Eanmund (Beowulf)

Na Galipedia, a Wikipedia en galego.
Saltar ata a navegación Saltar á procura

Eanmund foi un caudillo viquingo, príncipe dos suións (suecos) da dinastía dos Ynglings na Era de Vendel (século VI). A diferenza dos seus parentes do clan familiar, só aparece mencionado no poema épico Beowulf. Eanmund era fillo do rei Ohthere e irmán de Eadgils, de Svealand, Suecia[1].

Etimoloxía[editar | editar a fonte]

O nome procede do protonórdico *Aiwamunduz (nórdico antigo oriental Ēmund) ou Āmunduz (Āmund).

Vida[editar | editar a fonte]

Á morte de Ohthere, o seu irmán pequeno Onela usurpa a coroa sueca, polo que Eanmund e Eadgils escapan e buscan refuxio entre os gautas. Isto provoca que Onela ataque Götaland pois tamén existía unha débeda de sangue (Hygelac, o pai do rei Heardred matara a Ongentheow, pai de Onela). No campo de batalla, Eanmund e Heardred morren loitando contra o campión Weohstan. Eadgils, sobrevive e busca a axuda de Beowulf para vingar a morte do seu irmán e do rei, feito que tamén aparece noutras fontes escandinavas.

No relato, Weohstan tomou a espada do defunto Eanmund e cedeuna en herdanza ao seu fillo Wiglaf quen a usaría para loitar contra o dragón xunto a Beowulf.

Notas[editar | editar a fonte]

  1. (suna Ohteres) Beowulf verso 2613.

Véxase tamén[editar | editar a fonte]

Bibliografía[editar | editar a fonte]

Nerman, B. Det svenska rikets uppkomst. Stockholm, 1925.

Ligazóns externas[editar | editar a fonte]