Eleanor Hallowell Abbott
  | |
| Biografía | |
|---|---|
| Nacemento | 22 de setembro de 1873 Cambridge, Estados Unidos de América |
| Morte | 4 de xuño de 1958 (84 anos) Portsmouth, Estados Unidos de América (pt)  |
| Datos persoais | |
| Residencia | Wilton (en) |
| País de nacionalidade | Estados Unidos de América |
| Educación | Radcliffe College (pt) Universidade Harvard |
| Actividade | |
| Campo de traballo | Poesía |
| Ocupación | poeta , escritora , novelista , escritora de literatura infantil |
| Membro de | |
| Lingua | Lingua inglesa |
| Obra | |
| Arquivos en | |
 | |
Eleanor Hallowell Abbott (Sra. Fordyce Coburn), nada en Cambridge (Massachusetts) o 22 de setembro de 1872[1] e finada en Portsmouth (Nova Hampshire) o 4 de xuño de 1958, foi unha escritora estadounidense. Contribuíu con frecuencia no Ladies' Home Journal.
Traxectoria[editar | editar a fonte]
Era filla do clérigo Edward Abbott, quen editaba a publicación Literary World, e neta do notable escritor de textos infantís Jacob Abbott.[2] Por influencia do seu pai e o seu avó, Eleanor medrou rodeada de literatura e relixión, o cal lle axudou a coñecer a literatos destacados como Henry Wadsworth Longfellow e Robert Lowell.[3]
Tras asistir a escolas privadas en Cambridge, empezou a estudar en Radcliffe College.[4] Unha vez completou os seus estudos, traballou como secretaria e mestra en Lowell State Normal School.[5] Alí empezou a escribir poesías e historias curtas, con pouco éxito ao comezo. Foi só despois de que a revista Harper's aceptase dous dos seus poemas que a escritora viu que o seu traballo era prometedor. Máis adiante gañaría tres premios coas súas historias curtas, ofrecidos por Collier's e The Delineator.
En 1908, Abbott casou co Dr. Fordyce Coburn e trasladouse con el a Wilton, Nova Hampshire.[6] O Dr. Coburn era asesor médico da Lowell High School, e en ocasións axudaba á súa esposa coa súa escritura.[7] Logo do traslado, varias revistas de alta circulación aceptaron os seus traballos para ser publicados. Dous dos seus poemas foron aceptados por Harper's Magazine en 1909. Chegaría a publicar 75 historias curtas e 14 novelas románticas. Being Little in Cambridge When Everyone Else Was Big ("Ser pequena en Cambridge cando todos os demais eran grandes") é unha autobiografía escrita por Abbott acerca da súa nenez en Cambridge.
Abbott non tivo fillos. Faleceu en 1958 en Portsmouth.
A biblioteca da Universidade de Nova Hampshire mantén unha serie de textos orixinais das historias curtas de Abbott nas súas Milne Special Collections.
Traballos seleccionados[editar | editar a fonte]
- Molly Make-Believe, 1910
- The Sick-a-Bed Lady (and other tales), 1911
- The White Linen Nurse, 1913
- Little Eve Edgarton, 1914
- The Indiscreet Letter, 1915
- The Ne'er Do Much, 1918
- Love and Mrs. Kendrue, 1919
- Peace on Earth, Good-will to Dogs, 1920
- Silver Moon, 1923
- But Once A Year: Christmas Stories, 1928
- Being Little in Cambridge when Everyone Else was Big, 1936
Notas[editar | editar a fonte]
- ↑ Ehrlich, Eugene and Gorton Carruth.
- ↑ "Eleanor Hallowell Abbott". Cambridge Women's Heritage Project. City of Cambridge, MA. Arquivado dende o orixinal o 27 de agosto de 2019. Consultado o 8 de setembro de 2012.
- ↑ HAMBLEN, ABIGAIL ANN.
- ↑ "Abbott, Eleanor Hallowell". Who Was Who Among North American Authors, 1921-1939. Gale Research Co. 1976. ISBN 0810310414.
- ↑ "Eleanor Hallowell Abbott (1872-1958)". University of New Hampshire. Arquivado dende o orixinal o 09 de xullo de 2010. Consultado o 21 de xuño de 2017.
- ↑ "Abbott, Eleanor Hallowell."
- ↑ Overton, Grant Martin (1918). The Women Who Make Our Novels. Moffat, Yard & Company.
