Edith Sohlström

Na Galipedia, a Wikipedia en galego.
Saltar ata a navegación Saltar á procura
Edith Sohlström
Edith Sohlström.jpg
Nacemento23 de xullo de 1870
 Pori,
Flag of Russia.svg Gran Ducado de Finlandia (Imperio Ruso)
Falecemento24 de agosto de 1957 (91 anos)
 Pori,
Finlandia Finlandia
Soterradacemiterio de Käppärä
NacionalidadeFinlandia
Composicións destacadasElegia
IrmánsGösta Sohlström
editar datos en Wikidata ]

Edith Sohlström, nada en Pori (Finlandia) o 23 de xullo de 1870 e finada na mesma cidade o 24 de agosto de 1930 foi unha compositora e escritora que exerceu como mestra de ximnasia.[1]

Traxectoria[editar | editar a fonte]

Edith Sohlström naceu o 23 de xullo de 1870 en Pori, daquela pertencente ao Gran Ducado de Finlandia, era filla de Maria Wilhelmina Lindeqvist e dun conselleiro comercial chamado Gustaf Adolf Sohlström.[2] Tiña un irmán maior, Gösta Sohlström (1849–1925), foi director de coro e licenciado en dereito.[3]

Logo de finalizar na universidade a súa licenciatura como profesora de ximnasia de xeito excepcional a principios da década de 1890, e do mesmo xeito que as súas compañeiras, tivo que solicitar unha exención de xénero.[4]

Durante case trinta anos Sohlström traballou como mestra de ximnasia na súa cidade natal, tanto en escolas finesas como suecas, e converteuse nunha figura respetada na cidade, impulsora da música, os deportes e a vida cultural. A súa faceta musical fíxoa moi popular, cantando e acompañándose cunha guitarra tanto nas principais celebracións deportivas como nas noites locais.[4]

En 1893 fundou o primeiro club de ximnasia feminina de Pori, ao que seguirían outros moitos clubs de ximnasia.[4]

Morreu o 24 de agosto de 1934 e está enterrada no cemiterio de Käppärä en Pori.[5]

Obra[editar | editar a fonte]

Edith Sohlström foi practicamente esquecida na historia da música finlandesa, se ben o seu nome permaneceu na lembranza grazas á súa Elegia, a súa composición máis coñecida, cunha sonoridade romántica, na que fala no seu ensoñamento, e da que se fixeron numerosos arranxos.[6][7]

Produción literaria[editar | editar a fonte]

Edith Sohlström escribiu tamén varios libros en lingua sueca baixo o pseudónimo de Vivian Holme:[8]

  • Lill-Brita och hennes bröder : några berättelser om en hurtig flicka. Söderström, Helsinqui 1916
  • Hejan Stjärna. Schildt, Helsinqui 1917
  • Falkenbergska bolaget. Schildt, Helsinqui 1918
  • Ur sagovärld och verklighet : Del 1 : Sagor. Schildt, Helsinqui 1919
  • Ur sagovärld och verklighet : Del 2 : Äventyr i krig och fred. Schildt, Helsinqui 1919
  • Framtidsdrömmar : flickroman. Schildt, Helsinqui 1921
  • Trollhedens saga och andra sagor. Schildt, Helsinqui 1921

Notas[editar | editar a fonte]

  1. Moisala, Pirkko; Valkeila, Riitta (1994). Musiikin toinen sukupuoli, Naissäveltäjiä keskiajalta nykyaikaan (en finés). Kirjayhtymä. pp. 16, 213. ISBN 951-26-3937-8. 
  2. "Edith Sohlström" (en inglés). geni.com. Consultado o 30 de outubro de 2020. 
  3. Haapanen, Toivo (1948). Musiikin tietokirja (en finés). Helsinqui: Otava. p. 458. 
  4. 4,0 4,1 4,2 Koivisto, Nuppu (24 de agosto de 2020). "Edith Sohlström (1870–1934): säveltäjä ja urheiluaktiivi". rondolehti.fi (en finés). Consultado o 30 de outubro de 2020. 
  5. "Localización da tumba de Edith Sohlström no cemiterio de Käppärä" (en finés). kirkkoporissa.fi. Consultado o 20 de outubro de 2020. 
  6. "Suomalaisia Klassisia Suosikkisävelmiä 2" (en finés). Naxos. 
  7. Välimäki, Susanna; Koivisto, Nuppu (8 de febreiro de 2019). "A series of articles celebrates historical Finnish women who wrote music" (en inglés). Finnish Music Quarterly. Consultado o 7 de decembro de 2020. 
  8. "Holme, Vivan" (en finés). kirjasampo.fi. Consultado o 7 de decembro de 2020. 

Véxase tamén[editar | editar a fonte]

Ligazóns externas[editar | editar a fonte]