Elena Ochoa

Elena Ochoa
	;
Nome orixinal	Elena Fernández Ferreiro López de Ochoa
Biografía
Nacemento	(es) Elena Fernández Ferreiro López Ochoa ; 24 de setembro de 1958 (65 anos); A Pobra de Trives, España
Profesora
Datos persoais
Outros nomes	The Lady Foster
País de nacionalidade	España
Educación	Universidade Complutense de Madrid ; Universidade de California, Os Ánxeles ; Universidade de Cambridge
Actividade
Ocupación	editora literaria , psicóloga , comisaria de arte , presentadora
Empregador	Universidade Complutense de Madrid ; Radio Nacional de España ; Televisión Española
Lingua	Lingua castelá
Familia
Cónxuxe	Norman Foster (1996–); Lluís Racionero i Grau (pt) (1991–1994)
	Premios Premio Montblanc ;

Elena Fernández Ferreiro López de Ochoa, coñecida como Elena Ochoa, nada na Pobra de Trives o 24 de setembro de 1958, é unha psicóloga e xornalista galega.

Traxectoria[editar | editar a fonte]

Licenciada en Psicoloxía, dende 1980 ata 1999 foi profesora titular de psicopatoloxía na Universidade Complutense de Madrid. Nos anos oitenta, a súa investigación centrouse no alzhéimer, e para iso desprazouse ás universidades dos Ánxeles, Chicago e Cambridge. En 1990 comezou a presentar o primeiro programa de información sexual da TVE, Hablemos de sexo, o que lle deu unha importante sona. Traballou catro anos en televisión, e posteriormente e ata 1999 foi colaboradora dos xornais El País e El Mundo.

Entre 1999 e 2000 foi profesora no King's College de Londres, pero nese ano abandonou a súa carreira para dedicarse á promoción da arte. Fundou a editorial Ivory Press, especializada en libros de artista dirixidos a museos e coleccionistas, así como de álbums de fotografía.

Vida persoal[editar | editar a fonte]

Casou en 1991 co escritor español Luis Racionero, de quen se separou en 1994. En 1996 casou co arquitecto británico Norman Foster, co que tivo dous fillos.