Correo de Galicia (Buenos Aires)

Datas
	Fundación / creación 1898
	Data de publicación 1898

Correo de Galicia
	Título Correo de Galicia
	Instancia de xornal
	Lingua lingua castelá
Datas
	Fundación / creación 1898
	Data de publicación 1898
Localización
	Lugar de publicación Buenos Aires
	País de orixe Arxentina
Fontes e ligazóns
	Descrito pola fonte Gran Enciclopedia Galega Silverio Cañada ; Diccionario da literatura galega ;
	Wikidata

Para outras páxinas con títulos homónimos véxase: Correo de Galicia.

Correo de Galicia foi un periódico galego editado en Buenos Aires entre 1898 e 1965.

Historia e características

Atravesou varias etapas:

A primeira, fundado e dirixido por Fortunato Cruces, de periodicidade semanal, apareceu en 1898.
A segunda, entre 1899 e 1900, dirixido por Juan González Montenegro, con Fortunato Cruces como secretario de redacción e Ángel Aguirre del Río como administrador.
A terceira e máis coñecida, entre 1908 e 1945, fundado por José Ramón Lence e José Vázquez Romaguera, e dirixido por José Ramón Lence, con Vázquez Romaguera como administrador. Apareceu o 22 de marzo de 1908 co subtítulo Órgano de la colectividad gallega en la República Argentina.

Tratábase dunha publicación xeneralista e bilingüe, con predominio do castelán. Recollía as actividades das diferentes institucións de emigrantes e as novas acaecidas na colectividade galega no ámbito do Río da Prata. Asumiu posturas galeguistas e republicanas durante a ditadura de Primo de Rivera, ata tomar postura en 1936 a favor do bando nacional. En 1945 pasou a denominarse Nuevo Correo e foi dirixido por Braulio Díaz Sal. Máis adiante converteuse no Faro de España.

Entre os seus colaboradores destacaron Manuel Casás, Basilio Álvarez, Xavier Bóveda, Ramón María del Valle-Inclán, Aurelio Ribalta, Emilia Pardo Bazán, Eduardo Blanco Amor e Julio Camba.