Boix é un fotógrafo que despois de loitar no exército republicano durante a guerra civil española, é internado no campo de concentración de Mauthausen. Alí emprega o seu oficio no laboratorio fotográfico das SS para agochar negativos que proben os crimes e abusos que se producen no campo cando remate a guerra. Boix tamén realizou moitas fotografías de Mauthausen trala liberación e foi testemuña nos xuízos de Núremberg.[3]
A rodaxe, que comezou o 30 de outubro de 2017,[4] levouse a cabo en Terrasa e Budapest. Nesta cidade aproveitáronse os mesmos decorados dun campo que se empregaron no filme O neno co pixama de raias.
O actor Mario Casas perdeu 12 quilos para interpretar o Boix preso.[3]
