susan Crenshaw
1995 Leaving Las Vegas Sera
1996 Trigger Effect, TheThe Trigger Effect Annie Kay
1997 Saint, TheThe Saint Dr. Emma Russell
1997 Deconstructing Harry Fay
1998 Palmetto Mrs. Donnelly / Rhea Malroux
1998 City of Angels Pregnant woman Cameo sen acreditar
1998 Cousin Bette Jenny Cadine
1999 Molly Molly McKay
2000 Hollow Man Linda McKay
2002 Leo Mary Bloom
2002 Tuck Everlasting Narrador (voz)
2004 Mysterious Skin Mrs. McCormick
2005 Hide and Seek Elizabeth Young
2005 Dreamer Lilly Crane
2007 First Born Laura
2007 Gracie Lindsay Bowen
2008 Hamlet 2 Herself
2009 Don McKay Sonny
2010 Piranha 3D Julie Forester
2010 Janie Jones Mary Ann Jones
2011 Waking Madison Dr. Elizabeth Barnes
2012 Hope Springs Karen, The Bartender
2012 House at the End of the Street Sarah Cassidy
2012 Chasing Mavericks Kristy Moriarity
2014 Behaving Badly Pamela Bender
2017 Battle of the Sexes Priscilla Wheelan
2018 Death Wish Lucy Kersey
2020 Greyhound Eva Frechette

Notas[editar | editar a fonte]

  1. ↑ 1,0 1,1 Consultado en 2010 Biografía de Elisabeth Shue IMDb (en inglés)
  2. ↑ Obituary for James Shue Arquivado 2015-02-21 en Wayback Machine. consultado o 2/20/2015
  3. ↑ Bandler, Michael J. "The Will to Win; Elisabeth Shue and her brother Andrew had a dream to honor their brother's memory with a film about family and soccer. They didn't trust Hollywood to get it right, so they financed and filmed it here at home.", New Jersey Monthly, 20 de decembro de 2007. Consultado o 23 de decembro de 2013
  4. ↑ Actress in `Babysitting' takes charge of her life, Bob Strauss, 12 de xullo de 1987. Chicago Sun-Times
  5. ↑ au.movies.yahoo.com Yahoo![Ligazón morta]
  6. ↑ Soman, Chainani (2000-02-02). "Shue Returns To Complete Degree". Harvard Crimson. Consultado o 2019-08-08. 
  7. ↑ "Elisabeth Shue - You can enjoy the screams and the gore and the fun". The Independent. 2010-08-13. Consultado o 2011-01-28. 
  8. ↑ Jennifer Parker (Character) from Back to the Future IMDb (en inglés)
  9. ↑ Piccalo, Gina (2007-05-27). "Whose life is it anyway?". Los Angeles Times. Consultado o 2018-08-02. 
  10. ↑ Marrying Man Rotten Tomatoes (en inglés)
  11. ↑ Premios y nominaciones de Elisabeth Shue IMDb (en inglés)
  12. ↑ Recaudación de Hollow Man Box Office Mojo (en inglés)
  13. ↑ Respuesta crítica a Dreamer: Inspired by a True Story Rotten Tomatoes (en inglés)
  14. ↑ Andreeva, Nellie (2011-11-18). "'CSI's New Leading Lady: Elisabeth Shue To Replace Marg Helgenberger On CBS Series". Deadline.com. Consultado o 2012-07-26. 
  15. ↑ "Elisabeth Shue". womencelebs.com. Arquivado dende o orixinal o 2008-05-12. 
  16. ↑ "Breaking Celeb News, Entertainment News, and Celebrity Gossip". E! News. Arquivado dende o orixinal o 19 de decembro de 2007. 

Véxase tamén[editar | editar a fonte]

Ligazóns externas[editar | editar a fonte]

Traído desde «https://gl.wikipedia.org/w/index.php?title=Elisabeth_Shue&oldid=6699542»