Elisa Leonida Zamfirescu

Na Galipedia, a Wikipedia en galego.
Saltar ata a navegación Saltar á procura
Elisa Leonida Zamfirescu
Elisa Leonida Zamfirescu.jpg
Nome completoElisa Leonida
Nacemento10 de novembro de 1887
 Galați
Falecemento25 de novembro de 1973
 Bucarest
NacionalidadeRomanía
Educada enUniversidade de Copenhaguen
Ocupaciónenxeñeira e mestra
IrmánsGheorghe Leonida, Dimitrie Leonida, Natalia Leonida e Adela Leonida-Paul
editar datos en Wikidata ]

Elisa Leonida Zamfirescu, nada en Galați o 10 de novembro de 1887 e finada en Bucarest o 25 de novembro de 1973[1], foi unha enxeñeira romanesa e unha das primeiras mulleres do mundo en obter un grao.[2][3][4] Naceu en Romanía mais obtivo o título en Berlín. Durante a primeira guerra mundial dirixiu un hospital en Romanía.

Traxectoria[editar | editar a fonte]

Elisa Zamfirescu naceu en Galați, Romanía o 10 de novembro de 1887. O seu pai, Atanase Leonida, era un oficial, mentres que a súa nai , Matilda Gill, era a filla dun enxeñeiro de ascendencia francesa.[3] O seu irmán, Dimitrie Leonida, tamén foi enxeñeiro.

Despois de acabar o instituto tentou inscribirse no Escola de Pontes e Camiños de Bucarest,[5] pero foi rexeitada debido aos prexuízos sexistas[4]. Marchou a Berlín, e en 1909 inscribiuse na Universidade Técnica de Berlín, en Charlottemburg, onde se graduou en 1912.[3] Tras ser rexeitada, o decano tratou de convencela de que renunciase, citando «os tres K» -kirche, kinder, küche (igrexa, nenos, cociña)- que definían o perfil da muller naquela época. Considerouse que Zamfirescu era a primeira muller enxeñeira do mundo,[5] pero a irlandesa Alice Perry graduouse seis anos antes que Zamfirescu, en 1906.[6]

Carreira[editar | editar a fonte]

De regreso a Romanía, Zamfirescu traballou como asistente no Instituto Xeolóxico de Romanía.[5] Durante a primeira guerra mundial, uniuse á Cruz Vermella[7] e dirixiu un hospital en Mărășești, Romanía. En 1917, o seu hospital recibiu os feridos da batalla de Mărășești entre os exércitos alemán e romanés.[4] Foi unha vitoria para Romanía durante 28 días durante os cales arredor de 12 000 romaneses e máis de 10 000 alemáns resultaron feridos.[8] Durante ese tempo, coñeceu e casou co químico Constantin Zamfirescu, irmán do político e escritor Duiliu Zamfirescu.[2]

Durante a guerra, Zamfirescu regresou ó Instituto Xeolóxico. Liderou diversos laboratorios xeolóxicos e participou en estudos de campo, incluíndo algúns nos que se identificaron novas fontes de carbón, gas natural, cromio, bauxita e cobre. Zamfirescu tamén ensinou física e química.[2]

Notas[editar | editar a fonte]

  1. "Enciclopedia Romaniei". 
  2. 2,0 2,1 2,2 True Romania (ed.). "The first woman-engineer in Europe". Consultado o 10 de xuño de 2013. 
  3. 3,0 3,1 3,2 Marcu, George. "ROMÂNCE CARE NE FAC CINSTE: ELIZA LEONIDA-ZAMFIRESCU". Reteauakiterara.ning.com. Consultado o 10 de xuño de 2013. 
  4. 4,0 4,1 4,2 Michallon, Clémence (10 de novembro de 2018) Elisa Leonida Zamfirescu: 5 things you need to know about one of the world's first female engineers. Independent.co.uk
  5. 5,0 5,1 5,2 Cociuban, Anca. "Elisa Leonida Zamfirescu – First female engineer in the world". Amazing Romanians. Arquivado dende o orixinal o 8 de febreiro de 2015. Consultado o 8 de febreiro de 2015. 
  6. Irish Architectural Archive. "PERRY, ALICE JACQUELINE". Dictionary of Irish Architects 1720–1940. Irish Architectural Archive. Consultado o 8 de febreiro de 2015. 
  7. Michallon, Clémence (9 de novembro de 2018). The Independent, ed. "Elisa Leonida Zamfirescu: 5 things you should know about one of the world's first female engineers". Consultado o 10 de novembro de 2018. 
  8. "Bătălia de la Mărăşeşti, pe unde nu se trece!". Historia.ro. Consultado o 10 de novembro de 2018. 

Véxase tamén[editar | editar a fonte]

Bibliografía[editar | editar a fonte]

  • Marcu, George; Ilinca, Rodica (2009). Dicţionarul personalităţilor feminine din România (en romanés). Bucarest: Meronia. pp. 147–148. ISBN 9789737839558. OCLC 729981912. 
  • Năstase, Gabriel I; Olteneanu, Mihai; Dudea, Paul (2002). Personalităţi ale ştiinţei şi culturii româneşti: Familia Leonida (en romanés). Bucarest: Editura Ion Basgan. pp. 65–127. ISBN 973968159X. OCLC 678524137.