Eileen Chang

Eileen Chang

Biografía
Nacemento	30 de setembro de 1920 Concesión Internacional de Shanghai
Morte	8 de setembro de 1995 (74 anos) Westwood, Estados Unidos de América
Educación	Universidade de Hong Kong St. Mary's Hall, Shanghai (en) St. John's University (en) Faculty of Arts, University of Hong Kong (en)
Actividade
Ocupación	guionista, escritora, tradutora, xornalista, novelista
Empregador	Universidade de California, Berkeley
Xénero artístico	Ensaio e drama psicolóxico
Pseudónimo literario	梁京 Լյան Ցին
Obra
Obras destacables (1979) Lust, Caution (en)
Familia
Cónxuxe	Ferdinand Reyher (1956–1967), morte Hu Lancheng (1944–1947)
Pais	Zhang Zhiyi   e Huang Suqiong
Descrito pola fonte	Obálky knih, Biographical Dictionary of Chinese Women: The Twentieth Century

Eileen Chang (chinés tradicional: 張愛玲; chinés simplificado: 张爱玲; pinyin: Zhāng Aìlíng; Wade-Giles: Chang¹ Ai⁴-ling²), nada en Shanghai o 30 de setembro de 1920 e finada nos Ánxeles o 8 de setembro de 1995, foi unha ensaísta, novelista, guionista e crítica literaria chinesa-estadounidense.

Chang naceu no seo dunha familia de ascendencia aristocrática, e foi educada nun contexto bilingüe. Gañou fama literaria no Shanghai ocupado polos xaponeses, entre 1943 e 1945. Porén, tras a vitoria dos comunistas contra os nacionalistas na guerra civil chinesa, fuxiu do país. A finas dos 60 e comezos dos 70, a súa produción foi recuperada por eruditos como C. T. Hsia e Shui Jing. Xunto coa reavaliación da historia literaria na era posmaoísta durante os 70 e 80, acadou nova fama en Taiwán, Hong Kong, a China continental e nas comunidades da diáspora chinesa.

Traxectoria

Primeiros anos

Chang naceu como Zhang Ying (en chinés: 張煐) en Shanghai o 30 de setembro de 1920. Foi a primeira filla de Zhang Zhiyi (1896-1953) e Huang Suqiong (1893-1957). O bisavó materno, Huang Yisheng (1818-1916), foi un importante comandante da armada. Pola súa banda, o avó paterno, Zhang Peilun (1848-1903), foi xenro de Li Hongzhang (1823-1901), un influente funcionario da corte imperial. Chang foi criada coa súa tía por parte de pai, Zhang Maoyuan (1898-1991).

En 1922, aos dous anos de idade, a familia decidiu mudarse a Tianjin. Ao ano seguinte, o pai deulle a coñecer a poesía dos Tang. A comezos de 1924, o pai adoitaba levar prostitutas ou concubinas á casa e consumir opio, ao que se fixo adicto; esta situación comportou constantes pelexas entre os pais. Durante esta época, a nai de Chang decidiu viaxar coa súa irmá a Francia para estudar. En 1927, o pai comprometeuse a abandonar as drogas e as súas relacións extramaritais, polo que Chang e a súa nai regresaron a Shanghai con el. Porén, a parella acabaría por divorciarse en 1930; en consecuencia, tanto Chang como o seu irmán máis novo, Zhang Zijing (1921-1997), quedaron co seu pai.

Aos 18 anos, Chang enfermou de disentería. No canto de procurar atención médica, o pai bateu nela e obrigouna a permanecer no seu cuarto durante seis meses. Finalmente, a escritora decidiu fuxir coa nai, coa que viviu os dous anos seguinte, até ingresar na universidade.

Véxase tamén

Bibliografía

• Lee, Lily Xiao Hong; Stefanowska, A. D., eds. (2006). Biographical Dictionary of Chinese Women, vol. 2 (en inglés). University of California Press. ISBN 0-520-24449-4. 
• Pong, David (2009). "Chang, Eileen (Zhang Ailing) 1920-1995". Encyclopedia of Modern China (en inglés). Charles Scribner's Sons. 
• Sun, Rui Zhen (1988). "Zhang Ailing shengping he chuangzuo huodong jianji 張愛玲生平和創作活動簡記 [Breve rexistro da vida e traballos de Eileen Chang]". Xueshu Yuekan (en chinés) 2: 159–163.