Edelmiro Dios Vázquez
| Biografía | |
|---|---|
| Nacemento | valor descoñecido  Pontevedra |
| Morte | 4 de setembro de 1936 Bora |
| Causa da morte | paseo |
| Actividade | |
| Ocupación | sindicalista, político, ferreiro |
 | |
Edelmiro Dios Vázquez, nado en Pontevedra e finado no mesmo concello o 4 de setembro de 1936, foi un sindicalista e político galego.
Traxectoria
[editar | editar a fonte]Ferreiro. Vicesecretario do PSOE de Pontevedra e presidente da Juventud Socialista local, militante da UGT e membro da dirección local do Socorro Vermello Internacional. Coa folga xeral revolucionaria de 1934 foi detido, pero foi posto en liberdade a finais de novembro.[1] Co golpe de Estado do 18 de xullo de 1936 permaneceu oculto na zona de Paredes (Vilaboa) xunto a un compañeiro, pasando despois a Cobres; na noite do 3 de setembro, unha delación levou a que falanxistas e cívicos rodeasen a casa na que estaban agochados.[2] Conducidos ao cuartel do Campo da Feira, foron salvaxemente torturados. A pesar de quedar á disposición do xuíz militar, o seu cadáver apareceu a mañá do 5 de setembro no cemiterio de Bora. En agosto de 1940 foi condenado polo Tribunal de Responsabilidades Políticas a 10 anos de desterro a 150 quilómetros de Pontevedra, 10 anos de inhabilitación absoluta e multa de 250 pesetas.[3][4]
Notas
[editar | editar a fonte]- ↑ El Pueblo Gallego, 1-12-1934, p. 12.
- ↑ Diario de Pontevedra, 4-9-1936, p. 2.
- ↑ El Pueblo Gallego, 21-8-1940, p. 6.
- ↑ BOE, 6-10-1940, p. 4665.
Véxase tamén
[editar | editar a fonte]Bibliografía
[editar | editar a fonte]- Álvarez Castro, Xosé (2013). "Cunetas sembradas de muerte. La represión extrajudicial en la provincia de Pontevedra" (PDF). Memòria antifranquista del Baix Llobregat (13): 15–20. Consultado o 12 de abril de 2020.
Ligazóns externas
[editar | editar a fonte]- Álvarez Castro, X. (3 de setembro de 2008). "Edelmiro Dios Vázquez". Pontevedra nos anos do medo.
