Saltar ao contido

Durbin Feeling

Na Galipedia, a Wikipedia en galego.
Modelo:BiografíaDurbin Feeling

(1964) Editar o valor en Wikidata
Biografía
Nacemento2 de abril de 1946 Editar o valor en Wikidata
Locust Grove, Estados Unidos de América Editar o valor en Wikidata
Morte19 de agosto de 2020 Editar o valor en Wikidata (74 anos)
Tahlequah, Estados Unidos de América Editar o valor en Wikidata
Grupo étnicoPobo cherokee Editar o valor en Wikidata
EducaciónChilocco Indian Agricultural School Editar o valor en Wikidata
Actividade
Ocupaciónlingüista, profesor universitario Editar o valor en Wikidata
Premios

Durbin Duran Feeling (en cherokee: ᏫᎵ ᏚᎥᎢᏅ; romanizado como Wili Duvinv), nado o 2 de abril de 1946, e finado o 19 de agosto de 2020,[1] foi un lingüista cherokee que escribiu o primeiro dicionario cherokee-inglés en 1975. É considerado o meirande colaborador moderno da conservación da lingua cherokee.[1][2][3][4]

Traxectoria

[editar | editar a fonte]

Feeling naceu o 2 de abril de 1946, fillo de Jeff e Elizabeth Feeling, na comunidade de Little Rock, en Locust Grove, Oklahoma.[5][6] Aprendeu o cherokee como primeira lingua e aprendeu o inglés cando estaba en primeiro de primaria.[7][4] Comezou a ler silabario cherokee cando tiña 12 anos.[1]

Feeling graduouse no Chilocco Indian School (un internado indíxena dos Estados Unidos de América) en 1964 e obtivo un título de asociado no Bacone College en 1966.[6][8] Foi recrutado polo Exército en 1967 e serviu como artilleiro durante a guerra de Vietnam.[6][9] Comezou a escribir en silabario cherokee cando lle escribía cartas á súa nai mentres estaba en Vietnam.[4] Recibiu o Corazón púrpura, e licenciouse con honras en 1970.[6][7]

Lingüista cherokee

[editar | editar a fonte]

Durbin comezou o seu traballo coa lingua cherokee cando regresou de Vietnam.[4] En 1975, Feeling coescribiu o primeiro dicionario cherokee-inglés.[4][10] Esa obra segue a ser considerada a "publicación estándar de referencia en lingua cherokee".[1]

Feeling obtivo unha licenciatura en xornalismo na Universidade Estatal do Nordeste en 1979 e un mestrado en ciencias sociais na Universidade de California en Irvine en 1992.[9][8][11][12]

Feeling ensinou cherokee nas universidades, incluíndo a Universidade de Oklahoma, a Universidade de Tulsa e a Universidade de California.[1] Foi autor ou contribuíu en moitos libros e artigos de investigación sobre o cherokee.[1][4] Os seus materiais para estudantes de lingua cherokee seguen sendo moi utilizados, e moitos profesores de lingua cherokee aprenderon directamente de Feeling.[1][4]

Feeling traballou para a Nación Cherokee de 1976 a 2020, incluído no seu departamento de tradución lingüística e tecnoloxía.[7] Na década de 1980, engadiu o silabario cherokee a un procesador de textos.[7] Tamén contribuíu a engadir o silabario cherokee a Unicode, o que permite que estea amplamente dispoñible en ordenadores e teléfonos intelixentes.[7]

Influencia e legado

[editar | editar a fonte]

Polas súas achegas á preservación da lingua e cultura cherokee, Feeling foi nomeado Tesouro Nacional Cherokee pola Nación Cherokee. Tamén recibiu un doutoramento honoris causa pola Universidade Estatal de Ohio.[1][9] Chuck Hoskin Jr., Xefe da Nación Cherokee, describiu a Feeling como "un Sequoyah moderno" (en referencia ao creador do silabario cherokee) e dixo que "[todo o que estamos a facer para a revitalización lingüística é grazas a Durbin".[1] En 2019, a Nación Cherokee elixiu a Feeling como o primeiro asinante na "Lista de Falantes da Lingua Cherokee".[7][10]

Feeling é o nome do centro de aprendizaxe de linguas da Nación Cherokee (o Durbin Feeling Language Center)[13] e da lexislación de 2022 que protexe as linguas indíxenas (a Lei de linguas nativas americanas de Durbin Feeling).[14]

O Museo Sam Noble contén a colección Durbin Feeling, cos seus extensos materiais en lingua cherokee, incluíndo cartas escritas en cherokee entre os membros da familia de Feeling.[15]

Escolma de obras

[editar | editar a fonte]
  • Feeling, Durbin. Cherokee–English Dictionary. Tahlequah: Cherokee Nation, 1975.
  • Feeling, Durbin. A structured approach to learning the basic inflections of the Cherokee verb. Neff Publishing Company, 1994.
  • Tuyl, Charles D. Van; Durbin Feeling (1994). An Outline of Basic Verb Inflections of Oklahoma Cherokee. Indian University Press. ISBN 978-0-940392-07-6. 
  • Pulte, William, and Durbin Feeling. "Morphology in Cherokee Lexicography." Making dictionaries: Preserving indigenous languages of the Americas (2002): 60.
  • Feeling, Durbin, ed. See-say-write: Method of Teaching the Cherokee Language. Cherokee Nation, Indian Adult Education, 2002.
  • Feeling, Durbin, et al. "A handbook of the Cherokee verb: a preliminary study." Tahlequah, Okla.: Cherokee Heritage Center (2003).
  • Feeling, Durbin, et al. "Why revisit published data of an endangered language with native speakers? An illustration from Cherokee." Language Documentation & Conservation 4 (2010): 1-21.
  • Feeling, Durbin; Christiansen, Lisa Christine (2015). Cherokee Hymn Book. Penguin International Publishing. ISBN 978-0-692-47367-2. 
  • Herrick, Dylan, Marcellino Berardo, Durbin Feeling, et al. "Collaborative documentation and revitalization of Cherokee tone." Language Documentation & Conservation 9 (2015): 12-31.
  • Feeling, Durbin. Cherokee Narratives: A Linguistic Study. University of Oklahoma Press, 2018.

Notas

[editar | editar a fonte]
  1. ↑ 1,0 1,1 1,2 1,3 1,4 1,5 1,6 1,7 1,8 "Cherokee Nation mourns passing of Cherokee National Treasure Durbin Feeling, single-largest contributor to Cherokee language since Sequoyah". Anadisgoi, the Official Cherokee Nation Newsroom. 19 de agosto de 2020. Arquivado dende o orixinal o 10 de agosto de 2020. Consultado o 19 de agosto de 2020. 
  2. ↑ Stanley, Tim (20 de agosto de 2020). "Durbin Feeling, Cherokee linguist and 'modern-day Sequoyah,' dies at 74". Tulsa World (en inglés). 
  3. ↑ Trotter, Matt (20 de agosto de 2020). "Durbin Feeling, Leader in Effort to Save the Cherokee Language, Dead at 74" (en inglés). Public Radio Tulsa. Consultado o 22 de agosto de 2020. 
  4. ↑ 4,0 4,1 4,2 4,3 4,4 4,5 4,6 "Language is Everything: The Story of Durbin Feeling, Cherokee Linguist". OsiyoTV. Tempada 5. Episodio 10. 3 de novembro de 2019. Consultado o 23 de agosto de 2020. 
  5. ↑ "Longtime Cherokee linguist Durbin Feeling dies". Cherokee Phoenix (en inglés). 19 de agosto de 2020. 
  6. ↑ 6,0 6,1 6,2 6,3 "2 vets honored for service" (PDF). Cherokee Phoenix. maio de 2014. Arquivado dende o orixinal (PDF) o 22 de outubro de 2020. Consultado o 23 de agosto de 2020. 
  7. ↑ 7,0 7,1 7,2 7,3 7,4 7,5 Kemp, Adam (20 de agosto de 2020). "Renowned Cherokee linguist Durbin Feeling dies". The Oklahoman (en inglés). 
  8. ↑ 8,0 8,1 "Preaching the Gospel the Baptist Way in Cherokee". Seven Clans of the Cherokee Nation of Sequoyah of Mexico, Texas, and U.S.A. Reservation and Church. Consultado o 23 de agosto de 2020. 
  9. ↑ 9,0 9,1 9,2 "Cherokees honor Vietnam vet". Muskogee Phoenix (en inglés). 27 de abril de 2014. 
  10. ↑ 10,0 10,1 Baker, Bill John (25 de abril de 2019). "Registry strives to record all Cherokee speakers". Tulsa World (en inglés). 
  11. ↑ Guide: A Guide to Departments, a Directory of Members (en inglés). American Anthropological Association. 2008. p. 280. ISBN 978-0-9799094-4-3. 
  12. ↑ Feeling, Durbin (2018). Cherokee Narratives: A Linguistic Study (en inglés). University of Oklahoma Press. p. 5. ISBN 978-0-8061-6062-7. 
  13. ↑ Bark, Lindsey (16 de novembro de 2022). "CN celebrates opening of Durbin Feeling Language Center". Cherokee Phoenix. Consultado o 12 de setembro de 2023. 
  14. ↑ Hunter, Chad (10 de xaneiro de 2023). "President Biden signs Native language acts into law". Cherokee Phoenix. Consultado o 11 de xaneiro de 2023. 
  15. ↑ "Durbin Feeling Collection" (en inglés). Sam Noble Museum. 19 de febreiro de 2015. Consultado o 23 de agosto de 2020. 
Traído desde «https://gl.wikipedia.org/w/index.php?title=Durbin_Feeling&oldid=6962511»