Dunkerque (filme de 2017)

Dunkerque
Logo do filme.
Ficha técnica
Título orixinal	Dunkirk
Director	Christopher Nolan
Produtor	Emma Thomas Christopher Nolan
Guión	Christopher Nolan
Intérpretes	Fionn Whitehead Tom Glynn-Carney Jack Lowden Harry Styles Aneurin Barnard James D'Arcy Barry Keoghan Kenneth Branagh Cillian Murphy Mark Rylance Tom Hardy
Música	Hans Zimmer
Fotografía	Hoyte van Hoytema
Montaxe	Lee Smith
Estudio	Syncopy Inc.
Distribuidora	Warner Bros. Pictures
Estrea	Odeon Leicester Square: 13 de xullo de 2017 19 de xullo de 2017 20 de xullo de 2017 / 21 de xullo de 2017 25 de maio de 2020 (TVG)
Duración	106 minutos
Orixe	Reino Unido Estados Unidos Francia Países Baixos
Xénero	Acción
Orzamento	$100 000 000
Recadación	$525 600 000
Na rede
https://www.warnerbros.com/movies/dunkirk

Dunkerque (en inglés: Dunkirk) é un filme bélico de 2017 escrito, producido e dirixido por Christopher Nolan. Conta a historia da evacuación de Dunkerque durante a segunda guerra mundial. Está protagonizado por Fionn Whitehead, Tom Glynn-Carney, Jack Lowden, Harry Styles, Aneurin Barnard, James D'Arcy, Barry Keoghan, Kenneth Branagh, Cillian Murphy, Mark Rylance e Tom Hardy. É unha coprodución entre o Reino Unido, os Estados Unidos, Francia e os Países Baixos, e foi distribuído por Warner Bros.

Dunkerque representa a evacuación dende tres perspectivas: terra, mar e ar. Ten pouco diálogo, xa que Nolan buscaba xerar suspense a través da fotografía e da música. A rodaxe comezou en maio de 2016 en Dunkerque e rematou en setembro dese ano nos Ánxeles, cando comezou a posprodución. O fotógrafo Hoyte van Hoytema rodou o filme en IMAX 65 mm e 65 mm de gran formato. Dunkerque ten moitos efectos especiais manuais, e empregou centos de extras así como barcos históricos da evacuación e avións da época.

Estreouse o 13 de xullo de 2017 en Odeon Leicester Square de Londres, e foi estreado no Reino Unido e nos Estados Unidos o 21 de xullo en formatos IMAX, 70 mm, e 35 mm. É o filme sobre a segunda guerra mundial con maior recadación da historia, conseguindo $525 millóns en todo o mundo. Dunkerque recibiu aclamacións polo seu guión, dirección, banda sonora e fotografía, e algúns críticos considérano o mellor traballo de Nolan. Recibiu oito nomeamentos ós Premios da Crítica Cinematográfica, gañando o de mellor montaxe, oito ós BAFTA, gañando o de mellor son, e tres ós Globos de Ouro. Na 90ª edición dos Óscar, recibiu oito nomeamentos, incluíndo mellor filme e mellor director (sendo o primeiro nomeamento de Nolan nesta categoría). Finalmente gañou os premios de mellor edición de son, mellor son e mellor montaxe.

Estreouse en galego o 25 de maio de 2020 na TVG. Foi traducido por Manuel Arca Castro.

Personaxes

• Fionn Whitehead como Tommy
• Tom Glynn-Carney como Peter Dawson
• Jack Lowden como Collins
• Harry Styles como Alex
• Aneurin Barnard como Gibson
• James D'Arcy como Coronel Winnant
• Barry Keoghan como George Mills
• Kenneth Branagh como Comandante Bolton
• Cillian Murphy como soldado perdido no mar
• Mark Rylance como Mr Dawson
• Tom Hardy como Farrier

Véxase tamén

Bibliografía

• Levine, Joshua (27 de xuño de 2017). HarperCollins, ed. Dunkirk: The History Behind the Major Motion Picture. ISBN 978-0062740304. 
• Mottram, James (18 de xullo de 2017). Insight Editions, ed. The Making of Dunkirk. ISBN 978-1683831075. 
• Nolan, Christopher (8 de agosto de 2017). Faber & Faber, ed. Dunkirk. ISBN 978-0571336258.