Eesti Rahvusringhääling

Eesti Rahvusringhääling
Nome orixinal     Eesti Rahvusringhääling (et)
Instancia de emisora pública
Características  Forma xurídica persoa xurídica de dereito público  Produto ou servizo Radio radiodifusión
Implicados  Fundador/a Goberno de Estonia  Membro de Unión Europea de Radiodifusión  Ten en propiedade Eesti Televisioon Vikerraadio
Datas  Fundación / creación 1 de xuño de 2007
Historia  Substitúe Eesti Raadio (1926 - 2007) Eesti Televisioon (1955 - 2007)
Localización  Sede Talín  Área de operación Estonia  Lugar de formación Talín  País Estonia
Códigos e identificadores VIAF 221228563 ISNI 0000000494588676 Freebase /m/02rwt71
Fontes e ligazóns  Páxina WEB err.ee
Wikidata C:Commons

Eesti Rahvusringhääling (en galego, Radiodifusión Pública de Estonia), tamén coñecida polas siglas ERR, é a compañía de radiodifusión pública de Estonia. Creouse en 2007 e actualmente xestiona cinco cadeas de radio e dúas canles de televisión. É membro da Unión Europea de Radiodifusión.

Historia

O primeiro medio de comunicación estoniano que comezou as súas emisións é a actual Eesti Raadio, baixo a denominación Raadio-Ringhäälingut, o 18 de decembro de 1926. Coa incorporación de Estonia á Unión Soviética, o servizo de radio cambiou o seu nome polo de Radio Tallin. O servizo de televisión iniciou a súa actividade o 19 de xullo de 1955 como Tallinna Televisioonistuudio.

Cando Estonia obtivo a súa independencia, os medios de radio e televisión xa existentes convertéronse nun servizo público do novo estado. En 1990 renomearonse como Eesti Raadio e Eesti Televisioon respectivamente, cun funcionamento independente e separado.

En xaneiro de 2007 aprobouse a Lei de Radiodifusión Pública de Estoniana, que estableceu a creación do ente público Eesti Rahvusringhääling para integrar os servizos de radio e televisión, a partir do 1 de xuño do mesmo ano. Nos seus estatutos, sentou as súas bases nos valores de innovación, servizo público, profesionalidade e responsabilidade coa sociedade civil.

Servizos

Radio

• Vikerraadio: Cadea de radio de contidos xerais que basea a súa programación en informativos, magacines e entretemento.
• Raadio 2: Radio con perfil xuvenil, especializada en música.
• Klassikaraadio: Emite música clásica, jazz, folk e programas culturais.
• Raadio 4: Cadea dedicada ás minorías lingüísticas estonas, especialmente enfocada na comunidade de fala rusa.
• Raadio Tallinn: Radio internacional de Eesti Raadio, que inclúe programas das anteriores cadeas e doutras internacionais como BBC Radio ou Deutsche Welle.

Televisión

• Eesti Televisioon: Cadea de servizo público, ofrece unha programación de carácter xeral. Creouse o 19 de xullo de 1955.
• ETV2: Segunda cadea, dispoñible en Televisión Dixital Terrestre. Comezou o 8 de agosto de 2008 coa retransmisión dos Xogos Olímpicos de Pequín 2008.

Véxase tamén

Outros artigos

• Unión Europea de Radiodifusión

Ligazóns externas

• Sitio web oficial de Eesti Rahvusringhääling (en estoniano) (en ruso) (en inglés)