Dytiscus
| Dytiscus | |||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|
 D. latissimus | |||||||||||||||||||
| Clasificación científica | |||||||||||||||||||
| |||||||||||||||||||
Dytiscus (que significa pequeno mergullador', do grego δυτικός, "que pode mergullarse" e o sufixo diminutivo -ίσκος) é unha especie de escaravellos da familia dos ditíscidos de distribución holártica de costumes predadoras e mergulladoras, que vive en zonas húmidas e lagoas. Hai 26 especies neste xénero, distribuídas en Europa, Asia e norte de África e América Central. Son predadores que poden reducir a cantidade de larvas de mosquito.
Os Dytiscus son grandes escaravellos acuáticos cun corpo robusto e redondeado, que miden de 2,2 a 4,4 cm de longo dependendo da especie de que se trate.[1] O máis grande, D. latissimus, está entre as especies máis grandes da familia e o seu tamaño só é igualado por certos Megadytes.[1] Os tarsos dos machos están modificados formando ventosas que usan para agarrar as femias durante o apareamento. As femias son xeralmente máis longas que os machos e poden ser de dúas formas segundo os élitros: con élitros con canles (sulcados) ou con élitros lisos. Os machos só teñen élitros lisos. Os adultos da maioría das especies poden voar.
Historia vital[editar | editar a fonte]
Os adultos e as larvas son acuáticos, pero as pupas pasan a súa vida en terra. As femias poñen ovos dentro do tecido de plantas acuáticas, como xuncos. Os ovos fan eclosión nunhas tres semanas.
As larvas son alongadas cunha cabeza redonda e plana e fortes mandíbulas. Son predadores e as súas mandíbulas teñen canles no seu bordo interno a través das cales poden succionar os fluídos corpoarais das presas. As larvas toman aire desde a superficie da auga usando pelos ao final do abdome, que conducen aos espiráculos nos cales se capta o aire.
Unha vez que as larvas medran ata certo tamaño, trasládanse ao chan á beira da auga e entérranse nunha cela e pupan.
Os adultos respiran subindo á superficie e poñéndose boca arriba. Recollen aire cos élitros e poden respirar o aire recollido usando os espiráculos que están agochados baixo os élitros.
En Dytiscus marginalis e outras especies o tarso das patas anteriores está modificado nos machos formando unha ventosa circular. Tamén teñen unha ventosa máis reducida na pata media do macho.[2]
Parasitoides[editar | editar a fonte]
Os ovos de Dytiscus son ás veces parasitados por avespas das familias Eulophidae, Mymaridae e outras Chalcidoidea.[3][4]
Especies[editar | editar a fonte]
Dysticus contén as seguintes especies:[5]
- Dytiscus alaskanus J.Balfour-Browne, 1944
- Dytiscus avunculus C.Heyden, 1862
- Dytiscus caraboides Linnaeus, 1758
- Dytiscus carolinus Aubé, 1838
- Dytiscus circumcinctus (Ahrens, 1811)
- Dytiscus circumflexus Fabricius, 1801
- Dytiscus cordieri Aubé, 1838
- Dytiscus dauricus Gebler, 1832
- Dytiscus delictus (Zaitzev, 1906)
- Dytiscus dimidiatus Bergsträsser, 1778
- Dytiscus distantus Feng, 1936
- Dytiscus fasciventris Say, 1824
- Dytiscus habilis Say, 1830
- Dytiscus harrisii Kirby, 1837
- Dytiscus hatchi Wallis, 1950
- Dytiscus hybridus Aubé, 1838
- Dytiscus krausei H.J.Kolbe, 1931
- Dytiscus lapponicus Gyllenhal, 1808
- Dytiscus latahensis Wickham, 1931
- Dytiscus latissimus Linnaeus, 1758
- Dytiscus latro Sharp, 1882
- Dytiscus lavateri Heer, 1847
- Dytiscus marginalis Linnaeus, 1758
- Dytiscus marginicollis LeConte, 1845
- Dytiscus miocenicus Lewis & Gundersen, 1987
- Dytiscus mutinensis Branden, 1885
- Dytiscus persicus Wehncke, 1876
- Dytiscus pisanus Laporte, 1835
- Dytiscus semisulcatus (O.F.Müller, 1776)
- Dytiscus sharpi Wehncke, 1875
- Dytiscus sinensis Feng, 1935
- Dytiscus thianschanicus (Gschwendtner, 1923)
- Dytiscus verticalis Say, 1823
- Dytiscus zersii Sordelli, 1882
-
Ovos e posta de ovos -
Larva -
Pupa -
Espiráculos baixo os élitros -
Machos con ventosas nos tarsos anteriores -
Historia vital
Notas[editar | editar a fonte]
- ↑ 1,0 1,1 Miller, K.B.; J. Bergsten (2016). Diving Beetles of the World: Systematics and Biology of the Dytiscidae. pp. 115–116. ISBN 978-1-4214-2054-7.
- ↑ Miall, L. C. (1912) The natural history of Aquatic Insects. Macmillan and Co. Ltd.
- ↑ Jackson D.J. (1958) A further note on a Chrysocharis (Hymenoptera, Eulophidae) parasitizing the eggs of Dytiscus marginalis L., and a comparison of its larva with that of Caraphractus cinctus Walk. (Hym., Mymaridae) J.Soc.Brit.Entomol. 6:15-22.
- ↑ Jackson D.J. (1961) Observations on the biology of Caraphractus cinctus Walker (Hymenoptera, Mymaridae), a parasitoid of the eggs of Dytiscidae. II. Immature stages and seasonal history with a review of mymarid larvae.. Parasitology. 51:269-294.
- ↑ Dytiscidae Species List at Joel Hallan's Biology Catalog. Texas A&M University. Consultado o 7 de maio de 2012.
Véxase tamén[editar | editar a fonte]
Ligazóns externas[editar | editar a fonte]
 |
Wikispecies posúe unha páxina sobre: Dytiscus |
- Shpeley, D. (2004). "Species Details Dytiscus dauricus". University of Alberta Museums. E.H. Strickland Entomological Museum. Consultado o 8 de novembro de 2020.
